CHAPITRE VII

Comment le roy Loys de France vint en la ville et cité d'Arras, ct d'illecq alla en Tournay el à Lille, et de l'honneur qu'où luy feil partout.

Le vingt-quatriesme jour de janvier, par ung luadv, environ trois heures après midy, entra le roy de France en la cité lez Arras; et allèrent allencontre de luy les canoines, moines de Sainct-Vaast,religieulx mandiantsetaultre clergié,avecq les nobles et ceulx de la loy et aultres: et entra par la porte de Beaudimont. A l'entrée de laquelle porte il descendit à pied allencontre du clergié, et depuis la porte, à pied, jusques en l’église de Nostre-Dame; et estoit au moilou? le cardinal d’Alby et le seigneur de Lau; et estoit ledict cardinal à dextre et ledict seigneur de Lau à sénestre, lequel le roy tenoit par la main. Icelluy seigneur de Lau estoit ung pauvre gentilhomme; mais le roy l’avoit faict chevalier, et estoit tousjours en sa chambre avecq luy, et n’alloit peu ou néant sans luy, et l’avoit faict cappitaine de cent lances. Après que le roy olt faict son oroison en l’église, et son frère le

(1) Tomba. (2) Milieu.

duc de Berry, quy estoit josne de dix-sept ou dix-huict ans, le comte d’Eu, le prince de Pvyemont et aultres princes et seigneurs, non pas en grand nombre ny en grand estat, car touts estoient montés sur des petits chevaulx courtaulx, le roy se logea au cloistre de l’église, en l’hostel de maistre Jean Thyebault, canoine et official d'Artois, quy estoit bien petit hostel; et ne voullut avoir aultre hostel, combien que l'hostel de l'évesque estoit le plus bel hostel épiscopal qu’on peuist trouver, et qu'il y olt encoires en cloistre de très beaulx hostels de canoines; et estoit sa coustume que, par tout où il venoit, il vouloit estre logié en petite place, et ne tenoit compte s’elle n’estoit pas trop belle. Le roy logié, touts ses gros princes et aultres feurent logiés en la cité ; et ne voullut le roy que nuls se logeassent à Arras de ses gents, pour ceque ceulx d’Arras avoient refusé aux fourriers du roy qu'ils logeassent par fourrier jusques à ce que les hostelleries de la ville seroient pleines, èsquelles il pooit de quatre à cinq mille chevaulx, commeilsdisoient. Ils feurent touts en ladicte cité par fourriers logiés, là où il leur pleut, et feurent très bien logiés ; et leur feirent ceulx de la cité tout le plus doulcement etcourtoisement qu’ils polrent, tellement qu’ils s'en louèrent moult despuis, et ceulx de la cité ne se plaindirent pas d’eulx. Le roy feut en la cité sans entrer à Arras jusques au samedy suivant ; et disoit-on qu'il n’avoit désiré d’y entrer jusques à ce que son conseil euist veu aulcuns priviléges que ceulx de la ville avoient, donnés des roys de France, par lesquels ils leur octroyent de semondre sur la teste et bannir à tousjours ou à temps, sans ce que jamais roy ne prince ne leur peust rendre la ville. Eticeulx priviléges veus par son conseil, le samedy dessusdict alla en ladicte ville d'Arras. Auquel lieu, à l’entrée de la porte, il trouva grand nombre de semons sur la teste et bannis de la ville, lesquels, combien que devant luy euissent baillé leur requeste par escript et supplication de grasce, encoires illecq derechief luy requéroient humblement qu'à son entrée il leur rendist la ville et franchise d’icelle. Auxquels il respondit de sa bouche en telle sorte : « Enfants, vous me requérez de grasce, de ce que « n’est pas la coustume aux roys de France de « faire; et pourtant ne vous y fiez pas, car je (1) Le droit de rentrer daus la ville.