CHAPITRE II

Comment le roy Loys reccut du duc de Bourgoingne les terres engagiées sur la rivière de Somme ; et comment il alla devers le duc à Hesdin; et d’aultres choses quy advinrent en ce temps.

Durant le temps que le roy Loys feut à Paris et paravant, il feist tant comme par dons, qu'on luy donna, tant les bonnes villes de son royaolme, comme aultrement, car partout ne demoura abbaye, évesquié, prioré ne riche marchandquy neluy feissent prest ou don d’aulcunes sommes de deniers ; après lesquelles assemblées, comme dict est, se partit de Paris, et alla, comme j’ay dict, à Pontoise, de Pontoise à Beauvais, à Eu et Abbeville, d’Abbeville à Hesdin; et alla le duc de Bourgoingneallencontre de luy jusques hors de la ville et non plus, carle roy luy avoit mandé qu'il ne vouloit point qu’il se travaillist de venir alencontre de luy, pour la maladie qu’il avoit eue. Quand le duc veit le roy, il s’inclina sur son cheval, le chief nud, et le roy se desfula{; puis acollèrent l’ung l’aultre et parlèrent grand temps ensemble en riant; et avecq ledict roy estoit le comte d’Estampes; puis entrèrent à Hesdin, quy est en la comté d'Artois, en laquelle ville y a ung moult beau chasteau, auquel chasteau ledict duc mena et feit loger le roy Loys, et se deslogea de sa chambre pour le loger; et illecq festoya le duc ledict roy Loys, sy grandement qu’on ne polroit plus. Leroy estant à Hesdin, feit apporter quatre cents mille escus d’or, lesquels il baillia audict duc de Bourgoingne, en luy priant qu'il feuist content de ceste somme pour payement du ra-

fi) Ota son chapeau.

J, Du Czenco Er Sr. Remy.