LIVRE IV, CHAP. XXXWVIII
Loys feut descendu, demanda son beau-frère de Charrollois. On luy respondit qu’on ne sçavoit où il estoit. Tantost il le feit quérir, mais on ne luy en sceut dire quelques nouvelles. Lors feut le roy troublé, et ne le vit-on oncques plus troublé. Tantost envoya par touts les villaiges d’entour, d’où il venoit, pour le trouver ; et ès clocquiers des villaiges faisoit allumer torses et fallots, affin que sy ledict comte estoit près, qu’il apperceut les feus; et feit gens aller atout torses et fallots par champs et par bois, et partout ; mais il n’en ouit quelques nouvelles. Ledict Charles d'Anjou en estoit aussy moult troublé; car il doubtoit qu’il n’euist quelque encombrier, et que on ne l’en mesist sus.
Ledict roy Loys estoit sy trouble, qu'il jura qu’il ne beuveroit ne mangeroit jusques à ce qu’il en auroit eu nouvelles; et rongeoit par courroux ung baston. Et ainsy comme on quéroit ledict seigneur de Charrollois, iceluy seigneur pensa bien qu’on le quéreroit et qu’on seroit en doubte pour luy; partant demanda à son hoste combien il y avoit jusques où le roy estoit, lequel luy respondit qu’il n’y avoit que deulx lieues. Lorsluy priaqu’illuy bailliast quelque homme paysan pour conduire ung de ses gents jusques au roy ; ce que l’hoste feit. Lors rescripvit ledict seigneur de Charrollois au roy son adventure, et comme il estoit bien logié, et ne se doubtast pas de luy ; et y envoya ung chevallier de son hostel, nommé Philippes de Crévecæœur ; et estoit bien onze heures en la nuictains que ledict Philippes vinst vers le roy, auquel il baillia les lettres dudict comte.
Tantost que le roy eust veu ses lettres, il feut moult joyeulx ; et beut et mangea, et le lendemain matin le renvoya quérir.
Devers le roy Loys estoit, comme cy-dessus ay dict, le duc de Sombreset, Anglois, lequel duc estoit venu France cuidant trouver le roy Charles vivant ; et comme il arriva en France, ledict roy Charles mourut; pourquoiilfent prins des gents du roy; et le feit le roy Loys venir à Tours vers luy, et luv feit très bonne chère, jà feust-il que le duc de Sombreset feust ennemy mortel d'Edouard , nouvel roy d’Angleterre, etavoit toujours conduict la guerre de la royne d'Angleterre contre ledict Edouard, et que le duc de Bourgoingne tenoit à amy ledict roy Edouard, comme on disoit, et ne l’avoit point nuy cnses affaires, ains l’avoit favorisé, et gardé
ses frères. Toutesfois ledict seigneur comte de Charrollois aimoit moult et avoittrès chier ledict duc de Sombreset, lequel duc estoit son parent, et l’euist volontiers aidé contre ledict Edouard s’il euist peu; et euist bien voullu qu’il euist cu victoire contre ledict Edouard nouvel roy. Et pour l'amour dudict seigneur de Charrolloisle roy Loys délibvra ledict duc, etluy fcit donner de l'or et de l'argent pour aller où bon luy sembleroit. Lequel duc se meit en mer pour cuider aller vers Escoce ; mais on luy conseilla qu’il n’y allast point, car il estoit espié par le roy Edouard. Sy ne passa pas oultre, mais retourna et s’en alla à Bruges en Flandres, où il feut une grande espace. Et luy laissoit estre le duc de Bourgoingne sans luy faire empeschement, pour l’amour dudict seigneur comte de Charrollois son fils. Et ainsy tenoient le père et le fils chascun ung party ; et quand le père estoit joyeulx de quelque victoire que ledict Edouard avoit. le fils en estoit dolent et triste.
Après ce que le comte de Charrollois olt esté près d’ung mois avecq le roy Lovys, le comte print congié du roy, lequel l'avoit moult haultement receu, et tant qu'on ne polroit plus ; puis s’en retourna et repassa par la Normandie. Et par toutes les bonnes villes du royaulme où il venoit et passoit, les nobles venoient allencontre de luy, et le clergié à croix et processions; et ainsy avoient commandement du rov qu’on luy feist; et mesme, ès bonnes villes où ilentroit comme prince, délibvroit touts prisonniersdes prisons. Il repassa par Blois, où le duc d'Orléans le festoya moult haultement ; et encoireseuist-il faict plus, maisil ne voulloit nulle part séjourner, pour tant qu’ilcontendoit à faire sa feste de Noël avecq sa femme, quy estoit à Aire en Artois. Puis repassa, comme dessus dict est, par Normandie, où on le festoya moult haultement, et tant qu’on ne porroit plus, et par espécial, à Rouen ; car on disoit que le roy l’avoit faict son lieutenant au pays de Normandie,et luy avoit ordonné trente-six mille francs de pension chaque an sur luy. Pour faire brief, il se hasta tant, qu’il célébra la feste de Noël avecq sa femme, à Aire en Artois, et illecq se tint jusques après les Rois, que luy et sa femme s’en partirent ; et s’en alla à Bruxelles, vers son père le duc de Bourgoingne.
En ce temps, Jehan, évesque d’Arras, lequel estoit devers le roy de France Loys, à Tours
en Touraine, feit tant que ledict roy Loys luy accorda que la pragmatique-sanction, laquelle avoit lieu au royaulme de France, et par laquelle le papen' lescollateursde bénéficesne donnoient nuls bénéfices, que touts ne feuissent embrouillés par lesnominations des universités, et estoit grand pitié comme on s’embrouilloit en procès pour avoir les bénéfices, seroit mise jus ; et avoit jà duré plus de trente ans. Icelluy Jehan, évesque d'Arras, estant à Tours devers le roy Loys, le pape luy envoya ung rouge cappel; et feut cardinal,etle nommoit-on cardinal d'Arras. Environ ce temps aussy, ung cappitaine des gents-d’armes, moult renommé en faict de guerre, très vaillant et hardy chevallier, nommé Flocquet, cappitaine d’Evreulx, mouruten l’age de cinquanteans ou environ, lequel feut moult plaincet, car, par son subtil engin, il gagna sur les Anglois le Pont-de-l'Arche, quy feut cause et commencement que le roy Charles entra en Normandie, et reconquesta tout ledict pays de Normandie. | Audiet an sovixante-ung, le sixiesme jour de janvier, en la ville et bretecque‘ d’Arras, feurent adinonestés à son de trompe, à la requeste du prorureur général du roy et de Huguet Aubry, diet Patrenostre, lequel Huguet avoit este prins comme vauldois, maistre Jehan Faulconnier, évesque de Barut, maistre Jacques du Bois, doyen d’Arras, messire Pierre le Brousart, inquisiteur de la foy, maistre Jehan Boulengier,maistre Jehan Paille, messire Guillauime de Berry, lieutenant d'Amiens, Jehan Fourme, maistre Jehan Thiebault, maistre Jehan Pon, Robert, bastard de Saveuses, maistre Pierre du Hamel et maistre Gilles Flameng à comparoir en parlement, pour respondre à ce qu'on leur vouldroit demander, touchant les griefs et extorsions que ledict Huguet disoit qu’ils luy avoient faict et faict faire, et dont certaine information avoit esté faicte à la requeste dudict Huguet, par aulcuns députésde parlement.Laquelle information veue par ceulx du parlement, ils feurent adjournés comme dict est ; c’est à scavoir, lesdicts maistres Pierre du Hamel et Gilles Flameng, à comparoir en personne, et touts les aultres adjournés simplement. Et contenoit le mandement dudict adjournement lequel mandement feut leu en pleine bretecque publique-
(1) Rempart.
ment, que ledict Huguet estant prisonnier, les dessusdicts, par gehenne et aultrement, luy avoient voulu faire cognoistre qu’il avoit esté en la vaulderie, et que mesme luy avoient dict : «Cognoisque tu es vauldois, et senomme tels et «tels quy sont aussy vauldois, et quy ont esté “avecq toy; » lesquels tels et tels n’estoient point nommés audict mandement, mais ils estoient nommés en ladicte information ; et se disoit-on qu’il y avoit des grands seigneurs et aultres gents riches et puissants.
Et feut jour assigné auxdicts ajournés au deuxiesme jour après la Chandeleur ensuivant.
