CHAPITRE XL

Comment le duc de Bourgoingne feut fort malade, et des prières et processions qu'on cn feit, et aultres choses.

Audictansoixante-ung,en la ville de Bruxelles en Brabant, environ la Chandeleur, print au duc de Bourgoingne une grande maladie, et sy grande que touts les maistres en médecine l’abandonnèrent, et espéroient plus sa mort que sa vie, car en sa vie n’avoit plus d'espoir. Ledict duc estant ainsy malade, manda son fils Charles, comte de Charrollois, quy estoit au Quesnoy avec sa femme, lequel y vint prestement. Sondict fils venu, tantost qu’il veit sondict père ainsy agresséde maladie, ilmanda incontinent par toutes les villes fermées des pays de son père : comment sondict père estoit grièvement malade et que les médecins faisoient grand doubte de sa mort; par quoy il requéroit à touts les subjects de sondict père et à toutes gents d'église qu'ils volsissent par tout faire processions générales, prières et oraisons, en priant à Dieu que par sa grasce il volsist envoyer guérison à monseigneur son père.Lesquelleslettres, tantost qu’on les avoit apportées ès lieulx où on les avoit apportées, tout le clergié et le peuple, de grande et bonne volonté, faisoient prières et provessionspourledictduc Etsans doubte ledict

[141] dut de Boüurgoingrie estoit sy âimé dé son péuple, que c’estoit merveilles comment chascun faisoit diligence de prier pour luy ; et sondict fils, lé comte de Charrollois, en feit grandement son debvoir ; carluy-mesme, sans se despouiller, et sans peu ou néant dormir, veilla sondict père quatre jours et quatre nuicts sans le laisser ; et jà fust chose vraye que sondict père luy disoit souvent qu’il se desportast, enluy disant :« Mon « fils, je vous prie que vous vous desportiez de «“ prendre tant de peine pour moy; vous en pol- « riez estre malade, dont je serois courroucé; « et puis qu’il plaist à Dieu que je le sois, il « vault miculx que je le sois seul que vous et « moy.» Le bon prince le disoit à son fils, craindant qu’il ne prensist quelque maladie, quy luy olt fait moult de mal, car il n’avoit plus d'enfant légitime. Toutesfois sondict fils ne le voullut oncques laisser ; ains quand son père le cuidoit reposant, il estoit toujours autour de luy qu’ilne le véoit point. Devers ledict duc vint aussy la duchesse sa femme, laquelle se tenoit au bois de Nieppe,ainsy comme en dévotion, sans porter d'habit de religieuse. Et assez tost après lesprièreset processions faictes pour ledict duc, ledict duc revint en assez bonne convalescence, et de jour en jour amenda tant qu'il feut guéry ; mais il feut plus de demy-an ains qu'il feut guéry ; et se tint toutsdis la duchesse avec luy; et la laissa ledict duc gouverner avecq sondict fils, et par ainsy ladicte duchesse laissa son. hermitage. |

Pour certain on tenoit que, par les prières qu'on avoit faictes pour ledict duc, ledict duc estoit revenu en santé; car on feit maintes prières; et en aulcunes villes aulcuns alloient à processions en leurs chemises sans plus, aultres nuds pieds et aultrement ; et estoit ledict duc moult aimé. |

Audict an soixante-ung, le douziesme jour de febvrier‘, en ladicte ville de Bruxelles, ung homme nommé Rolland Pippe,del’agedetrentesix à quarante ans, secrétaire du duc de Bourgoingne et de son fils, et maistre de la chambre des deniers dudict duc, par désespoir se laissa cheoir en ung puits et se noya ; et disoit-on que c’estoit pour ce qu’on l’avoit voullu reformer ; toutesfois on disoit qu’il eust bien rendu compte, et estoit très riche.

Audictanaussy,letreiziesme jour de febvrier,

(1) 1462 nouveau stvle.

par ung samedŸ après disnèr, ung nommé Jennin Frion, et l’aultre Philippesle Camus, lesquels se disoient aulx enfants de Habart, entrèrent en une taverne, nommée les Bouteilles, en cité lez Arras, et illecq navrèrent ung compagnon, fils du tavernier de Goem-en-prés, en la testé, et luy percèrent les cuisses; puis s’en allèrent et passèrent devant le prévost de Beauquesne et de cité, en pleine rue; et sy avoit bien ouy l’effroy, et le scavoit jà bien, mais oncques ne s’en meult, ny homme de par luy;ainsy estoit justice gouvernée.

Environ ce temps, la femme d’Adolphe de Cleves, niepce de la duchesse de Bourgoingne, fina ses jours et mourut en la ville du Quesnoy, en la comté de Ha ynault ; laquelle dame feut moult plaincte, car elle estoit bien aimée de son mary et de touts ceulx quy la cognoissoient ; et par espécial le duc de Bourgoingne l’aimoit moult pour la bonté d'elle ;et feut plus de deulx mois après ains! qu’on l’osast dire audict duc pour sa maladie; et estoit josne dame de l’age et en dessous de trente ans.

Audict an, le quatriesme jour de mars en caresme, en la cité d'Arras, à heure de dix heures à midy, en pleine rue, devant le portail de Nostre-Dame, à l'entrée d’ung cabaretnomméle Cardinal, deulx compagnons nommés l’ung Gillecquin Molet, et l’aultre Sohier Grignart, vindrent à Pierre Martin, prévost de Beauquesne et prévost de cité ensemble; et illecqdit Gillecquinaudict prévost : qu’on luy avoit dict qu’il lequéroit pour le faire prisonnier, et qu’il le requéroit fort qu'il luy volsist dire pourquoy. Ledict prévost luy respondit : qu'il s’en allast, et qu’il ne lu y demandoit rien pour l’heure. Lorsledict Gillecquinle prit par la poictrine ou par ses corrois, etletira arrière del’huis dudict cabaret. Et tantost qu'il feust arrière, le dessusdict Sohier, quy estoit de costé dudict cabaret contre ung huis, et ne s’en gardoit pas ledict prévost, haulsa ung baston qu’il avoit, qu'on appeloit ung becq de faucon, duquel becq de faucon luy donna sy grand coup en la teste qu'il luy enfondra la cervelle et luy feit volerung œil hors de la teste; duquel eoup ledict prévost quéit?. Mais ledict Sohier, quy à grande peine pooit ravoir son baston hors de sa teste, en le tirant hors, l'entraisna jusqu’au ruyot5en-my # la rue, et il-

(1) Avant, (2) Tomba, (3) Ruisseau. (4) Au milicu de.