LIVRE 1, CHAP. XV

péraulx 1, et sy estoit son subject et son vassal ; et que, par son commandement, comme son lieutenant , avoit mis le siége devant le chastel ; et pour ce, jamais pour homme ne s’en lèveroit jusques à ce qu’il feust en l’obéissance du roy de France. Mais en toutes choses à luy possibles il l’aideroit et confortcroit, comme pre de sa femme, réservé contre le roy de France, ses subjects et alliés. Après ceste response s'en retourna le roy de Navarre ct son ost en son pays. Quand ceulx du chastel veirent qu'ils ne pouvoient estre secourus, attendu la grande nécessité qu’ils avoient ,rendirent le chastel au comte de Foix. Assez tost après, le scigneur de Luce, accompagnié de six cents combattants portants des croix rouges, lequel estoit homme du roy de France à cause dudict chastel, alla faire en la main du comte de Foix hommaige au roy de France; et incontinent le serment faict, s’en retourna atout sa compagnie en sa maison, portants touts des croix blanches, dont leurs femmes et enfants feurent moult esbahis. Après ces choses. le comte de Foix retourna en son pays.