CHAPITRE XXXIX

Comment la dame de Thyembronc feut meurdrye à Hesdin par son beau-fils, etjd'ung maulvais faict que fcit messire Loys de la Viefville, et comment il mourut, et aultres choses.

L’anmilquatre centssoixante-ung, ledixiesme jour de janvier, en la ville de Hesdin, la femme du seigneur de Thyembrone, chevallier, estant en son jardin après disner, ung sien beau-fils de son mary, nommé Anthoine, donna à ladicte dame, elle estant à genoulx et disant ses heures, trois coups de dague ès mamelles tout dedans, puis s’enffuit et se boutta dedans une église ; desquels coups icelle dame assez tost après mourut. Icelluy Anthoine estoit nepveu du seigneur de Croy, fils de sa sœur, et avoit le propre jour disné avecq ladicte dame et devant elle. Icelle dame feut moult plaincte, car elle avoit bonne grasce d’estre bonne preude femme et grande aulmosnière, et moult bien servant Dieu; elle estoit du pays de Flandres, et avoit esté aultrefois par avant marriée, comme aussy sondict mary, paravant elle, avoit esté deulx fois. Ce feut ung horrible et villain meurdre; toutesfois nulle justice n'en feut faicte, ains s’en alla le facteur au Crotoy avec le seigneur de Reubempré, nepveu aussy dudict Croy, et capitaine dudict lieu, et illecq se tint.

En ce temps aussy mourut en la ville de Sainct-Omer messire Loys de la Viefville, chevallier, scigneur de Sains, en l’age de quarante ans ou environ, assez soudainement ; Carassez tost après qu’il eust descendu de son cheval, s’alla coucher en son hostel, et illecq mourat sans faire quelque ordonnance.Ledict chevalier estoit capitaine de Gravelines ; très beau chevallier, mais très luxurieux estoit, et par espé-

J. Du CLerco ET Sr. Rev.