CHAPITRE XX
D'une josue lille quy feut menée à l'évesque du Mans, pour le travail que l'ennemy luy falsoit, comme elle disoit.
Audict an mil quatre centssoixante, feut amenée en la ville du Mans, devers l’évesque dudiet lieu, une josne fille de l'age de vingt-deulx ans, laquelle on disoit moult fort estre vexée et travaillée de l’ennemy d’enfer. Et feut ceste chose ventillée par toute la France et ailleurs , pour la merveille que c’estoit. Lesquelles merveilles ventillées, Marie, royne de France, rescripvit devers l’évesque du Mans, en luy priant qu’il luy rescripsist la vérité de la fille ; sur quoy icelluy évesque luy escripvit unes lettres dont la copie s'ensuit :
Copie des lettres de l'évesque du Mans à dame madame Marie, royae de France, touchant la josne fille.
«Très honorée dame, soubs Dieu je me recom-
mande humblement à vostre bonne grasce. Pour satisfaire à vostre désir, je vous rescrips assez au long. La fille dont m'avez escript, ceste fille, comme elle dict, et aussy letesmoignent honnestes femmes quy l'ont veue, est vierge, agée de vingt-deulx ans ou environ, native de Chassé-lez- Usson, en cest diocèse du Mans, fille de Jehan Seron. Elle a esté longtemps à Laval, où, ainsy qu’elle et aultres dient, a esté longuement et durement travaillée du maulvais esprit, ce quy m'estoit difficile à croire. Madame de Laval luy 2 faict beaucoup de bien et l’a envoyée devers moy ung peu devant la Magdelaine, affin que je l’oysse en confession ; et l’ay confermée ; et comme elle avoit paravant à nom Jehanne, à sa requeste, en recongnoissant l’aide de Dieu et l’aide merveilleulx que luy avoit faict la Vierge Marie, mère de Dieu, Marie je l’ay nommée.
Puis s’en retourna à Laval bien joyeuse, et par aulcun temps ne feut point malade ne travaillée du maulvais esprit. Mais pour ce que derechief il l’a travaillée, madame de Laval le m’a derechief envoyée ; aussy dit icelle josne fille qu’elle avoit dévotion d’y venir. Elle a faict sa neuvaine en l’église de Sainct-Julien ; et quand elle olt faict, en la fin de ladicte neuvaine, le samedy vingt-troisiesme de novembre, l’an mil quatre cents soixante, luy feurent faictes par l’ennemy deulx playes. Le dimanche, jut! au lict malade. Celluy jour, lelundy et mardy,feut fort tourmentée, et le dimanche ne mangea qu’ung morceau de pain, et despuis ne mangea ne but jusques au mardy après vespres. Et la veis moult terriblement tourmentée, tellement qu’à peine plusieurs la pooient tenir, ne faire retourner le visage devers moy. Elle ne pooit parler, mais monstroit, en faisant signe de la main, que le diable la tenoit à la gorge. Sy essayay plusieurs fois à luy faire le signe de la croix sur la gorge; mais incontinent que j'y touchois, le maulvais esprit la faisoit tressaillir moult violentement, et ne pooit souffrir que jy fisse le signe de la croix.
« Après ce, adjuray le diable, et luy commanday, par la vertu de Dieu, qu'il se départist de ceste fille racheptée de son précieulx sang. Et pour ce qu’il ne cessoit point de la tourmenter, je dis : « Mettons-nous à genoulx et prions Dieu.» Après ce,me vint en mémoire de la parolle quy
(4) Goucha.
