LIVRE V, CHAP. VIII
faire, pour ung an, son voyage sur les Infidèles, laquelle chose estoit ce qu’il désiroit le plus d'accomplir, et moult luy desplaisoit le demourer ; toutesfois, affin que le pape et les princes de par-delà , aulxquels il avoit promis d'aller par-delà et y estre à la Sainct-Jehan- Baptiste ensuivant, ne feuissent pas mal contents de luy, il y envoyroit Anthoine, son fils bastard, accompagnié encoires d’ung sien fils bastard, nommé Baulduin, de l’age de dix-huict aus, avecq deulx mille combattants. Et illecq le duc, en la présence des trois estats, voua de rechief que, s’il n’estoit mort ou malade il seroit ès marches de Turquieendedansla Sainct-Jehan- Baptiste, l'an soixante-cinq, à toute la plus grande puissance qu’il polroit, et illecq achemineroit ses vœulx. Aulcuns disoient : que aulcuns fils du diable, ou plains de maulvais esprit, avoient tant faict devers le roy Loys qu’il avoit retardélediet sainct voyage, quy estoit au grand déshonneur du duc, et eontre ce qu’il avoit promis, et à la confusion de chrestienneté ; car touts les jours les ennemis de la foy conques- ‘toient sur les chrestiens; et en donnoit-on
grande charge au cardinal d'Alby. Et combien "que plusieurs princes et chevalliers euissent
voué d'aller audict sainct voyage sy le duc y alloit, à ce qu'on pooit percevoir il n’en y avoit nul que le duc et son fils bastard quy ne eremist d’y aller, et quy ne désirast que le duc n'y allast pas; mais sy c’euist esté pour guerroyer à leurs voisins et contre chrestiens, ils l'euissent eu plus chier beaucoup que d'aller combattre les Turcqs.
Environ ce temps, le duc de Savoye feit tant devers le roy Loys, son beau-fils, qu’il envoya quérir par ung chevallier Philippes de Savoye, en luy envoyant saulf-conduict de venir et de retourner sans empeschement ; lequel, au commandement du roy et sur son saulf-conduict, vint deversluy; mais le roy le feit prendre prisonnier et l’envoya en ung fort chastel, et illecq le feit moult près garder. De laquelle chose plusieurs du royaulme se donnèrent grande merveille.
En ce temps aussy, le roy Loys feit adjourner à son de trompe le comte de Sainct-Pol, Loys, à estre devers luy en personne sur le troisiesme deffault ; lequelcomte, doubtant d’estre banny du royaulme, par saulf-conduict du roy et aultres grands moyens qu'il olt, alla de-
vers le roy à Nogent. Et illecq feut très grandement receu du roy ; et feut traictié faict ; et feit serment et hommaige au roy de ce qu'il tenoit de luy; et luy monstroit le roy toute l’amour et honneur qu’il pooit. Et disoit-on que le roy luy avoit requis qu'il luy feist serment de non jamais converser avec le comte de Charrollois, ne l’aider, ne conforter ; à quoy il respondit : qu’il avoit faict serment audict comte de le servir, lequel serment il ne pooit rompre.
Audict an soixante-trois, le jour du grand vendredy, pénultiesme jour de mars, comme ung josne fils de Bruges, facteur d’ung marchand, de l'age de vingt ans, alloit de Bruges à Paris, entre Lille et Arras, en ung villaige nommé le Pont-a-Vendin, trouva ung homme detrente ans, natifde Bourgoingne,nomméJennin, habillé comme un carton, et aussy estoitil carton ; lequel carton, quy veit icelluy fils environ Lens tirer sa bourse pour donner une aulmosne aulx ladres, en laquelle bourse y avoit plusieurs pièces d’or, pour la convoitise desquelles avoir, feut tellement tenté du diable que, quand vint sur le soir, entre Vimy etLens, icelluy carton donna audict fils, lequel alloit devant luy, d’ung baston sur la teste, tellement qu’il l’abattit à terre; puis luy donna plusieurs coulps de coustel au corps, tant qu’il le laissa pour mort ; et luy rosta son or et son argent. Et dormnit ceste nuict ledict facteur aulx champs, assez près d’illecq, en ung moffle d’estoeul 3, et le lendemain vint à Arras. Icelluy josne fils ainsy navré demoura sur terre jusques au lendemain, qu’ung homme de cheval, passant par illecq, le meit sur son cheval et le ramena à Arras, en l’hospital Sainct-Jehan en l’Estrée. Lequel illecq mis, combien qu'il feust moult navré et en bien grand dangier de mort, sy parloit-il assez bien. Et dit comment icelluy quy ce luy avoit faict estoit habillé; et par les enseignes qu’il donna feut le facteur celluy jour prins à Arras et mené devant luy, lequel le recognut prestement. Ce véant, ledict facteur cognut son faict, et luy rendit l'argent, reservé ce dont il avoit accaté5 une robbe, des cauces et ung cappel ; et y avoit plus d’or qu’on ne cuidoit. Le facteur confessa qu’il le cuidoit avoir meurdry : pourquoy, le lundy suivant, par les eschevias d'Arras, feut condampnéà mort; et sy feut
(4) Charrctier. (2) Meule de paille. (3: Achelé.
pendu au gibbet de la viHe, et ne confessa avoir faict aultre crime.
