CHAPITRE VI
Comment les députés rendirent response audict comte; et comment, par leur conseil, ledict comte s'en alla devers son père à Bruges, el feurent d'accord ensemble.
Les choses dessusdictes faictes par le comte de Charrollois, les députés se retraièrent en une chambre, où ils feurent environ demy-heure ; puis retournèrent devers ledict comte, et se jettèrent touts à genoulx devant luy, lequel incontinent les feit relever. L'abbé de Cisteaulx, pour et au nom desdicts députés, porta la parolle, et dit au comte comment ils avoient parlé ensemble, et qu'ils estoient touts d’une opinion; c’estoit qu'ils luy requéroient très bumblement que, pour parvenir à la bonne grasce et amour de monseigneur son père, il feust content de soy retourner devers luy, et qu’en ce faisant il eschéveroit! ung grand trouble quy polroit advenir en touts les pays de son père; et qu’au regard de ses ennemis, Dieu l’en avoit gardé jusques à ceste heure, et encoires, par les bonnes prières de touts ceulx desdicts pays , il l’en garderoit ; et que quand son père le verroit, il auroit sy grande joie que ce seroit celuy quy mieulx le garderoit ; et aussy de luy-mesmeil estoit prudent et bien cognoissant ce qu’il debvoit faire; et au regard de ses serviteurs, on luy supplioit qu’il les volsist pour ceste fois laisser derrière, sans leur donner congié, et qu'il feroit bien brief la paix d’iceulx vers son père ; et sy en aulcune manière ils luy
(4) Eviteroit.
pooient bien faire, ils s’y offroient en tout ce qu’il leurseroit possible. Ceouy par ledictcomte, il les remercia très haultement, et leur dit : que, pour entretenir l’amour de Dieu, et de monseigneur son père et d’eulx, il leur accordoit de bon cœur toute leur requeste, en leur priant qu'ils le volsissent accompagnier à aller devers mondictseigneur son père, etluy volsissent faire requeste pourses serviteurs; cequ'ils luy accordèrent. Et le lundy ensuivant, ledict comte de Charrollois, accompagnié de grand nombre de nobles gents, chevalliers et escuyers, avec lesdicts députés, se partit dudict Gand, et arriva ce jour à Bruges. Et vindrent au-devant de luy l’archevesque de Lyon, Adolphe de Clefves, Anthoine , bastard de Bourgoingne , et plusieurs aultres seigneurs, avecq la loy de la ville ; de laquelle ville, cestuy propre jour, le seigneur de Croy, scachant sa venue, s’estoit party et estoit allé devers le roy Loys à Tournay. Et descendit le comte à l’hostel de son père, puis monta en sa chambre; et, sitost qu’il le veit, s’agenouilla par trois fois : et, à la troisiesme fois, dit : « Mon “très redoubté scigneur et père, j'ai entendu “ qu’estes malcontent de moy pour trois cho- « ses;” lesquelles il luy déclara, comme dict est cy-dessus, quand il parla aux députés, et s’en excusa ainsy que dessus est dict. Puisdit : «Tou- « tesfois si en ce, ou en aultre chose, je vous ay «“aulcunement troublé ne courroucié, je vous en « prie merCy. » Alors le duc dit: « De toutes vos «excusations, je scay bien ce qu’il en est; ne « m'en parlez plus; mais puis qu'estes icy venu «à mercy,soyez-moy bon fils, et je vous seray « bon père ; » et le print par la main et luy pardonna tout. Ce faict, les députés des bonnes villes, après congié prins au duc, lequel leur assigna jour, au huictiesme jour de mars, à estre audict Bruges devers luy pour leur dire son intention , et aussy après congié prins au comte de Charrollois, en lui rendant grace de ce qu'il estoit venu à leur requeste devers le duc son père, chascun s’en retourna en son lieu. En ceste année soixante - troisiesme , et soixante-quatriesme ensuivant, le bled feut à sy bon marchié que la charge d’ung cheval ne valloit que huict sols, monnoie d'Artois, ou moins ; et en y avoit quy ne valloit que quatre ou cinq sols, et l’avoine ne valloit à Arras que quatre sols le mencault; on avoit poix pour quatre sols, cinq ou six sols le mencault à
Arras; et disoient les anciens qu'ils n’avoient oncques veu grains à sy petit prix.
Audict an soixante-troisiesme aussy, le seiziesme de janvier, environ dix heures, Martinet de Warlus, lequel estoit de bon lieu et gentilhomme de par sa mère, en l’age de vingthuict ans, ou environ, en la ville d'Arras, vint ès estuves des femmes, en ung lieu publicq nommé le Fort-Homme ; auquel lieu il trouva ung compagnon couchié avecq une fillette de joie, nommé Gillot Moilon, orfèvre ; lequel Martinet voult ladicte fille emmener, et la feit lever ; auquel ledict Gillot pria qu'il la laissast, et luy offrit donner ung escu d’or le lendemain. Icelluy Martinet, non content, férit ledict Gillot ; lequel Gillot férit ledict Martinet d’ung coustel qu'il avoit, en la poictrine, tellement que du coupil quéiti mort sans parler. Icelluy Martinet avoit eu belle chevance, et bien deulx cents francs de rente, chascun an; mais il avoit tout despendu et gasté, et estoit de très meschante vie, tant en desbat comme en compositions, et aussy il olt pauvre fin. Celuy quy le tua estoit venu de la ville de Cambray à Arras puis deulx mois, pour faire gouges, au commandement du due de Bourgoingne, pour porter en Turquie.
