CHAPITRE XIX

Comment le roy de France feit mectre le siége devant le palais de Rouan, et comment le palais lui feut rendu.

Après que le duc de Sombreset se feust parti du roy, le roy commanda mectre le siége devant le palais; lequel y feut mis du costel devers les champs, où le roy envoya grand nombre de gens de guerre, hommes d’armes et de traict; puis feit faire de grandes tranchis tout autour d'icelluy palais, tant aux champs comme en la ville; et feurent assis touts les bombardes et canons au-devant de la porte du