CHAPITRE XIV

Comment le comte de Foix se partit de son payset alla mectre le siége devant Mauléon, et comme le roy de Navarre vint pour cuider lever le siège, puis s'en retourna sans rien faire, ct se rendit la ville au comte de Foix; et du sieur de Luce qui se rendit François atout six cents comballants.

Au mois de septembre dessus dict, le comte de Foix, accompagné des comtes de Comminges et d’Estraict1, du vicomte de Lautrece, son frère, et de plusieurs barons et chevalliers du pays de Foix, de cinq à six vingts lances et de dix mille arbalestriers, partit de son pays de Biarne? et chevaucha, ainsy que diet est, accompagné, par le pays des Basques jusques dans la ville de Mauléon de Selle 3 , où il meit le siège ; et assez tost après ceulx de la ville, doubtants qu'ils ne fussent prins d’assault, se rendirent par composition; et lors se retirèrent dans le chastel les Anglois, lequel chastel est le plus fort de la duché de Guyenne ; car il est merveilleusement hault, assis surung hault etdur rocq. Le comte sçavoit qu’il y avoit peu de vivres dedans; et pour ce y meit le siége de touts les costés. Quand Île roy de Navarre sceut ces nouvelles-la, il feit son mandement de toutes parts pour aller lever le siége; et chevaucha avecques six mille combattants arragonois, gascons, anglois et navarrois , jusques à deux lieues près de la ville, en cuidant lever le siége. Mais quand il sceut la puissance et fortification de ceulx qui y tenoient le siége, il feit reculer et retraire ses gens, puis envoya ses messagers vers le comte de Foix pour parlamenter avecques luy, lequel luy envoya seureté de venir. Sy vint le roy de Navarre à petite compagnie a ung quart de lieue près du siège , atout sa seuretc, où estoit le comte , auquel il dit que, veu qu'il avoit espousé sa fille , dont il avoit belle lignée , et attendu l’affinité quy pour ce debvroit estre entre eulx, il se donnoit grande merveille comment il avoit assiégé ladicte place sur sa sauve garde, veu que le connestable en estoit Capitaine de par luy pour le roy d’Angleterre, auquel il avoit promis la garder encontre tout. Le comte de Foix, son gendre, luy respondit : qu’il estoitlicutenant duroy deFran-