CHAPITRE IX
Comment le Lastard de Bourgoingne se partit pour aller sur les Turcqs; et aultres choses; et de la mort du comte de Nevers.
L'an de grasce mil quatre cents soixantequatre, assez tost après Pasques, Philippes, comte de Nevers, mourut sans avoir hoirs de sa chair; et feut Jehan de Bourgoingne , comte d'Estampes, son hoir des comtés de Nevers, Retel et aultres terres, car c’estoit son frère.
En cest an, le quinziesme jour d’apvril après Pasques , en la ville de Busquoy, Jennin Flahault , fils de Jehan, assaillit Jennin Bertoul, fils Jacquemart, environ noeuf heures du vespres. Icelluy Jacquemart, oïant la voix, y vint et trouva Collard de Thyeulloye, bailly du seigneur de Saveuses, et son varlet, quy tenoient les deulx combattants ; aulxquels ledict Jacquemart dit : que sy on ne laissoit aller son fils, quy estoit navré à la cuisse, qu’il tueroit ledict bailly. Ce véant ledict bailly, dit à son varlet qu’il laissast aller le sien, et il laisseroit aller celuy qu’il tenoit, commeils feirent. Et ce faict, ledict Flahault férit ledict Jacquemart d’ung espieu au front et l’abbattit; duquel coulp ledict Jacquemart mourut, le jeudy ensuivant. Icelluy Jacquemart estoit bailly des enfants messire Jehan de Boubers et riche homme; et le père d’icelluy Flahault estoit leur recepveur ; et s’esmeut ledict desbat à cause de leurs offices.
Audict an soixante-quatre, le vingt-uniesme jour demay,Anthoine, bastard de Bourgoingne, lequel, le jour de devant, jour de Penthecouste, avoit prins la croix, accompagnié de messire Simon de Lallaing, chevalier, deulx des fils dudict messire Simon, du seigneur de Cobem, chevallier, du seigneur de Bossu, chevallier, de Jehan de Longueval , avecq plusieurs aultres chevaliers et escuyers, jusques au nombre de deulx mille combattants, à ung port de mer en Flandre, nommé l’Escluse, en la présence du duc de Bourgoingne, entrèrent enleurs bateaulx ; et se partirent dudict lieu, et singlèrent en mer pour aller sur les ennemis de la foy chrestienne.
Lequel duc, au partir, avoit donné à icelluy Anthoine, son bastard, avecq lequel le duc en-
voyoit encoires ung sien bastard qu’il avoit avecq luy, de l'age de dix-huict ans, nommé Baulduin, lequelestoit bien espirituel! etdésirant les armes, cent mille couronnes d'or, pour commencement d'aller audict voyage. Avec ce, avoit donné à icelluy Anthoine la comté de la Roche vers Bourgoingne, avec plusieurs aultres terres.
En ce temps aussy, se croisèrent grand nombre degents, et la pluspart touts josnes hommes. Et se partoient par routes ? cy dix,cy vingt,cy quarante ensemble, sans cappitaines, et les aulcuns avecq bien peu d’argent ne habillements de guerre, et à pied; et tirèrent touts vers Rome. Et disoit-on que des pays du duc en estoient partis grand nombre, et bien jusqu’au nombre de vingt mille ou plus. Pareillement des aultres pays chrestiens se croisèrent tant de gents, sans chief ne sans conduicte, de touts royaulmes, qu’ilmefeut dict par ungdocteur en théologie, homme créable, lequel estoit en ce temps à Rome, qu’ on disoit à Rome, que, s’ils se feuissent assemblés ensemble, ils se fcuissent bien trouvés trois cents mille hommes. Etpour ce qu’ainsy partoient sans chief ne sans gaiges, on doubtoit moult que, s’ils s’assembioient ensemble, il n’en vint aulcun inconvénient.
