CHAPITRE XVIII
De la prinse de la ville et cité de Rouan, sauflc palais et le chastel.
Après que les Francois feurent, ainsy que dict est, rebouttés par les Anglois jus de la muraille de la ville et cité de Rouan, et que les roys de France et de Cécille, qui estoient arrivés à Darnestal, veirent quela puissance de la cité n’estoit bien joincte ne unie avecques les aultres de la ville qui s’estoient mis ès tours, ilss’en retournèrent au Pont-de-l’ Arche; et touts les gents de guerre et la puissance s’en allèrent logier par les villaiges sur la rivière de Saine. Le lendemain, ceulx de la ville de Rouan, pour la grande poeur et frayeur qu’ils avoient eue de l'assault, doubtants que la ville ne feut prinse d’assaut et par ce pillée, désolée et destruicte , et aussy pour esviter l’effusion du sang, qui polroit advenir par la prinse d’icelle cité, envoyèrent l’official d'iceluy licu etaultres au Pontde-l’Arche, devers le roy de France, pour avoir deluy ung saulf-conduict pour aulcuns des plus notables gents d'église, nobles, bourgeois, mar-
(4) Talbot. (2) Avec. (3) Quitter.
chands et aultres de la cité, lesquels vouloient venir devers luy oules seigneurs de son grand conseil, pour trouver et faire aulcun bon traictié et appoinctement. Sy leur feut délibvré ledict saulf-conduict ; et ce jour, atout leur saulf-conduict, à la seureté du roy, vindrent, c’est assavoir : pour ceulx de la cité, l’archevesque dudict lieu avecques plusieursaultres, et pour le duc de Sombreset, gouverneur de par le roy d'Angleterre de la duchié de Normandie, lequel estoit dedans Rouan, auleuns chevalliers et escuyers, au portde Sainct-Ouen, à une lieue près du Pont-de-l'Arche ; auquel port ils trouvèrent pour le roy de France, le comte de Dunois, le chancelier, le séneschal de Poitou, messirc Guillaume Cousinot, et plusieurs aultres. Illecques parlamentèrent longue et bonne pièce les ungs avecques les aultres, tant que l’archevesque et ceulx de la cité feurent d’accord et contents de rendre la ville de Rouan, et la mectre en l'obéissance du roy de France, et en promirent faire leur debvoir, parmy ce que touts ceulx de la ville et cité qui voldroient demourer, demoureroient atout leurs biens sans rien perdre, et quy s’en voldroient aller s’en iroient. Et ainsy se partirent les Anglois et les Francois , les ungs pour aller au Pont-del'Arche, les autres à Rouan; mais pource qu'ils y arrivèrent tard ct de nuict, ne peurent faire leur response ce jour jusqu’au lendemain, quy feut le dix-huictiesme jour d'octobre ; lequel jour ceulx quy avoient esté vers les François s’en allérent en la maïson de la ville pour relater devant le peuple l'appoinctement et les parolles qu'ils avoient eus avecques les gents du roy de France, lesquels parolles et appoinctements feurent très agréables à ceulx de la ville etdesplaisants aulx Anglois. Lesquels, quand ils perceurent la vollonté et grand désir que le peuple avoit au roy de France, se partirent mal-contents de l'hostel de ville, et se meirent touts en armes, et puis se retirèrent au palais, au pont, sur les portaulx, et au chastel de la ville. Quand ceulx de la ville cognurent leur contenance, ils se doubtèrent fort; et pour cese meirent parcillement en armes, et feirent grand guet et grande garde tout le jour, quy fut samedy, et la nuict semblablement, contre iceulx Anglois; puis cnvoyerent hastivement celle nuiet ung hoinme au Pont-de-l'Arche au rov de France , lequel + arriva au poinet du jour,
faire sçavoir au roy de France qu'il les vinst hastivement secourir, et qu'ils le mectroient dedans la ville. Le dimanche au matin , dixneufviesme jour du mois d'octobre, ceulx de la ville, quy touts estoient en armes, s’esmeurent contre les Anglois très asprement , tant qu'ils gagnèrent sur eux les murs et portaulx de la ville, et les chassèrent touts ensemble au palais, pont et chastel de la ville; et à ceste heure le comte de Dunois et plusieurs aultres, quy près eStoient de ladicte ville logiés, montèrent hastivement à cheval pour secourir les habitants de la ville allencontre des Anglois; et feut le bailli d'Evreulx frappé d’ung cheval de sa compagnie, quy luy rompit la jambe, pour ce qu’il n'avoiteu le loisir de prendre son harnois ; lequel feut porté au Pont-de-l'Arche pour guérir; et eut le gouvernement et garde de ses gents le seigneur de Magny. Tantost après partit le roy du Pont-de-l'Arche, grandement accompagnié de gents d’armes, pour tirer à Rouan ; et feit charger son artillerie pour faire assaillir Saincte-Catherine, que les Anglois tenoient. Mais cependant le comte de Dunois les feit rendre, voyants la ville estre contre eux, et on leur bailla ung hérault du roy pour les conduire. En allant trouvèrent le roy, ainsy qu'ils passoient le pont de Sainct-Ouen, lequel leur dit qu’ils ne prinssent rien sans payer , et ilsluy répondirent qu'’ilsn’avoientde quoi payer. Lors le roy leur feit bailler cent francs : lesquels estoient au nombre de six-vingts, puis les laissa aller. Le roy s’en alla logier à Saincte-Catherine ; le comte de Dunois et les aultres gents de guerre estoient à la porte Martinville, auquel lieu vindrent vers eulx lesgents d'église, nobles, bourgeoïs, marchands et habitants de la ville, quy leur apportèrent les clefs, en disant qu’il pleust au seigneur de Dunois boutterdedans la cité teletsy grand nombre de gents d'armes qu’il luy plairoit. Lequel leur respondit qu’il feroit leur vollonté. Et après plusieurs parolles dictes entre eulx pour le bien de la ville, y entra premier messire Pierre de Bresay , séneschal de Poitou, atout cent lances et les archiers du comte de Dunois ; et les aultres batailles s’en alltrent ce soir logier aux villaiges d’allentour la ville. Et estoit belle chose de veoir les compagnies des roys de France et de Cécille et des aultres seigneurs, chevalliers et escuvers. Ce jour mesme, au soir, rendirent les
Anglois le pont ; et feut baillé en garde au seigneur de Harenville, et le lendemain feurent ouvertes toutes les portes de la ville et cité, et y entra tout homme quy voullut y entrer.
Le duc de Sombreset, quy estoit au palais, voyant la puissance du roy de France, requit qu'il parlast au roy, dont le roy feut content. Adoncques se partit du palais, accompagnié d'ung certain nombre deses gens et des héraulx du roy, lesquels l’accompagnèrent jusques à Saincte-Catherine-du-Mont de Rouan, où le roy estoit et son grand conseil, eten sa compagnie le roy de Cécille, le comte de Maine, et plusieurs aultres seigneurs de son sang, le patriarche d’Antioche , l’archevesque de Rouan, et plusieurs aultres prélats. Après que le duc eust salué et faict la révérence au roy deFrance, il le pria qu'il luy pleust queluy,leseigneur de Tallebot, etaultres Anglois, s’en peussent aller seurement, jouissants de l'absolution, ainsy que ceulx de Rouan l’avoient faict, et avoit esté ordonné et accepté par ceulx de son grand conseil. Le roy de France respondit : que la requeste n'estoit point raisonnable , et qu'il n'en feroit rien ; car ils n’avoient voullu tenir le traictié, appoinctement et absolution dictes, ne rendre le palais et le chastel ; ains les avoient tenus, etencoires tenoient contre sa puissance, son gré et vollonté ; et sy n’avoient voulu consentir que ceulx de Rouan luy rendissent sa ville, mais résisté à leur pouvoir. Et pour ces causes, devant qu’il partist du palais, luy rendroient Honfleur, Harfleur, et toutes les places du campestants ès mains du roy d'Angleterre. Sur ces parolles, le duc s’en retourna au palais, regardant parmy les rues tout le peuple portant la croix blanche, dontiln’estoit pas joyeulx; et feut convoyé par les comtes de Clermont et d'Eu.
