CHAPITRE XXI

Comment ladicte josne fille feut menée devers le conseil du roy de France, et illecq interroguiée par lesdicts conseillicrs, et après preschiée comme sorcière et corrompue d'homme.

Ces choses dessusdictes de la josne fille du Mans venues à la cognoissance du roy de France et de son conseil, icelle josne fille, par délibération dudict conseil du roy, feut envoyée quérir au Mans, et menée en la ville de Tours en Touraine, où le conseil du roy se tenoit et le roy assez près ; et illecq la josne fille feut visitée et interroguiée. Ne scay ce qu’on y trouva ou confessa, mais par le conseil du roy feut condampnée à estre mitrée et preschiée publiquement devant tout le peuple ès villes du Mans, de Tours et de Laval, et puis ramenée audict lieu de Tours pour plourer et gémir ses peschiés en prison fermée, l’espace de sept ans, en pain de douleur et en eau de tristesse.

Icelle josne fille, comme on disoit, feut trouvée sorcière et corrompue ; et la tenoit en concubinage ung josne clercq; et confessa que quand on cuidoit qu’elle feust tourmentée, que non estoit ; et n’estoient que visions que le diable luy donnoit, comme on disoit qu’elle confessa. Ne scay sy elle disoit vray ou non, car plusieurs gents disoient qu’on avoit veu de merveilleuses choses, comme cy-dessus est escript ; et sy tenoit-on l’évesque du Mans pour une très dévote et bonne personne, lequel évesque avoit rescript les lettres dont Sos ay mis coppie.

Et jà-soit-ce qu’on disoit qu’il estoit saincte personne, sy feut-il enchargié, et eut des af-

faires assez par le roy et son conseil, de ce qu’il avoitcreuladictejosne fille,etrescript et certiffié ce que dessus est dict estre vray. Et feut icelle josne fille preschiéee publiquement en la ville de Tours en Tourraine, le deuziesme jour de mai, l’an mil quatre cents soixante et ung, et y estoit présent le conseil du roy de France, le chancelier et les aultres ; et la preschia maistre Guillaume de Chasteaufort, grand-maistre de Navarre. Et feut ladicte josne fille mitrée; et autour sa mitre estoit escript en vers rimes, mis à l’ung des lez en latin, et à l’aultre lez de ladicte mitre en francois :

Quæ famata priüs, nunc sum infamata per orbem: Tempore facta juvant, quæ modo jure nocent.

Mulios derisi, nunc sum derisa per omnes :

Facia farent fictis, edita fictoribus.

Ceulx en françois estoient :

J'ay de ma langue, du Diable la voix feinte, Et faulsement feint qu'il me tourmentoit.

La langue traistre a fait confession sainte, Fcintes visions, dont ma langue mentoit.

Mais aultres abus quy l'erreur augmentoient, Des sacrements ay abusé sans craiute,

Faict faulx serments; nuls ne me démentoicnt ; Pourquoy je suis pour mes péchiés cy pcinte.