CHAPITRE XXXI

Comment le corps du roy Charles feut apporté el mis en sépullure à Sainct-Deuys eu France.

Aprèsce que le roy Charles feut mort à Meung, Son Corps feut embaulmé, et moult honnorablement mis sur ung charriot couvert de drap d’or, à grand luminaire, et ainsy apporté jusquesen la ville de Paris, en laquelle ville feut faict son service en l'église Nostre-Dame moult honnorablement. Et après le service faict, feut le corps porté à Sainct-Denys en France le huictiesme jour d’aoust, et illecq son service de rechief faict sur ledict corps porté audict lieu de Sainct-Denys, où il feut mis en sépulture avecq les roys; et feut tousjours le corps du roy Charles accompagnié jusques à Sainct-Denis, du due d'Orléans, son cousin germain, du bastard d'Orléans, comte de Dunois, et d’aultres grands seigneurs; et y avoit plus de cinq cents chevaulx.

On pria moult par tout le royaulme pour ledict roy Charles ; et feut moult plouré ct plainct, Car il estoit aimé par tout sondict royaulme.

En ce temps, le neuviesme jour d’aoust, ès faulxbourgs d'Arras, devant l’église de Sainct- Vincent, feut tué ung josne et rude compagnon, nommé Willemet Fourdin, dict Bacelier, natif de Brouay; lequel Willemet, accompagnié d’ung compagnon, nommé l'Abbé de Harart, estoient allés pour trouver Collin Souverain et son frère, lesquels estoient josnes compagnons de dix-sept à vingt ans, fils du carrelier demourant devantladicte église. Sytrouvèrent lesdicts compagnons frères, et leur coururent sus, et férit ledict Willemet premier. Quoy véants ledict Collin et son frère, monstrèrent aulx gents comment c’estoit, en leur corps deffendant. Lors ledict Collin tira d’une fusée, quy est ung long baston, en laquelle y aung grand long espée, dontil le perca tout oultre le corps,et quéit{ ledict

(1) Tomba.

J. Du CLerco ET Sr. Remy.