CHAPITRE XXVIL
Comment plusieurs ambassadeurs de moult divers pays vindrent touts ensemble devers lc roy de France et puis devers lc duc de Bourgoingne.
L'an mil quatre cents soixante-ung, au mois de may, arrivèrent devers Charles, roy de France, ambassades des plus loingtains et estrangiers pays qu'on vist oncques venir en chrestienneté, tant des pays de Sarrazinerie comme d’ailleurs, desquels les noms s’ensuivent cy-après, habillés et vestus de moult estrange manière d’habits, et non accoustumés de veoir ; et sy ne les scauroit-on deviser.
S’ensuivent les noms desdicts ambassadeurs :
Premier estoit le patriarche d’Antioche, nommé frère Loysde Boulloingne, et estoit cordelier, lequelsembloit honneste prélat, portoitl’habit des cordeliers de l’Observance et nesçavoit guières de latin, mais il parloit grecq et ung peu italien, et estoit docteur et chief de l'ambassade.
tem, y avoit ung chevallier nommé Miquiel, lequel estoit ambassadeur de l’empereur de Trappezonde, et estoit beau chevalier, grand et vénérable, sage et de belle contenance.
Item, y avoit ung aultre chevallier nommé maistre Nicolle, et estoit ambassadeur du roy de Perse, et estoit bel homme, grand, ancien et de belle façon.
Item, y avoit ung aultre chevalier nommé maistre Chastonides, et estoit ambassadeur du roy de Gerge et de Mésopotamie, quy estoit homme merveilleulx et de merveilleuse façon, grand et gros, et avoit deulx couronnes en la tonsure de la teste, et sy avoit deulx anneaulx à ses oreilles, et avoit le visage ct la barbe rez comme ung marmot, mais il estoit doulce personne à veoir.
Item, y avoit ung aultre ambassadeur nommé Mahon, quy estoit ung ambassadeur du Petit Ture, lequel disoit que sy les chrestiens voulloient aider son seigneur le Petit Turc contre le Grand Turc, icelluy Petit Turc seroit avec les
chrestiens et les serviroit atout cinquante mille hommes.
Item, y avoit ung chevallier nommé Mammart,quy estoitambassadeur du roy d'Arménie, et estoit gentil chevallier et beau homme, et lequel jouoit de plusieurs instruments.
Item, y avoit ung aultre chevallier nommé messire Hanse, ambassadeur du prestre Jehan, quy estoit merveilleusement grand clercqetbon astrologien.
Touts lesquels ambassadeurs meirent dix-sept mois à venir, ains qu'ils arrivassent devers le roy de France. Venus devant le conseil dudict roy, nommèrent le roy de France le Roy Très Chrestien, et luy signifièrent et dirent de par les empereurs, roys et Turc dessusdicts : qu’il pleust au roy d'envoyer de ses gents et son enseigne pour mener guerre audict Grand Turc, et ils s’y employeroient tellement qu’ils mectroient peine de le destruire et conquester; et ne demandoient point d'argent, car ils disoient avoirargent assez ;etne demandoient fors l’aide du roy de France, qu’ils nommèrent aussy Roy des Roys. Et avec cedisoient : que l'enseigne du Roy de France et ung capitaine en son nom avecq, vauldroit plus de cent mille hommes. De la response quele roy leur feit faire je n'en puis rien scavoir ; mais il les feit festoyer et donner des grands convives.
Puis se partirent de devers le roy de France, et vindrent à Bruxelles devers le duc Philippes de Bourgoingne, lequel les recoeuilla et festoya moult honnorablement, et leur feit de beaulx dons; mais de ce qu’ils proposèrent devers ledict due, ny de ce que lediet duc leur respondit, je n’en puis rien sçavoir.
Environ ce temps, en ung villaige lez Monstreul, nommé Auxy, par feu de meschieffeurent ardsesde six à sept vingts maisons, et toutes les plus belles maisons de la ville; et les avoit-on fait neufves pour la pluspart pour Pamour de leur seigneur d’Auxy, lequel estoit premier chambellan et principal gouverneur du comte de Charrollois, fils du duc de Bourgoingne.
