LIVRE V, CHAP. II
chapt desdictes terres, en luy promettant d’accomplir le contenu au traictié quy se feit à Arras, par lequel debvoit estre fondée une église de Célestins rentés au lieu où le duc Jehan de Bourgoingne feut mis à mort, et aultres choses. Le duc octroya au roy toute sa requeste et prit les deniers; et du surplus s’attendit à ce qu'il luy promit.
Durant le temps que le roy Loys estoit à Hesdin, par saulf-conduict dudict roy et du duc, de par le roy Edouard d’Angleterre vint une grosse ambassade audict Hesdin; et estoient de trois à quatre cents chevaulx bien montés en grande bobance et richesse ; et en estoit chief ung évesque nommé George, frère du comte de Werwicq.
Durant ledict temps aussy que le roy Loys estoit à Hesdin, le duc de Bourgoingne envoya en Hollande plusieurs messages devers le comte de Charrollois son fils, où ledict comte estoit, luy mandant qu’il vinst à Hesdin, où estoit ledict roy Loys; mais il n’y voulut oncques venir, ains s’envoya excuser aussy par plusieurs messagers, rescripvant : que, tant que le comte d’Estampes et le seigneur de Croy seroient illecq, il ne s’yretrouveroit pas. Et disoit-on que ledict comte de Charrollois estoit très mal content que ledict seigneur de Croy avoit traictiéleremboursement des terres engagiées sur la rivière de Somme et ailleurs, et de ce aussy que le roy retenoit et avoit retenu de son hostel et de son conseil le comte d’Estampes et aussy le seigneur de Croy, estant le roy bien adverty que ledict de Charrollois ne les aimoit pas.
Le roy Loys estant, ainsy que dict est, logié au chasteau de Hesdin, lequel, comme on disoit, estoit le plus fort le plus beau et le plus somptueulx chastel de France, et y avoient faict faire le duc Jehan de Bourgoingne et ledict duc Philippes, son fils, moult d’ouvraiges et comme tout nœuf de fond en comble, et estoit tout faict, réservé dessur la ville où encoires estoit la vieille muraille, et y ouvroit-on toutsles jours, et estoit l'intention du duc de parfaire sur la ville comme ailleurs ; et estoit icelluy chastel la clé de la comté d'Artois et de Boullenois et aultres pays ; et sied tellement, que ceulx du chastel polroient aller par toute la comté d’Artois et Boullenois. On dit que le roy Loys requist au duc de Bourgoingne qu’il luy donnast ledict chastel et ville de Hesdin , et il luy donneroit la ville de Tour-
nay, de Mortaigne et aultres places; à quoy ledict duc ne volt entendre.
Ces choses faictes, et aultres,quy longues seroient à raconter, le dix-neufviesme jour d'octobre, le roy se partist de la ville de Hesdin ; et le convoya le due, et prit congié en très grand amour, comme il sembloit. Nonobstant que jà feust chose vraye que le duc euist requis et faict plusieurs requestes audict roy, sy ne luy en accorda nulles ; et retourna ledict roy Loys à Abbeville en Ponthieu, et illecq feit renouveler les serments des bonnes villes, des gents d'église et des nobles hommes. Et jà feust-il que plusieurs seigneurs desdicts pays avoient des grandes terres ès aultres pays du duc, dont ils en estoient subjects audict duc de Bourgoingne ; sy vourloit-il qu’ils feissent serment de non servir aultres que luy et ses successeurs roys de France.
Entre les aultres choses que ledict duc requist le roy, ondit qu'il luy requist qu'il ne déposast nuls des officiers des pays raccatés1, lesquels il avoit commis, s’il n’y trouvoit faulte. Mais prestement les serments renouvelés, le seigneur de Saveuses, lequel avoit esté et encoires estoit ung hardy chevallier et valliant, ny oncques n'avoit faict faulte devers son prince, il déposa de sa cappitainerie d'Amiens, de la cité d’Arras et de la ville de Doullens, et y commit le seigneur de Lannoy, nepveu dudict seigneur de Croy, portant l’ordre du duc de Bourgoingne ; lequel avoit esté par ledict duc faict gouverneur de la Hollande, et pour ce jour estoit gouverneur de Lille, Douay et Orchies, de par ledict duc.
Il déposa aussy le bastard de Sainct-Pol, seigneur de Hault-Bourdin, portant aussy l’ordre du Toison-d’Or, de la cappitainerie de Mortaigne, et donna l'office au seigneur de Lannoy.
Il déposa encoires le seigneur de Crèvecœur, premier chambellan du comte d'Estampes, et donna ce bailliage audict seigneur de Lannoy; et avecq touts ces offices donna à icelluy seigneur de Lannoy deulx mille livres tournois de pension chascun an. Pourquoy il faisoit tant de biens audict seigneur de Lannoy, on ne sçavoit, et s’en donnoit-on merveilles; car sans ces offices, icelluy seigneur estoit moultricheet puissant, et avoit esté tousjours nourry dessoubs et en la maison dudict duc, et luy en venoit tout son honneur et richesse; ny oncques n’avoit esté de l’hostel dudict roy, et sy ne luy avoit
{t) Rachetés. ,
faict quelque service dont il feust mémoire.
Assez tost après que le roy feut party de Hesdin, le duc s’en partist et s’en alla à Lille, et de Lille à Bruges.
