CHAPITRE XIX
Comment ung huissier de parlement vint en la prison de l'évesque d'Arras, el en lira hors le seigneur de Bcauffort, quy le volsist veoir ; et aultres choses.
Audict an mil quatre cents soixante, le seizième jour de janvier, arriva ung huissier de parlement en la ville d'Arras, pour faire information du tort que le seigneur de Beauffort disoit qu’on luy avoit faict, aussy pour s’informer des torts que Jehan Taquet et aultres disoient qu'on leur avoitfaict par gehenne et aultrement, pour s'informer aussy d’une appellation que le seigneur de Beauffort disoit avoir faict des vicaires; c'estasscavoir, qu'avant qu’il feust oncques interrogié, ne condampné d’avoir esté en ladicte vaulderie, il avoit appelé des vicaires et leurs complices en parlement. Et avoit esté amenéicelluy huissier, par Philippes, de Beauf-
(1) Charge.
(2) Soixante et un, nouveau style.
tort, aisné fils dudict seigneur de Beaufort, Lequel, après information faicte et plusieurs tesmoings ouis, tels que ceulx quy l’avoient faict icy venir luy voullurent administrer, le vingt-cinquiesme jour de janvier ensuivant, ledict huissier, accompagnié de Philippes de Beauffort, luy quatriesme desfreres légitimes, à scavoir : de Pierre, Raoul et Jacquesde Habart, frères, et aultres, jusques au nombre de trente compagnons ou environ, bien embastonnés de bastons de guerre, vindrent aulx vicaires de l’'évesque, aulxquels l'huissier, de par le roy de France, requist avoir l'obéissance de exploiter cequ’ilavoit de charge. Lesquels vicaires, de La poeur qu’ils olrent de ceulx de sa compagnie, comme dictest embastonnés, ne comparurent.
Lors l'huissier, entre dix et onze heures a midy, alla à l’hostel de l’évesque, et demanda les clefs du prison au geolier, lequel les luy refusa. Lors ledict huissier les luy print par force; puis alla en la prison où le seigneur de Beauffort estoit, et l’en tira hors; et l’emmena en la ville d'Arras, en sa maison, nomméc la Quievrette, et donna jour aulx vicaires de l’évesque pour comparoir en la cour de parlement contre le seigneur de Beaufort, au vingt-cinquiesme de février ensuivant, pour respondre en la cause d'appel dudict seigneur etaultres choses ; et le lendemain, l'huissier emmena ledict seigneur de Beauffort à Paris.
Le propre jour qu’on emmens le seigneur de Beauffort en la cité d’Arras, avecq les enfanis de Habart, avoit ung nommé Willemet Baceler, banny de la ville d'Arras, lequel Willemet entra en ladicte ville avecq eulx, et alla disner en une taverne, devant l’église de Sainct-Jury, nommée les Caillaux, avecq plusieurs aultres ses compagnons. Ce sçachant, Robert de Marquais, lieutenant du gouverneur d’Arras, accompagniéde sessergeants, vint à ladicte taverne pour prendre iceluy Willemet, et entra en une chambre haulte où ils disnoient ; lequel saillit en la rue, d’où toutesfois il y avoit vingt-neuf ou trente pieds de hault, et feut blessé au cheoir en la teste; mais aulcuns disoient que le coup qu'il avoit en sa teste, ung sergeant d'Arras, nommé Picquedame, pour lequel il estoit banny, luy avoit donné. Toutesfois, quoy que ce feust,
Willemet s'enfuit par la porte Haguerue, en la
vigne où les enfants de Habart se tenoient, et eschappa, jà-soit-ce que le lieutenant et ses ser-
geants feuissent et courussent après, et qu'ils criassent: « Aide ! aide au prince! » tellement que toutes les rues en estoient toutes estonnées. Et disoient quesy icelluy Willemet euist esté prins, qu’on luy euist coppé ung poing par justice.
Audict an soixante, le quatorziesme jour de janvier, en la ville d’Arras, sur le soir, ung nommé Mahiennot l’orfebvre, dit Biset, lequel estoit homicide, tenant filles aulx estuves, et mal renommé, et se nommoit le Marissal de Habart, feut occis devant les masingues par deulx compagnons, l'ung nommé Payennot de Gournay, ct l’aultre Rollequin deGouy, noblehomme, parent de ceulx de Habart, et ledict Rollequin servant lesdicts enfants de Habart. Et combien qu'on tenoit icelluy Mahiennot hardy, toutesfois ilse boutta en la maison d’ung potier d’estaing, et ne se deffendit oncques ; et illecq feut tué, sy bien qu’oncques mot ne parla, et mourut sans confession; et assez tost après, icelluy Pa yennot feut tué d’ung prestre de villaige.
Audictan soixante, le premier de febvrier, se leva, sur les marches de Normandie, en la mer (et le veirent plusieurs hommes) ung tourbillon de feu, lequel s’éleva en l’air, et, en manière de fouldre du ciel, vint confondre et abbatre les clocques et le clocquier, et environ la moitié de la nef de l’abbaye et l’église de Fescamps en Normandie ; et feut le fouldre sy impétueulx que merveilles.
