CHAPITRE XXXV

Comment le duc de Bourgoingne se partit de Paris ct s'en relourna en ses pays.

Le merquerdy derrain jour de septembre mil quatre cents soixante-ung, se partit de la ville de Paris le duc de Bourgoingne, et s’en alla à Sainct-Denys, où il feut deulx jours ;et y mena sa niepce la duchesse d'Orléans et plusieurs aultres dames et damoiselles. Le duc feit faire en l'église Sainct-Denys ung très riche service, tant pour le roy Charles dernier mort, que pour les aultres roys de France dont il estoit descendu, et ses prédécesseurs ; il festoya aussy et bienviegna audict lieu de Sainct-Denys, de moult riches mangiers et bancquets, les dames et damoiselles, princes et seigneurs, dont il y avoit plusieurs quy l’avoient convoyé jusques audict lieu de Sainct-Denys. Duquel lieu de Sainct-Denys se partit le vendredy, deuxiesme jour d'octobre, pour s'en retourner en ses pays; et passa parmy la ville de Compiègne, où on lui feit le plus grand honneur qu’on peult; puis repassa ledict duc par Ham et aultres villes et forteresses quy estoient au comte de Sainct-Pol. Etestoit ledict comtetrès bien en la grasce dudict duc; et avoit le roy, luy estant à Paris et le duc aussy, faict la paix du seigneur de Croy et du comte de Sainct-Pol; laquelle haine avoit ung temps duré, nonobstant que le fils aisné du seigneur de Croy eust espousé la fille dudict comte de Sainct-Pol, par laquelle, à la requeste du roy Loys, ledict duc de Bourgoingne pardonna tout son maltalent audict comte de Sainct-Pol, et feut Iedict comte très bien en la grasce dudict duc, comme il y parut; car ledict duc repassa par plusieurs de ses places, ésquelles ledict comte festoya ledict duc moult haultement et richement; puis repassa ledict duc par Cambray où le comte de Sainct-Pol aussy le festoya moult grandement. Et estoient touts ceulx des pays du duc très bien contents et joyeulx de ce que le duc estoit content dudict comte et que ledict comte estoit moult bien en sa grasce; car ledict comte estoittrès bien aimé ès pays dudict duc, et aussy il avoit à perdre par touts les pays dudict due, en chascun pays plusieurs grosses terres et forteresses ; et estoit, comme on disoit, ung des plus riches et mesgme le plus riche comte de France. De Cambray se partit ledict due et s’en