CHAPITRE III
Dela mort de Marie, royne de France; et comment Loys, comte de Sainct-Pot, feut adjourné à comparoir en personne devant le roÿ, et aultres choses advenues.
En ce temps, Marie, royne de France, mère du roy Loys, fille du duc d'Anjou et sœur au duc quy pour ce jour estoit mort, cloist son dernier jour. Icelle dame estoit fort sainte et bonne dame, et de la bonté et saincteté d’elle la commune renommée estoit toute pleine.
Environ ce temps aussy, le roy de France feit adjourner le comte de Sainct-Pol à comparoir en personne par-devant luy, où qu’il fust, le quinziesme jour de novembre, et avec luy le seigneur de Genly; et disoit-on que le seigneur de Genly, par le conseil dudict comte, avoit esté, à la requeste dudict comte deCharrollois, devers le duc de Bretaigne pour faire alliance entre ledict duc et le comte de Charrollois, lequel duc estoit mal du roy, et attendoit de jour en jour qu'il vinst à force d’armes en ses pays, lesquelsil avoit moult fortifiés ; et se tenoiten armes avec ses gents pour l’attendre et le combattre, sy mestier estoit; et encoires disoit-on que le duc de Bourbon et plusieurs aultres princes de France estoient de ceste alliance.
Le sixiesme jour de novembre, audict an soixante-trois, en ung villaige nommé Estrum, à une lieue près d’Arras, à une neuche! quy s’y faisoit, le fils de Colas de Boubers, nommé Bonnet , demourant à Louez avecq son père, lequel, comme dict est cy-dessus, en lan cinquante-neuf, avoit tué le varlet de son père, print paroles à auleuns compaignons, lesquels avoient ramené une josne fille, entre lesquels estoient Petit-Jehan Caudron et son frère, enfants Philippot Caudron; et se combattirent des poignets; et eulx combattants, ledict Petit-Jehan tira sa dague et en férit ledict Bonnet tellement, que ledict mercredy ensuivant il en mourut.
Environ ce temps aussy, ung parmentier , nommé Jehan Belhomme, demourant dessous la porte entre Arras et la cité, lequel estoit marrié, mais sa femme l’avoit laissé, et estoit par le pays, et pour ceste cause s'estoit ac-
(4) Noce.
cointé d’une mesquine de l’age de quarante ou cinquante ans, laide assez, pourtant que ladicte mesquine luy dit villennie, luy donna ung coup de coustel au ventre, duquel coup elle mourut ; et feut ledict Jehan semons sur la teste, de la ville d'Arras.
En ce temps aussy, le quinziesme jour doc:
tobre, à six heures du vespres, qu’on ne voyoit goutte, en la ville d'Arras, et en la ville de Compiègne où j'estois , et ailleurs, feut veu ainsy comme le ciel ouvert; et veit-on très clair, comme on feroit d’ung coulp d’esclistre, mais il dura ung peu plus; et le veis moy estant à Compiègne, et avec moy plusieurs aultres. Sembloit le ciel plein de feu; et puis se recloyt et s’ammoncela ledict feu en forme d’ung brandon bien loing, et puis s’espanit à néant par bien long traict, ainsy qu’aulcunes fois font les estoiles. Et feut tout ce faict en l'instant qu’on diroit l’'Ave Maria au long ; et disoit-on que ce signifioit aulcune chose à venir.
