CHAPITRE XLIIL
Comment la duchesse de Bourbon, sœur du duc de Bourgoingne, vint devers luy à Bruxelles, ct comment le roy Loys envoya en Angleterre, au secours de la royne, deux mille combattants; et d'aultres choses.
Environ ce temps, la douairière, duchesse de Bourbon, sœur du duc Philippes de Bourgoingne, avecq deulx de ses filles et plusieurs de ses fils, vint devers son frère ledict duc à Bruxelles; et disoit-on que elle ne retourneroit plus audict pays de Bourbonnois. Icelle dame avoit grasce d’estre sage dame, et l’avoit bien tousjours monstré. Icelle avoit eu du duc de Bourbon six fils et cinq filles : le premier olt nom Loys, et feut duc; le second feut marrié, par le moyen du duc Philippes son oncle, à la fille du roy de Chyppre, mais il mourut ains qu'il allast en Chyppre, et mourut de la lèpre ; le tiers feut archevesque de Lyon, et olt nom Charles et eut l’abbaye de Sainct-Vault en command; le quart feut évesque de Liège ; le quint feut seigneur de Beaujeu, etolt la fille du duc d'Orléans en marriage; le sixiesme olt nom Jacques, et se tenoit avecq le duc de Bourgoingne, son oncle. Des filles: la première olt espousé le ducde Calabre, fils aisné du roy de Sccille et duc d’Anjou, laquelle mourut après qu’elle olteu dudict duc ung fils ; la seconde, le duc la donna à son fils, comte de Charrollois: la tierce, ledict duc la maria au fils du duc de Gueldres son nepveu ; les aultresestoient encore à marrier. Ledict duc leur oncle les avoit touts ainsy advanciés, et moult leur avoit faict de bien.
En ce temps, Loys, roy de France, pour faire secours à la royne d'Angleterre, envoya deulx mille combattants en Angleterre, dont estoit cappitaine messire Henry de Brésili, chevalier, seigneur de la Varende*, lequel avoit, du temps du roy Charles, totalement gouverné tout le royaulme ; et disoit-on que le roy l'y envoyoit pour tant qu'il ne l’aimoit point, affin par adventure qu’il demourast la. Toutesfois il s’y porta sy sagement au commencement qu'il y conquesta plusieurs places, èsquelles ils se tindrent certaine espace, attendants le secours du duc de Sombresct, lequel leur avoit promis d’amener secours de gents, et avecq ce d’amener grosse armée d’Escoce; lequel due le trahit, car ce temps pendant, il feit tant qu’il olt sa paix au roy Edouard d'Angleterre, et se luy
(4) Brézé. (2) Varennes.
rendit ledict roy sa duché et ses aultres terres; et par ainsy faillit aulx Francoisde sa promesse, et sy n’eurent, par ce moyen, nuls secours d’Escoce ; et feurent par le comte de Werwicq adsiégés ès placesqu'ils tenoient, où ils ne se feuissent point tant tenus s'ils n’euissent attendu secours. Enfin il leur feut de nécessité, après qu'ils olrent mangié, par famine, plusieurs de leurschevaulx,d’eulx rendre, leurs viessaulfves; et s’en retournèrent plusieurs ung petit baston en leurs mains, quy estoit blanc; mais ains qu'ils partissent, estoient allés en Escoce pour avoir secours, où ils faillirent de lavoir. Durant lequel temps, y olt plusieurs escarmouches et rencontres, où il y olt plusicurs morts d’ung costd et d’aultre,et'aussy plusieurs François prisonniers.
En ce temps, le vingt-septicsme jour d’octobre, entre Lens et Vimy, deulx compagnons, frères, accompagniés de trois leurs cousins-germains, ung compagnon nommé Jennin le Guillebert, dict Vicaire, lequel ils avoient espiés, ils assaillirent; et nonobstant qu’il se deflendist fort et moult vailliamment, car il estoit fort et hardy, en l'age de vingt-sept ans, ils le navrèrent et descoppèrent tellement qu'ils le meirentà mort ; etmourutenvironung quart d'heure après. Et la cause pourquoy ce feirent, feut qu’icelluy Vicaire avoit, environ ung an ou deulx paravant, tué en la ville de Lillele frère d’iceulx deulx frères. Icelluy Vicaire avoit aussy desfloré sa cousine-germaine, et tenu grand temps et despendu la chevance de ladicte fille, et après l’avoit abbandonnée.
