CHAPITRE XXII
Comment les vicaires d'Arras allèrent à Paris contre le seigneur de Beaufort ; et comment, par le commandement de l'évesque d'Arras, quy estoit à Rome, ils délivrèrent Huguct Aubry ; et comment Martin Cornille revint.
Le dix-septiesme jour de février, se partirent d'Arras maistre Pierre du Hamel et maistre Jehan Thiebault, vicaires de l’évesque d’Arras, pour aller à Paris ; auquel lieu ils estoient adjournés à comparoir en personne le quinziesme du mois. Auquel jour la cause du seigneur de Beauffort contrelesdicts vicairesne suivit point, ains feut rallongiée jusques une aultre fois.Puis revindrent lesdicts vicaires; et iceulx retournés à Arras, ils receurent lettres de Rome, que l’évesque d'Arras leur envoyoit, par lesquelles, entre aaltres choses, il leur rescripvoit: qu’ils délivrassent Huguet Aubry de chartre, en
laquelle il estoit condampné, comme cy-des-
sus est dict, à cause de la vaulderie. Lesquels vicaires délivrèrent lediet Huguet Aubry, dict Patre-nostre, et le meirent hors de prison, le laissant aller quitte et délivré.
(1) De prison.
. Environ ce temps aussy, Martin Cornille, lequel avoit esté déclaré excommunie et vauldois, comme cy-dessus j’ay dict, revint en la ville d'Arras; lequel Martin, l’archevesque de Besançon, après plusieurs informations faictes à la requeste dudict, et plusieurs tesmoings que ledict Martin feit ouyr en Arras et citer, et avecq ceceulx quy ouïrent lesdicts tesmoings, visitèrent touts lesdicts procès de ceulx quy avoient accusé ledict Martin; etavanttoutes ces choses faictes et mises par escript et envoyées à Besanson, ledict archevesque de Besancon délivra ledict Martin Cornille quitte, délivré et non coupable de ladicte vaulderie.
Le seiziesme jour de février mil quatre cents soixante, vindrent quatre Compagnons en unes estuves à Arras, nommées Le Glay, où fillettesde joie se tenoient, prendre une josne fille de seize ans ou environ, et malgré elle la voullurent mener hors avecq eulx ; et pour tant qu’elle ne voullut aller, ains leur disoit qu’elle estoit grosse , ils la battirent sur la teste et sur le corps très villainement, et l’emmenèrent en une maison d’où elle eschappa ;et le deuxiesme
jour ensuivant, des coups et horions qu’elle
avoit eus, enfanta d’ung enfant mort; et feut menée en l’Hostel-Dieu de Sainct-Jehan enl’Estrée ; et combien qu’on sccuist, ou on euist sceu quy euist voullu, quy estoient les compagnons, on n’en feit nulle information ne justice. Et à vérité dire, en la ville d'Arras, cité ou allenviron, ny en toute Artois, on ne faisoitpoint ou néant de justice, sinon sur ceulx quy n’avoient de quoy eulx deffendre, ou bien sur ceulx quy n’estoient pas portés des seigneurs.
