CHAPITRE XX VIII
Comment la cause du scigneur de Beauffort feut plaidoyée en parlement, et ledict seigneur de Beauflort eslargy.
L'an mil quatre cents soixanteet ung, au mois de juing, feut la eause du seigneur de Beauf-
fort plaidoyée en parlement, allencontre des vicaires de l’évesque d’Arras, et contre touts ceulx quy avoient interrogié les prisonniers, comme vauldois prins et retenus. Et illecq, en plein parlement, feut dict par maistre Jehan de Popincourt, advocat en parlement et conseil dudict seigneur de Beauffort, plusieurs cruelles choses, en donnant beaucoup de charges à plusieurs quy s’estoient meslés de l’inquisition deladicte vaulderie. Et si dict, entre aultres choses : que sitost qu’ung prisonnier estoit prins pour ladicte vaulderie, on luy disoit que, s’il ne confessoit ce qu’on luy diroit, il seroit ards et bruslé, et que s’il confessoit, on le laisseroit aller franchement sans quelque peine, sinon ung petit pélerinage. Et quand il ne vouloit confesser, on le mettoit à la torture, tellement qu'il failloit qu’il confessast tout ce qu’on voulloit.
Ditencoires oultre ledict Popincourt : tantost que ledict seigneur de Beauffort olt esté mené en prison, ou assez tost après, maistre Jacques du Bois, doyen d’Arras, après ce qu'il olt dict, confessé et juré que oncques n’avoit esté en ladicte vaulderie, se jetta à genoulx devant ledict seigneur de Beauffort, et luy pria moult humblement qu'il confessast d’avoir esté dans ladicte vaulderie, ou aultrement qu'il en estoit tout déterminé, et ne le pooit nul sauver qu’il ne feust ards, et touts ses biens et héritaiges confisqués; mais s’il le vouloit confesser, il seroit délivré en dedans quatre jours, et ne seroit ny mitré ny preschié; et ce quy le mouvoit à ainsy humblement le prier, estoit pour la pitié qu’il avoit de luy et de ses enfants, lesquels demoureroient touts povres. Et quand le seigneur de Beauffort oyt ce, sy dit qu’il se parjureroit, et qu’il avoit juré le contraire. A quoi ledictdoyendict : qu’il neluy en chaulsist et qu’il l’en absoulderoit. Par telles paroles et aultres plusieurs quy seroient longues à raconter, ledict seigneur de Beauffort confessa avoir esté en ladicte vaulderie, comme cy-dessus est dict. Ledict Popincourt ditencoires : après ce que le seigneur de Beauffort euist confessé ce que dict est, il faillit qu’il payast au duc quatre mille francs ; item, au comte d'Estampes, deux mille francs ; ttem, au bailly d'Amiens mille francs : etau lie atenant dudictbailly, deulx cents francs, sans ce qu’il feust en rien condampné envers lesdicts comtes d’Estampes, baillynylieutenant. Etavoit pareillement prins ledict bailly, à Jehan
