LIVRE IV, CHAP. XLII

ledict religieulx, s’en alla à Lens, et feit mener après luy lesdicts trois prisonniers ; desquels lung, c’est à scavoir Jehan Lance,il fitpendreà ung arbre sur ledictchemindeLens,assez près de Thelue. Lequel Jehan Lance, comme on disoit, estoit meurdrier, espieur de chemins, et tant maulvais qu’on ne pooit plus; et avoit mené ceste vie trente ou quarante ans, car il avoit de cinquante à soixante ans; les deulx aultres feurent menés à Lens.

Cedict jour dedimanche,lebailly de Cambrésis s’en alla oultre le mont de Sainct-Eloy, et print Rigault d'Estre, archier de corps dudict bastard de Bourgoingne, et le menaà Lens; et le lendemain, environ dix heures par nuict, feut ledict Rigault pendu à ung arbre. Ledict Rigault estoit de bonnes gents et gentilhomme, mais il estoit très mal renommé, comme d’estre espieux de chemins, combatteur:et houilliert, jà feust-il marrié; et avoit mené ceste vie trente ans ou plus; et tant avoit faict delarcins quesans nombre, jà-soit qu'il tinst hostellerie et taverne; et feurent de la mort desdicts Rigault et Jehan Lance moult de gents lyes.

Et le mardy ensuivant feut pendu ledict Philippart le Camus, entre Lens et le chemin de La Bassée, à ung arbre emprès Hulluch ; lequel estoit natif de cité d’Arras et de bonnes gents, mais il estoit meurdrier, combatteur, houillier, enforceur de femmes; et sy disoit-onqu'ilavoit confessé avoir esté à meurdrir et estranglerung joyllier, lequel on avoit attraisné sur les degrés de l’hospital Sainct-Jehan en l'Estrée; lequel feut trouyé mort en sa chemise, en l’an mil quatre cents cinquante-sept, le dix-huictiesme jour de novembre, comme cy- dessus est dict.

Le vendredy ensuivant revint le bailly d’Amiens en ladicte cité d'Arras, et feit délivrer quitte et délivra ledict page de Pierre Habart, lesdicts Willemet, Morlet et Pollet?.. et le petit ministre rendit à l’évesque, nonobstant que, pour la maulvaiseté dudict religieulx, l’évesque ne le requéroit point; mais ledict bailly, pour ce qu’il estoithommed’église, n'en osa faire justice.

Et le lendemain, jour de samedy et de marchié à Arras, feit pendre Collin Blarre à ung arbre sur le chemin de Paris, assez près de Beaurain, au lez de Champré, d’une cappe; et la principale cause de sa mort feut pour sa malle renomméequ'ilavoit d’estrenoiseulx,ivroingna,

(1) Débauché. (2) Lacune d'un mot.

houillier et composeur de gents; et disoit-on qu'il avoit esté à esforcier une femme à Avesnesle-Comte. Il estoit de bonnes gents de labœur. Cedict jour de samedy, ledict bailly d'Amiens se partit d'Arras, et les aultres, et s’en allèrent à Péronne ; et disoit-on qu'ils prindrent despuis par Picardie et Artois aulcuns maulvais garçons dont ils feirent faire justice.

En ce temps, audict an mil quatre cents soixante-deulx, le quinziesme jour de septembre, à trois heures après midy, en l’église de Sainct- Vaast d’Arras, en l'age de quatre-vingt et six ans, cloist son dernier jour Jehan du Clercq, abbé de Sainct-Vaast d'Arras, et rendit ame en sa chambre, sur son lict; lequel avoit esté abbé trente-quatre ans de ladicte église. Icelluy abbé avoit moult haultement et bien gouverné ladiete église, et avoit esté moult cremu de touts ses moines, et plus qu’abbé n’avoitesté, passé deulx cents ans ; et aussv il les avoit gardés en paix et en droicturce; et moult avoit gardé lesdroicts et les héritaiges de l’église, et fort augmenté le revenu d'’icelle. Feit refaict toutes les maisons et censses de l’église. La tour du clocquier de l’église, laquelle estoit si maulvaise qu’elle estoit soustenue de gros et somptueulx carpentaiges de quesne, il feit, par force d’encres de {er par dedans et de pierre de grés par dehors, solemnellement refaire; puis feit parfaire la nef de l’église, quy n’estoit qu'une vaulsure, oultre le crucifix, et y feit quatre vaulsures de long ; c'est à scavoir, quatre grandes vaulsures et huict petites ; et n’y avoit ne comble ne commencement, sinon la fondation des pilliers, quy estoient faicts deulx cents’ans paravantou plus. Après ce, feit faire le portail de l'église, et tant d’aultres nobles ouvraiges dedans l’église que sans nombre, lesquels avoient monté à moult grande finance. Il avoit faict faire aussy à Ennencourt, ès faulxbourgsd’Arras, une fort belle maison de plaisance et gardin, et avoit accaté { la place de ses deniers ; etestoit pour s'en aller esbattre , et aulcune fois y mener son couvent esbattre.

Il avoit aussy faict refaire la maison de Hervain, à demy-lieue près d’Arras, laquelle avoit esté ardse au siége d'Arras, et y avoit faict une moult noble place pour pareillement y mener son couvent, ou par adventure soy y tenir en temps de mortalité.

(4) Acheté.

ee mme

Il feit encoires faire toutes les belles chambres, despuis le clocquier de l’église en descendant, jusques au pont de Sainct-Vaast; et en l’'Hostel-Dieu mesme feit il des beaulx ouvrages. Moult d’aultres ouvrages feit faire, quy trop seroient longs à raconter.

Ledict abbé avoit esté de moult grand couraige., et bien l’avoit monstré contre touts princes, ducs et aultres, quels qu’ils feuissent, pour soustenir les droicts de l’église, et mesme contre ceulx de la ville d'Arras. La mort dudict abbé desplut fortà ceulx d’Arras et du paysd’environ, et à sesreligieulx ; et feut moult plainct; etmoult de peuple prioit pour luy, que Dieu par sa grace mist à repos son ame. Il feit en son temps une chose de grande recommandation, et dont il acquit moult Pamour du peuple ; et feut en la grande famine, l’an mil quatre centstrente-huict, que le bled feut lors sy chier, par tout le royaulme et ailleurs, que la charge du cheval de bled valloit dix francs monnoye d'Artois, seize sous pour le franc, et moroient les pauvres gents de faim ; et ne souffroit-on les pauvres gents ès bonnes villes, ains leur faisoit-on des begudes ! ou maisoncelles hors des portes, tant pour la famine que pour l'infection de leur pauvreté. Quand ledict abbé veit la grande famine en ladicte ville d'Arras, sy feit ouvrir ses greniers et lesgreniers de l’église quy estoient pleins de bled, car l’année devant, la charge d’ung cheval de bled ne valloit que huict sols; et à touts pauvres gents,labourierset gents de mestier,quy estoient pauvres et disetteulx de bled, feit donner le mencault pour vingt-huict sols. C’estoit la charge d’ung cheval cinquante-six sols, quy valloient troisfrancs et demy;etcommedictest, en la ville et ailleurs il valloit dix francsla charge d’ung cheval. Mais n’en avoient nuls s'ils n’estoient pauvres etdisetteulx, car les riches et les marchands n’enavoientpoint;etsyn'enavoient nuls plusde deulx boisseaulxenung coupau plus. Et ceste œuvre pleut moult au peuple, et pria-ton moult pour luy; car s’il n’euist faict ceste bonneœuvre, sans doubte le commun se feustesmeu par famine et feuist allé ès greniers de ceulx quy avoient bled, et le pris, par adventure pour néant, et mis à mort ceulx à quy c'estoient ou quy les gardoient.

Environ ce temps, messire Jehan de Croy, chevallier, seigneur de Chimay, revint devers le

(1) Cabarets.

roy Loys de France, lequel avoit esté envoyé en ambassade par le duc de Bourgoingne:; et disoit-on que ledict seigneur de Chimay avoit à grande peine parlé au roy; en la fin il y parla, mais ce feut peu.Etla cause pourquoy ledict duc avoit esté envoyé illecq estoit, pour tant que le roy avoit voullu faire publier ès pays dudict duc, que nul ne bailliast ayde ne conffort, ny ne marchandast ne soutinst les Anglois du costel du nouveau roy Edouard d’Angicterre; ce que ledict duc n’avoit voullu souffrir publier, veu qu’il avoit trefves audict roy Edouard. Et aussy avoitledict roy Loys voullu mettre gabelle de sel en Bourgoingne, ce qu’oncques on n’avoit veu. Et pour ces causes et aultres avoit envoyé ledictseigneur de Chimay vers ledict roy, pour le prier qu’il ne le volsist travailler de ces choses sans cause. Mais, comme dict est dessus, à grande peine parla-t-il à luy;et quand il y parla, ce feut à l’issir de sa chambre, où ledict seigneur lattendoit. Etsy disoit-on que le rey Loysde prime face dict au seigneur de Chimay telles parolles ou en substance : « Quel homme est-ce le due de « Bourgoingne? est-il aultre ou d’aultre nature « et métail que les aultres princes et seigneursdu «“ royaulme d’environ?» À quoy ledict seigneur de Chimay luy respondit, considérant de quel courage! illuy demandoit, non remembrant, ce luy sembloit, les biens et honneurs que le duc luy avoitfaicts,comme orgueilleulx et hardy chevallier et non doubtant homme pour deffendre l’honneur dudict duc son seigneur : que oui, et que le duc estoit d’aultre métail etaultre que les aultres princes de France et d’allenviron; car il l’avoit gardé, porté et soustenu contre la vollonté du roy Charles son père, et touts ceulx du royaulme et aultres à quy ilen desplaisoit, ce que nul aultre n'euist voullu ny osé faire. Prestement que le roy ouyt ces parolles, sy se partit sans mot dire et rentra en sa chambre ; ny ne parla plus à luy ledict seigneur de Chimay, ains s’en retourna. Aulcuns disoient que, après ceste réponse, le bastard d’Orléans comte de Dunois, vint au seigneur de Chimay, etlu y demanda commentilavoit osé ainsy parler au roy. Lequel luy respondit : que s’ileuist esté cinquante lieues loing, et euist cuidé ne pensé que le roy luy eust voullu dire les parolles qu’il luy avoit dict, il feust retourné pour respondre ce qu’il luyavoit respondu.

(4) intention. |,