LIVRE V, CHAP. VII

« ne veulx point rompre les priviléges de nostre « bel oncle de Bourgoingne. »

Et pour l'importunité des requestes que les bannis luy faisoient, en luy disant qu’il le pooit faire, et quesy leur octroyoit ils y entreroient, bien leur dit et répéta les paroles dessusdictes par trois fois ; dont les eschevins d’Arras, quy illecq estoient, et secrètement, avoient notaires quy de ces paroles feirent lettres, que ceulx de la ville gardent.

Ce dict et faict, le roy entra en la ville ; et à l’entrer en ladicte ville osta son cappel. Et disent aulcuns qu’ils luy veirent cheoir plusieurs larmes de ses yeulx. Il avoit tousjours avecqluy, à son dextre costé, ledict cardinal d’Alby; il alla oyr messe en l’église de Sainct-Vaast, puis retourna disner en cité.

Le dimanche ensuivant , derechef le roy alla en Arras visiter l’église de Sainct-Vaast, et veoir tout le lieu et les chambres que l’abbé, nommé Jehan du Clercq, dernier mort, avoit faict faire, en intention que les roys de France quy viendroient à Arras y seroient logiés ; car l’église et abbaye de Sainct-Vaast est le logis du roy, pour ce qu'ils sont de fondation royale.

De Sainct-Vaast il alla au marchié faire son oroison en la cappelle où la candelle d’Arras est, quy s'appelle le Joyel Nostre-Dame.

Puis s'en vint par-devant l’église de Sainct- Gery en Arras, en laquelle estoit le blancq clocque, laquelle on tombissoit !, car on ne l’osoit sonner à vollée, pour ce que le clocquier n'estoit point seur ny bon , et aussy pour la pesanteur d'elle, car elle pesoit de dix - sept à dix-huict mille livres ; et estoit moult belle clocque ct bonne, et la meilleure dont on sceuist à parler. Mais ainsy que leroy passoit, ung serrurier nommé Olivier, lequel avoit l’horloge en garde et la conduisoit, lequel estoit audict clocquier tout armé au blancq, descendit dudict clocquier, et alla prendre le cheval du roy par la bride, en demandant le vin au roy; dont le roy s’effréa ung peu; toutesfois il lui feit donner le vin, et se luy pardonna son mesfaict ; car sy ne luy olt pardonné, il euist esté griefvement puny; Car, Comme on dit : quy met la main au roy, il est digne de mort, ou enla mercy du roy.

Or advint-il que, parce que ledict Olivier descendit et laissa la clocque, et que plusieurs gents montèrent au clocquier où la clocque estoit, et

(4) On frappait sans la mettre en branle.

dit-on que auleuns de ceulx quy montèrent touchèrent à ladicte clocque de quelque chose, durant que le roy passoit, et qu’on la tombissoit, done la clocque se cassa ; pourquoy touts ceulx de la ville feurent moult courrouciés, et non sans cause, car C’estoit une belle et bonne clocque.

D'illecqle roy alla parmy la ville et ès faulxbourgs de Sainct-Vincent ; et alla veoir le lieu où son grand-père Charles sixiesme de ce nom, roy de France, feut logié, quand il vint mettre le siège à Arras, quy estoit le Temple.

Au revenir, le roy descendit en la ville d’'Arras pour boire, en la maison de Ricart Pinchon, procureur et conseiller de la ville d'Arras, puis retourna en cité.

Le lendemain, penultiesme jour de janvier, se partist de cité, environ sept heures du matin, luy six ou sceptiesme, soudainement, combien qu’il avoit dict le jour de devant qu’il ne partiroit.Tantost qu’il feut party. ses archiers, quy estoient environ soixante en nombre, très bien en poinct, le suivirent, quy mieulx mieulx, et ses aultres gents pareïllement, princes et aultres ; et disoit-on que c’estoit sa manière de faire, d’ainsy partir soubdainement partout où il alloit, ny n’avoit cure qu'on le convoyast, ny d’estre veu du peuple. Il s’en alla disner à trois lieues d’Arras, en ung villaige nommé Souches; et feut logié en une maison quy estoit à Martin Cornille, demeurant à Arras.

De Souches s’en alla à Seclin emprès de Lille, où il feut aulcuns jours ; auquel lieu de Seclin ung de ses archiers de corps, nommé le Grand Robin, Escocois, tua ung sien compagnon nommé le Grand Roland, aussy archier et Escocois ; et la cause feut une josne fille que le Grand Roland tenoit.

Et le sixiesme jour de febvrier, le roy entra en la ville et cité de Tournay, en laquelle ceulx dela ville le receuprent moulthonnorablement ; et feurent quatre cents hommes ou plus des plus notables de la ville, vestus de blanc; et sur leurs robes devant et derrière y avoit ung arbre de lys faict de broderie; lesquels allèrent audebvant du roy. Et à l'entrée de la porte y avoit, moult gentement faict, ung chastel de papier, où la forme, l’enclos, les tours, les portes et toute la closture de la ville estoient très bien faictes, pareilles à la ville ; lequel chastel on prégenta au roy, avecq toutes les clefs de la ville.

Après ce, une très belle fille, et la plus belle de la ville, par engin qu’on avoit faict, descendit comme des nues, et vint saluer le roy, et ouvrit sa robe sur sa poitrine, où y avoit ung cœur bien faict; lequel cœur se fendit, et en issit une moult noble fleur de lys d’or, quy valloit grand avoir ; laquelle elle donna au roy, de par la ville, ct luy dit : que comme elle estoit pucelle ,qu’aussy estoit la ville pucelle, et qu’oncques n’avoit esté prinse, ny estée ny tournée contre les roys de France, mais avoient ceulx dela ville chascun enleur cœur une fleur de lvs.

Il y trouva après de nobles histoires de joeus à personnages, et tant d’aultres mystères que le raconter polroit ennuyer. Et avecq ce luy donnèrent de grands dons ; et feut le roy logié en la maison d’ung canoine de Tournay, nommé maistre Jean Mannich , lequel canoine estoit de vie très lubricque, mais il estoit bien cognu du roy, pour tant que, quand il feut nouvel roy, il traicta la paix de ceulx de Tournay vers luy, lesquels estoient en sa malle grasce, à cause de ce qu'ils ne l’avoient voulu recepvoir ny faire feste durant le temps que son père n'estoit pas content de luy.

Le dixhuictiesme jour de febvrier, ledict roy Loys se partit de Tournay, et s’en alla à Lille ès Flandres, lequel jour il estoit le quatriesme jour de caresme, nuict du behourdy1, que lors on a accoustumé en ladicte ville de jouster. Et avoit à ce jour duré icelle feste bien deulx cents ans; et y a moult belles joustes et belle et riche feste ; et aussy à cc jour la ville de Lille estoit tenue une des villes du royaulme où il y avoit plus de riches gents, de richesses et de grandeur ; et y avoit grand peuple, hommes et femmes moult gentement habillés et pompeulx, aussy dévots, et ung peuple moult aulmosnier. Et feut ledict roy logié assez près des Frères Mineurs , en la maison d'ung nommé Bocquet de Lattre, maistre-d’hostel du comte de Charrollois.

Ce propre jour aussy, vint en ladicte ville le due de Bourgoingne, avecq luy sa sœur, la duchesse de Bourbon. Durant qu'ils y feurent, y olt belles joustes ; et durèrent despuis le dimanche jusqu’au vendredy ; et le bourgeois de la ville qay estoit roy de l’espinette estoit nommé

(1) Deuxième dimanche de carême qui recoit son nom des

joutes ou behourds qu'on célébroit habituellement à cette époque.

Baudechon Gommer, de l'age de vingt ans.

Durant que le roy feut à Lille, il pria tant au duc de Bourgoingne qu'il se déportast du voyage de Turquie jusqu’à ung an, que le duc luy octroya. Et la cause pourquoy le duc luy octroya feut : que le roy luy remonstra que, s’il se partoit, les Anglois, ses anciens ennemis et du royaulme, se polroient enorgueillir, prendre nouvelles alliances, et esmouvoir la guerre; et avecq ce, s’il se partoit sy brief, son partement polroit estre cause de moult de maulx et de périls ; mais en dedans ung an, se faire se pooit, la paix se feroit d’entreluy et les Anglois, etalors polroit faire son sainet voyage, à la seurcté de ses pays et du royaulme. Et promit le roy au duc que, sy l'accord se faisoit, il luy donneroit dix mille combattants, à ses despends payés pour quatremois,pouralleravecq luy.Edouard, roy d'Angleterre, luy avoit aussi promis, comme on disoit, certaine quantité d’archiers, payés à ses despends pour quelque temps. Par ces choses et aultres semblables, feut le voyage de Turquie rompu pour le duc, dont moult luy desplaisoit, comme on disoit.

Le vendredy ensuivant, le roy Loys se partit de Lille et vint au giste en cité où il feut grandement festoyé par le comte d’Estampes.

D'illeeq alla à Paris, de Paris à Sainct-Clou ;

auquel lieu de Sainct-Clou le due de Savoye, père de la royne, l'avoit longtemps attendu, malade de goutte ; et s’'estoit party de Savoye, avec luy son fils aisné; et disoit-on que, pour ce qu’il ne gouvernoit pas bien ses pays, eeulx de Savoye avoient prins pour gouverneur Philippes de Savoye, maisné fils du due, lequel estoit très sage et gentil, et obéissoient ceulx dudict pays à luy plus qu’à son père ny à son frère aisné.