LIVRE IV, CHAP. XL
y lecq ledict Sohier derechief et ledict Gillécquin
frappèrent sur luy quy mieulx mieulx; c’est à scavoir ledict Sohier à bras tourné, tousjours en la teste, dudict becq de faucon, etledict Gillecquin le frappoit ès cuisses et au corps d'une dague qu’il boutta tout dedans, tellement que sa teste feuttoute espaultrée, et son corps et ses Cuisses en plusieurs lieulx percés. Et en tel estat le laissèrent iceulx facteurs, et s’en allèrent boutter en franchise en l’église de Nosire-Dame en cité; et sitost qu'ils feurent montés le portail Nostre-Dame, jettèrent leurs bastons tout au loing ; et ledict Pierre Martin, prévost, quy ne: parloit ny n’avoit quelque entendement, feut prins à force de gents , et porté à l’hostel-Dieu, droict devant ledict lieu où il avoit estéainsy navré, auquel lieu il vesquit environ deulx heurës après et non plus, sans ce qu’on apperceust enluy quelquesigned'entendement despuis qu’il feut féruetabbattu. Etcombien que ledict Pierre Martin feust de petit lieu et euist esté sergent du roy, sy estoit-il prévost de Beauquesne et de cité, et huissier d’armes du ducde Bourgoingne,aulx honneurs tant seulement et sans gages. Lesdicts Gillecquinet Sohier, quy avoient faict, comme dict est, le meurdre, estoient à Mahieu Des Marets, lequel Mahieü avoit esté l'an devant prévost de Beauquesne ; et estoit ledict Gillecquin cousin-germain dudict Mahieu, et ledict Sohier son varlet. Entre lesdicts Pierre et Mahieu y avoit eu auparavant grosses parolles et reproches ; maïs Ja paix en estoit faicte, et avoient tout pardonné lung à l’aultre.Toutesfoisauleuns murmuroient que ledict Mahieu en feut coupable, ou sa femme, à laquelle ledict Pierre tenoit rancune et ne daignoit parler à elle, et sy estoient prochains voisins. La justice demanda aulxdicts facteurs après ledict faict faictet commis, se ledict Mahieu en cstoit coulpable; lesquels respondirent que non, et que oncques homme ne leur en avoit parlé ne requis, et n’en scavoient ledict Mahieu et sa femme rien; mais qu’ils lavoient faict de leur propre volonté , et ne s’en repentoient point, sinon qu'il estoit mort sans confession. Et à vérité dire, ce polroit avoir esté punition divine, carledict Pierre Martin estoit tant élevé en orgueil et présomption que merveilles, et sy debvoit plus qu’il avoit valliant, et sy estoit tant rapineulx qu'il neluy challoit, mais qu'ileuist, sur quy que ce feust ; et n’avoit pitié de nulluy; et sy avoit en luy peu ou néant
de loyaulté; et estoit très luxurieulx, jà-soit-ce qu'il feust marié; et en‘ ce cas et en ceste vie estoit fort abandonné; il estoit aussy villain parlier de Dieu, et blasphesmant et jurant mot à mot son corps, son sang, ses playes, et aultres saincts, et ne scavoit parler à peu sans jurer villainement le nom de Dieu ou de ses saincts ; il estoit aussy glout et fort à sa bouche. Pour lesquelles choses etaultres on pooit présupposer que la punition de Dieu se feust assise sur luy, combien que je ne le veuille pas dire, car c’est à Dieu seul ce cognoistre et scavoir ;] mais pour certain, s’il euist plus vescu, plusieurs disoient qu’il n’avoit oncques faict tant de rapines et de mal qu’il cuist faict.
En ce temps, et grand temps devant, c’estoit grande pitié des meurdres, des larcins, viollements et aultres grands et horribles crimes qu'on faisoit à Arras et cité, et ailleurs environ au comté d'Artois et Picardie; et sy n’en faisoit-on nulle justice, combien qu'ailleurs ès aultres pays dudict duc on faisoit assez bonne justice. Ne scay à quoyil tenoit qu’on en faisoit moins à Arras et à l’environ que ailleurs.
En ce temps aussy, le quatriesme jour de mars, en la ville de‘. ... mourut dame. ....
de Braine, femme à Loys, comte de Sainct-Pol, de laquelle demoura quatre fils et plusieurs filles et succéda. . ... son aisné fils à la comté de Braine, à la scigneurie de Ghistelle et aultres plusieurs comtés ct grandes seigneuries ; et disoit-on que ledict comte deSainct-Pol possessoit, à causc de ladicte dame, bien cinquante mille francs de rente chasque an, parmy la traue®? de Bruges, quy vaut grands deniers par an.
En ce temps aussy, environ la fin de mars, mourut messire Gauwin Quieret, chevallier, en la ville d'Abbeville ; lequel chevallier, en son temps. on avoit tenu pour ung des hardis et vaillants chevalliers de son corps quy feust ès pays du duc de Bourgoingne ne en France: et par plusieurs fois l’avoit monstré: et combien qu'il ne feust point des plus riches du pays, sy avoit-il assez par raison ; et estoitaimé de touts gents de bien, car il n’estoit pas convoiteulx ; et feut moult plainct.
(1) Les points Indiqnent les larunes du manuscrit. (2 Tribut.
