LIVRE IV, CHAP. XXXV

alla à Bruxelles. Le comte de Charrollois avoit laissé le duc de Bourgoingne son père à Sainct- Denys en France; et print illecq le chemin pour aller en Bourgoingne, oùil n’avoit oncques esté despuis qu’il ost esté né de mère; car ilen feut prestement apporté, et feut nourry en la ville de Gand en Flandres; et s’en alla ledict comte en Bourgoingne, où il feut moult honnorablement receu ; puis s’en alla visiter le corps de monseigneur sainct Claude en Bourgoingne, et d’illecq tira pour aller à Tours en Tourraine où le roy de France estoit, comme cy-après je diray.

En ce temps, audict an soixante-ung, le deuxiesme jour d'octobre, Pierre de Habart, Raoul de Habartsonfrère,PavendelaVacquerie, ung faulconnier, maistre Estienne Morel, prestre, ledict fauconnier et maistre Estienne à pied et les aultres à cheval, se partirent de la Vigne emprès Arrasaprès disneret s’enallèrent voller{ vers Neuville? Vitasse; et comme ils vollassent, le seigneur dudict Neuville, nommé messire Robert de Coche chevallier, envoya ung de ses gents, nommé le petit bastard de Fosseux, veoir quels gents c’estoient. Lequel vint à eulx, et demanda à Payen dela Vacquerie, quy portoit ung oisel, sy l’oisel estoit au duc de Bourgoingne. Respondu que non, demanda : « À quy doncques? Lors Pierre de Habart dit que l’oisel estait sien. Lors luy dit ledict bastard : que le scigneur de Neuville estoit seigneur quy avoit chiens ct oiseaulx assez pour voller sur ses terres, sans que aultres y vinssent. Alors ledict Payen, quy estoit très bonescuyer, respondit :qu'iln’yavoit nul d’eulx, que s’il eust cuidé que le seigneur de Neuville en euist esté mal content, quy y feust venu, maisqu’il n’y avoit celuy quy neluy feroit plaisir sy luy en requéroit. Après ces choses, ledict bastard s’en retourna; et comme les dessusdicts volleurs5s’en retournoient, saillit de terre ung renard, lequel ils prindrent aulx chiens. Après laquelle chasse, quand le seigneur de Neuville loyt, jà-soit-ce qu’ilse feust mis à chemin pour venir vers eulx paramour, et eulx vers luy, ledict seigneur de Neuville retourna audict Neuville. Et prestement après vindrent cinq ou six compagnons à cheval, l’ung après l’aultre, atout javellines et aultres bastons, quy vindrent escrier auxdicts volleurs : « Morts et tuéstouts!» et leur: coururent sus. Lesquels se meirent touts en fuite, car ils n’avoient nuls armures ny

(1) Chasser au vol. (2) Kivelle. (35) Chasseurs au vol,

bastons pour eulx deffendre. Et feut de nécessité audict Pierre, quy estoit sur ung bien petit cheval, vestu d’une robbe longue, de descendre à pied et de se sauver de son cheval; et olt sa robbe percée d’une javelline, mais il ne feut riensblescié,combien que, sy lesdicts de Neuville euissent voullu, ils l’euissent bien tué ou navré, mais ils ne le voullurent, ains chassoient après ledict Raoul quy estoit bien monté, et aussy estoit ledict Payen; sy ne luy peurent mal faire. Ledict Pierre trouva des charretons quy menoient vins, avec lesquels il s’accosta et accompagnia de peur qu’il avoit desdicts de Neuville; mais ilne feut aultrement queru ! desdicts de Neuville quy ne s’en donnèrent de garde; et ledict Pierre vint tout de pied jusques ès faulxbourgs d'Arras. Après ce que lesdicts de Neuville eurent ainsy rembarréslesdicts volleurs,sy trouvèrent le faulconnier etretindrent aulcuns desesoiseaulx; lesquels oiseaulx le lendendemain matin ils renvoyèrenten la Vigne en la maison desdicts Pierre et Raoul; mais cestuy propre jour qu’ils renvoyèrent les oiseaulx, ledict Raoul de Habart, Jacques de Habart et environ douze compagnons, touts bien armés et embastonnés, et les aulcuns arcqs ès mains bandés, allèrent en la ville d'Arras, en la maison dudict seigneur de Neuville, environ l’église de la Magdelaine, et entrèrent dedans, et rompirent les huis, et quirent par ladicte maison ledict seigneur de Neuville, le y cuidant trouver, en disant telles parolles : «Où es-tu, traistre chevallier; viens, « viens avant sy tu oses?» et plusieurs aultres villains propos. Lequel seigneur n’y estoit, ains estoit en sa forteresse de Neuville. Et quand ils veirent qu’il n'y estoit pas et qu'ils ne le trouvèrent ledictJacquesde Habart s’en alla à lamaison d’ung compagnon quy gardoit oiseaulx audict seigneur de Neuville; et illecq entra, et trouva deulx oiseaulx quy estoient audict seigneur de Neuville, aulxquels il tordit le col, despiéca, desquira?et tua en disant : « Voilà, en despit de «ton maistre, le seigneur de Neuville! et s’il « estoiticy, luy en ferois autant.» Après ce faict, lesdicts Raoul et Jacques et leur compagnies’en allèrent à la maison du curé de Péglise de la Magdelaine, droict debvant ladicte église, où ledict seigneur de Neuville et ses enfants réparoient5. Ne scay sy les y cuidoient trouver; mais bien

scavoient Robinet de Coche, lequel estoit fils du.

(4) Cherché. (2) Déchira. (3) Demeurojent. .

cousin-germain dudict de Neuville, bastard, lequel ne se gardoit pas,aussy n’avoit esté à faire ce que dessus est dict, que ledict seigneur de Neuville feit faire le jour de devant, ains estoit prestement revenu de la feste de Douay, et n’en scavoit rien, comme on disoit; lequel Robinet trouvèrent séant au disner, à la table dudict curé; et illecq ledict Jacques le print par le collet du pourpoinctet le traisna jus desmontées d’une chambre ; et là, luy etses compagnons luy donnèrent plusieurs coups de dagues ès cuisses erespaulles, sans le navrer à mort,enluy disant : « Sy nous euissions trouvé ton maistre, le sei- « gneur de Neuville, nous nous feuissions prins «“ à luy: mais pour ce que nous ne le trouvons “ pas, audespit, tu auras ces horions. » Ce faict, de luy , s’en retournèrent paisiblement, sans ce qu’oncques homme de la ville ny de la justice s’en esmeust, en la Vigne ; et au retour estoient plus qu’au venir;car tousjours leur venoient gents en aide.Et à ce faire ne feurent pas lesdicts Pierre de Habart ne Payen de la Vacquerie.

Audict an soixante-ung, feit très beau et sec ; et feurent les vins et les bleds très bons; les vins feurent assez chiers, mais les bleds à très bon marché; et ne valloit la charge d’ung cheval du meilleur bled, après aoust, que de quatorze à quinze sols.

Et régna, despuis aoust ou environ, une manitre de caulde maladie et de fièvres en plusieurs lieulx et presque partout ; mais il n’en mouroit guières, nonobstant qu’on se remesist sus à grande peine.