CHAPITRE XX V
De la feste de l'ordre du Thoison que le duc de Bourgoingne felt à Sainct-Omer, ct aultres choses.
Le premier jour de may mil quatre cents soixanteun, parung vendredy,Philippes, duc de Bourgoingne, feit la feste du Thoison, quy estoit l'ordre que luy et ses chevalliers portoient, quy estoient en nombre. Et feit icelle feste en sa ville de Sainct-Omer, en la comté d'Artois. Et illecq feit la plus grande feste que piécà il n’avoit faict à feste qu’il fist du Thoison. Et y estoient chevalliers du Toison :
Messire Charles, fils du duc, comte de Charrollois, Jehan le duc de Clefves, Adolphe son
({) Tuiles. (2) Tomba. (3) Chien. (4) Cou.
frère, Jehan comte d’Estampes, le marcschal de Bourgoingne, le seigneur de Croy, Jehan de Croy son frère, le seigneur de Lannoy, le scigneur de Hault-bourdin, bastard de Sainct-Pol, Anthoince, bastard de Bourgoingne, fils bastard dudict duc, et les aultres chevalliers du Thoison, lesquels je ne nommeray point.
Le duc d'Orléans, Charles nommé, n’y estoit pas; ains s’estoitenvoyé excuser et y avoit envoyé pour luy.
N'y estoit point aussy le ducd’Allençon quy, comme cy-dessus ay dict, estoit prisonnier, lequel estoit aussy du Thoison.
A ladicte feste et assemblée vindrent plusieurs grands princes, chevalliers et escuyers, et tant qu’à merveilles, tant d’Allemagne, France, Escoce, que d’aultres pays. Et dura ladicte feste les jours de vendredy, samedy et dimanche ensuivant l’ung l’autre ; auquel troisiesme jour, commeils ont de coutume, feutfaict ung service moult riche et moult solennel pour les ames de touts ceulx quy ont porté ledict Thoison, et ont esté de ladicte ordre.
En ladicte feste feut ung chevalier représentant le duc d’Allencon; car,combien qu’en ladicte ordre du Thoison n’y doibve avoir nuls chevalliers de reproche, ledict duc de Bourgoingne ne tenoit point que ledict duc euist faict quelques faultes ny trahison contre le roy, quelque condampnation qu’il olt eue contre lus. Et feut illecq preschié publicquement : que le duc d’Allencon avoit esté à tort condampné et qu’il n’avoit faict quelque villain faict, et ainsy le croyoit certainement le duc.
Après lequel service faict et la feste faillie, lesdicts seigneurs du Thoison s’assemblèrent au jour qu’il leur pleut et qu’il pleutaudict duc, et illecq conclurent de donner et envoyer les ordres du Thoison de ceulx quy estoient morts, aux aultres chevalliers et seigneurs vivants; à sçcavoir, en olt ung messire Philippe Pot, chevallier, natif du paysde Bourgoingne; aussy eult Loys seigneur de Grutuse, chevalier natif de Flandres; aussy eult ung messire Guv de Roye, chevallier natif de Picardie, seigneur de Rovye; et sy envoya ladicte ordre le duc au roy d'Arragon, et luy porta le seigneur de Crecquy, chevallier, portant aussi ladicte ordre; et y alla très richement et très noblement accompagnié. Et le dimanche ensuivant, Charles, comte de Charrollois, et le fils du duc Adolphe joustèrent
