CHAPITRE XVIII
Comment Charles, comte de Charrollois, fils de Philippes, duc de Bourgoingne, se vint plaindre audict duc de Bourgoingne, son père, du scigneur de Croy, principal gouverneur dudict duc.
En ce temps, Charles, comte de Charrollois, accompagnié du comte d’Estampes et aultres seigneurs de son sang, arriva et vint en la ville de Bruxelles, et vint devers le duc de Bourgoingne, son père; et arriva ledict Charles et tout son train, et touts les seigneurs avecq luy, touts vestus de blanc; et en cest estat alla saluer son père; et illecq feut aulcuns jours ains qu’il feist ce qu'il pensoit de faire.
Ung jour se trouva ledict Charles avecq le duc son père; auquel duc son père Charles pria qu'icelluy voulsist luy donner audience de luy dire ce quy luy gisoit sur le cœur, lequel duc luy dict ou feit dire ce qu’il voulloit. Et dict lors ledict Charles à maistre, Erard Vauris, natif de
(1) Hastings. (2), Harrow.
Bourgoingne, quy estoit son principal conseillier, qu’il dist ce qu’il luy avoit chargié de dire ; lequel maistre Erard Vauris commença bientost à parler debvant le duc et à ouvrir la matière, laquelle luy estoit commandée à dire par ledict Charles,comte de Charrollois,enremonstrantles deffaults,crimeset délicts faicts par leseigneur de Croy, quy illecq estoit présent ; car sans la présence dudict seigneur de Croy, le comte de Charrollois ne les euist voullu dire, lequel seigneur de Croy estoit le principal gouverneur de duc. Sitost que le duc ouït qu’on accusoit le seigneur de Croy de plusieurs choses quy touchoient grandement à l'honneur dudict seigneur de Croy, le duc dict audict maistre Erard: qu’il advisast bien à ce qu’il disoit, et qu’il se gardast bien de dire aultre chose que vérité, et chose qu’il puisse bien prouver. Desquelles parolles dictes par le duc ledict maistre Erard olt sy grande poeur, et sy feut doubtant de mal dire ou faire, que le cœur luy faillit, présents touts. Et quand le cœur luy feut revenu, il s’excusa audict Charles de plus parler, de poeur qu’il avoit du duc; car il perceut bien que le duc se troubla.
Icelluy maistre Erard estoit renommé d’estre très notable et grand clercq et bien emparlé; et se donnoient de merveilles les assistants de la doubite et poeur qu’il olt. Ledict Charles, ce voyant, se jeita prestement à genoulx devant sondict père, et reprint la parole pour ledict maistre Erard; et moult haultemene et en moult beau langaige commenca à alléguier devant le duc son père, et devant le seigneur de Croy, et aultres plusieurs, aulcunes faultes et crimes qu'il disoit que ledict seigneur de Croy avoit commis et perpétrés ; desquels je me tais, pourtant qu’il ne me feut pas dict à la vérité quelles deffaultes, et n’en ay peu scavoir la vérité!. Mais quoy qu’il feust ou que ce soit, le duc Philippes coppa la parolle 'audict Charles son fils, et luy dict : que plus il n’en voulloit ouir parler, et qu’il se gardast bien que plus il en parlast, ny: venist devers luy pour telles choses; et commanda illecq audict seigneur de Croy qu’il faisist tant devers son fils qu'icelluy son fils fussist content de luy. Et combien qu’après le département dudict duc le seigneur de Croy feist son debvoir de prier mercy audict
(1) Voyez, pour ces allégations et reproches du comte de Charrolois, contre le seigneur de Croy, la chronique de Georges Chastellain qui en avoit reçu la confidence.
J. Du Ccerco er Sr, REMY.
