LIVRE IV, CHAP. XXIV
mary le roy d'Escoce, dernier mort. Et faisoit ce ladicte royne afin de avoir aide des Escocois contre le nouvel roy d'Angleterre. Le duc de Bourgoingne scachant que ladicte royne d’Angleterre estoit allée en Escoce pour faire ‘ceste alliance, y envoya ung chevallier de Flandres très nobleetsage,nommé leseigneur de Grutuse; lequel seigneur de Grutuse y alla hastivement en grand estat, richement habillié et noblement accompagnié de plusieurs chevalliers et escuyers.Et durant que ledictseigneur de Grutuse feust en Escoce, il rompit ladicte alliance. Mais apres ceque ledict seigneur de Grutuse feust party et qu’il eust tout rompu parle commandement dudict duc de Bourgoingne, lequel tenoit le roy Renyer, duc d'Anjou, roy de Secile et père de ladicte royne d'Angleterre, pour ennemy (et la cause estoit pour tant que aultrefois ledict duc avoit ledict roy Renyer desconfit en bataille, et prins grand nombre de ses gents et occis ; pour laquelle causele duc ne se fioit pointaudict roy Renyer ny ès siens, et pour ceste cause avoit envoyé rompre ladicte alliance prestement par ledict seigneur de Grutuse,) mais au retour, les Escocois feirent ladicte alliance, par telle condition : que la royne d’Angleterre leur rendit, c'est à sçavoir pour le roy d’Escoce leur josne seigneur, frère de ladicte fille, la ville, isle et chastel de Bervicq,quy est unedes fortes villes et isles du royaulme d’Escoce, ct une entrée d'Escoce au royaulme d'Angleterre. Laquelle isle les Anglois avoient de tout temps tenue, et ne l'avoient peu ravoir les Escocois ne par guerre, ne par traictié, ne par argent. Et disoiton que ceulx d’Escoce disoient : qu’il valloit mieulx adventurer une fillcet ravoir ladicte isle, que ce que ladicte isle vinst ès mains ou feust prinse par cas d’adventure dudict roy Edouard d'Angleterre. Et par ainsy feut faict le mariage de ladicte josne fille d'Escoce au josne Edouard fils de ladicte royne d’Angleterre : lesquels deulx n’estoient qu’enfants, chascun de huict à noeuf ans.
Durantle temps qu’il yavoit sy grande guerre en Angleterre, comme cy-dessus j'ay dict, le roy Edouard, duc d’Yore, avoit envoyé deulx de ses frères, lesquels estoient josnes enfants de nœuf ou dix ans ou environ, engarde audict duc de Bourgoingne en son pays de Hollande,lesquels y feurent certain espace de temps ; puis les feit venir ledict dnc à l’Escluse, et de l’Escluse
à Bruges où ledict duc estoit ; et leur feit ledict duc grand honneur et les feit festoyer. Mais après icelle bataille cy-dessus desclarée, ledict Edouard roy envoya requerre audict duc comme il luy renvoyast ses frères ; ce que ledict ducfeit. Et les renvoya à Calais environ la fin du mois d’apvril, et les feit honnorablement et seurement conduire jusques à ladicte ville de Calais.
Ence temps aussy, le quinziesme jour d'avril, l'an mil quatre centssoixante-un, après Pasques, en ung villaige nommé Inchy, sur le costé de Cambray, feurent ardses douze maisons par feu de meschief,; et se prit le feu en la maison d’ung homme, lequel ce propre jour, par trois fois avoit boutté hors de sa maison sa propre mère, quy l'avoit porté en son ventre, laquelle estoit pauvre femme. Et disoit-on que la troisiesme fois qu’il la bouttoit hors de sa maison, disoit, qu’il aimeroit mieux quele feu feust en sa maison quejamaisl’hébergeast ny y demourast; et le propre jour, je ne scais par quel meschief, comme sy ce feust chose miraculeuse et punition divine, le feu se prit en sa maison, et feut ardse avecq les aultres douze.
En ce temps aussy, au commandement du duc de Bourgoingne, par ung sien huissier d'armes, en la cité lez Arras, feut mandé en la ville d’Arras ung nommé Jacotin Maupetit, sergeant du roy, du nombre d'Artois ; lequel Jacotin y vint. Etcommeledict huissier luy mit susde faict qu’il avoit faict les ballades touchant la vaulderie, cy-dessus escriptes, et aultres libelles diffamatoires, pourquoy il le faisoit prisonnier dudict duc, icelluy Jacotin, en soy excusant, despouillia sa robbe fourrée de renardsets enffuit en pourpoint à Nostre-Dame d'Arras, de Nostre-Dame à Sainct-Nicaise, de Sainct-Nicaise a l’église des Carmes, et de là il s’en alla rendre prisonnier en parlement de Paris ;et fit tant qu'il revint quitte et délivré. Dudict huissier, on prit ses biens à Arras, durant qu'on ne scçavoit où il estoit, et en feit inventaire et vente du surplus. Quand il est revenu, je ne sçais comment ils en feirent. Ledict Jacotin estoit par sa mère de la bourgeoisie d'Arras.
En ce temps aussy, le vingt-septiesme dudict mois d’apvril, en la cité lez Arras, environ trois heures après disner, Pierre le Saumier, brasseur de cerevoisei, accompagnié de Jacquin Longcourut, donne à Pierre de Nourrequier,
(1) Bière.
aultrement surnommé le Gros Pierre, couvreur
dethieullest, d’ung espieu enla poictrine, duquel
coup il quéit? et puis se releva; et n’alla pas
dix ou douze ajambées ledict Pierre qu’il ne
quéit mort sans que oncques dist mot, ne parlast
à prestre ny aultrement. Et lacause estoit, par-
ce que ledict Pierre avoit eu noise au père dudict Pierre le Saumier, à cause de certain procès qu’il avoit contre luy. Et combien que ledict Pierre du Saumier feust marié, sy estoit-il de très fol gouvernement et avoit presque tout perdulesien.Aussy ledict Pierreestoithomicide,
et disoit-on qu’il avoit jà piécà tué ung bon preudhomme, en la vigne lez la porte d’Arras, et de la cité; auquel preud’homme, en bouttant sa teste hors sa fenestre par nuict, parce que son quient®abboyoit, on lui donna d’ung espieu au hastrel4; duquel coup il mourut; et laissa une pauvre femme et des pauvres enfants, et estoit couvreur de thieulles ledict bon preudhomme. Dont ledict Pierre en feut soupconné, mais se purgea tellement quellement; et de faict nia-t-il avoir aussy esté à la mort du prestre quy fust prins à Ransart, comme cy-dessus est dict. Ledict Pierret aussy estoit jureur, resnieur ct blasphemeur du nom de Dieunet des saincts ; toutesfois il faisoit volontiers son mestier, et estoit fort et rude ouvrier et très bon, et le désiroit-on bien d’avoir pour ouvrer son mestier de couvreur de thieulles.
En ce propre jour aussy, en la ville d'Arras, environ la Croix au pré, feut trouvée une josne fille de l’age de dix-huict ans, en l’eau de Crincon, laquelle s’estoit noyée par meschief.
