LIVRE IV, CHAP. XXXIL

Willemet. Sy se releva; mais ne feut pas sitost relevé que ledict Collin ne vinst encoires férir, tellement que de rechief illuy perca le corps encoires tout oultre ; du quel coup il boutta ledict Willemet contre une maison, sy rudement qu'il attaqua! son espée, avec ledict Willemet boutté parmy, au postel de ladicte maison. Et ainsy queledict Collin se combattoit audict Willemet, son frère se combattoit audict Abbé.

Avecq lesquels frères estoient jà venus trois Compagnons en son aide ; et euissent tué ledict Abbé, sy ce n’euist esté ung bourgeois d'Arras, nommé Pierre Carme, lequel feit entrer ledict Abbé en l’église de Sainet- Vincent ; et eut ledict Abbé trois playes très périlleuses : mais il n'en mourut pas. Ce faict, ledict Collin et ses Compagnons se partirent ct laissèrent Jedict Willemet, lequel mourut environ ung quart d'heure après, et feut confessé. Lesdicts Willemet et Abbé se disoient estre aulx enfants de Habart; lesquels Abbé et Willemet estoient très mal renommés; et tenoient fillettes communes, et ne se faisoient que combattre puis à lung, puis à l’aultre, et ne leur challoit à quy, par espécial ledict Willemet, et à peu touts les jours;et ne feut point plainct, ainsen estoitchascun joyeulx, car ils ne faisoient quelques œuvres de bien, fors aller par tavernes et cabarets, et aultres malles œuvres. Les facteurs s’allèrent rendre prisonniers à la loy d'Arras, et prouvèrent que ce avoient faict leurs corps deffendants, par quoy ils feurent jugiés quittes et delivrés, ct leur en bailla-t-on lettres sous le scel de la ville. A vérité dire, le regne estoit lors en Arras, cité et environ, qu’on n’y faisoit point ou néant de justice, par espécial sur les Compagnons de guerre, pour ce que les seigneurs les portoient , et pour ce n’en osoiton faire justice ; mais, par la permission de Dieu, comme je crois, ils faisoient punition d'eulx-mesmes, c’est asscavoir en tuant l'ung Paultre, comme par ce livre pouvez voir.