LIVRE IV, CHAP. XVIL
estoit fille du duc d'Anjou, quy se disoit roy de Sécille ; et avoit icelle royne ung fils nommé Edouard, laquelle elledisoit estre fils dudict roy Henry; mais aulcuns disoient que ledict Edouard n’estoit pas fils du roy Henry, et qu’elle ne s’estoit point bien portée en marriage. De ce qu’il enest, je m’enrapporteau vray, Car je n'en sçay riens; trop bien le scait ladicte royne. Icelluy roy Henry estoit homme simple, dévot et bien servant Dieu, comme on disoit, et n’estoit pas homme de guerre; et à ceste cause qu'il estoit simple, on disoit qu’il n’estoit pas sage. Et pour vous faire entendre et déclarer la cause qu'y mouvoit ledict duc d’Yore voulloir estre roy d’Angleterre: ilest vray que le dernier roy Edouard d'Angleterre avoit eu quatre fils; le premier, nommé Edouard, prince de Galles, le second le duc de Lenclastre, le tiers Hedmon, duc d’Yorc, et le quart estoit aussy duc. Icelluy premier fils, nommé Edouard, feut moult vaillant homme, et desconfit le roy de France Jehan en bataille et le prit prisonnier, etsy reconquesta le royaulme des Espagnes sur Bertrandde Gleksy!, quy l’avoit conquis pour le roy Henry d'Espagne.Après plusieurs victoires qu’icelluy Edouard, prince de Galles, obtint, et qu’il feut retourné en Angleterre, le roy Henry, son père, le renvoya derechief en France pour guerroyer ; mais aincois qu’icelluy prince de Galles se partist d'Angleterre, il requist au roy son père que, s’il plaisoit à Dieu qu’il mourust audict voyage, ains qu’il mourust?, qu’il volsist faire faire le serment à touts les princes d'Angleterre qu’a-
rès la mort de luy, son père, ils couronneroient à roy ung fils qu’icelluy prince de Galles avoit, nommé Richard; ce que le roy Edouard feit ; et manda touts ses fils et ses princes, et leur feit faire ledict serment; et comme il pleut à Dieu, icelluy prince mourut avant son père; et assez tost après icelluy roy Edouard mourut.
Après laquelle mort du roy Edouard, le duc de Lenclastre, premier frère du prince, comme il avoit promis, couronna en roy d'Angleterre ledict Richard, son neveu.
De laquelle chose il dépleut moult aux enfants dudict duc de Lenclastre, considérants que sy leur pèren'’euist faictceste chose, ilseuissent esté roys. Sy s’appensèrent d’une merveilleuse chose, par especial l’aisné , lequel s’appeloit Henry de
(1) Du Gucsclin. (2 Avant sa mort.
Lenclastre, lequel Henry avoit tousjours eu l'imagination que, sy son père le duc de Lenclastre euist bien voullu, il euist esté quelque jour roy. Tantost après que ledict duc son père feut allé de vie à mort, il feit meurdrir et villainement mourir ledict Richard ; et appréhenda icelluy Henry leroyaulme d'Angleterre par force et par violence, et s'en feit couronner roy; etsy en fust roy, nonobstant qu’au jour qu’icelluy Richard feust meurdry ettué, Hedmon le duc d’Yorc, fils du roy Edouard, et oncle du roy Richardoccis,oncle aussydudict Henry de Lenclastre,estoit vivant ,auquel Hedmon,comme au plus prochain dudict roy Richard, debvoit compéter ledictroyaulme d’Angleterre,et non audict Henry quy n’estoit quecousin-germain,etquy avoit ainsy faictmeurdrirleroy Richard lequel roy Richardn’avoit nuls enfants; et d’icelluy Hedmon, duc d’Yorc, estoit descendu le duc d’Yorc à présent et dont ceste histoire faict mention; et avoit esté icelluy Hedmon, ayeul dudict duc de ligne droict. Et à cause des choses dessusdictes, disoit le duc d’Yorc à luy compéter le royaulme d'Angleterre, quelquetraictié que luy ne sesprédécesseurs euissent faict dudict royaulme d’Angleterre avecq les descendants dudict roy Henry de Lenclastre, ny avecq ledict Henry mesme, lequel Henry de Lenclastre avoit aussy esté ayeul dudict roy Henry, dont ceste histoire faict mention. Icelluy duc d’Yorc estant en la ville de Yore, et le roy Henry avecq luy, la royne d’Angleterre, laquelle estoit desplaisante et courroucée de l’accord que son mary avoit faict audict duc d’Yorc, au préjudice de son fils Edouard, assembla tant de gents d'armes comme elle peut ; et estoit avecq elle le duc de Sombreset et plusieurs aultres ducs et comtes; et vint devant ladicte ville de Yorc; etillecq feut journée de bataille assignée entre les gents de la royne et le duc d’Yorc; à laquelle journée assignée, quy feut environ le premier jour de l’an dessusdict,les deux partiescomparurent; etestoitavecq ledict duc d’Yorc son second fils, le comte de Rutelant, le comte de Salesbury et plusieurs aultres seigneurs; et du costé de la royne estoient les seigneurs dessus nommés et ung cappitaine nommé Treslot, et y olt grosse bataille: maisla maladventure chéitsur ledict ducd’Yorc; car il feut desconfit, et en y olt plusieurs morts; et mesme ledict duc d’Yorc, son second fils, et (1) 11 s'agit de la bataille de Wakeficid.
MÉMOIRES DE J. DUCLERCQ,
le comte Salesbury, le seigneur de Neuville, de Haringeois!, messire Thomas de Hermant et messire Jehan Harintoy* y moururent; mais le duc d’Yorc et le comte de Rutelant, son second fils, et le comte de Salesbury y feurent prins, et ce propre jour feurent touts trois descappités et morts, et leurs testes mises au bout des lances sur les portes de ladicte ville d’Yorc.
Et pour autant que ledict duc d'Yorc avoit voullu estre roy d'Angleterre, après cequeledict duc feut descappité par le conseil dudict cappitaine Adrien Treslot, on meit sur sa teste une couronne de papier par derision, laquelle derision on polroit bien prendre pour auspice, en signifiant qu'il estoit roy ; car assez tost après son fils, nommé Edouard, desconfit les gents de la royne, et feut couronné et régna paisiblement roy d'Angleterre, comme cy-après sera dict.
Icelluy ducd’Yorcdeslaissa plusieurs fils, sans celuy qui mourut avecq luy, et en laissa trois. dont l’aisné estoit nommé Edouard, comte de la Marche en Angleterre, de l’age de vingt ans ou environ, et icelluy estoit le plus beau josne chevallier quy feust en Angleterre;les aultres deulx estoient josnes. Après laquelle mort du duc d’'Yorc dessusdict et des aultres , tantost que Edouard, fils dudict duc, sceust les nouvelles, luy et le comte de Werwicq feirent une grande assemblée de gents de guerre pour venir combattre ceulx quy olrent gagné ladicte bataille.
