CHAPITRE XII

De la mort du pape Pius; et conunent le bastard de Reubempré feut prins en Hollande; ct comment le scigneur de Haplincourt ct Raoul de Flavy feurent bannis du royaulme,

Le quinziesme jour d’aoust, l’an dessusdict mil quatre cents soixante-quatre, cloist son dernier jour le pape Pius; et disoit-on que à l’heure de sa mort, autour de Rome et ailleurs, les vignes,

(1) Estropié,

les arbres et aultres biens de terre feurent fouldroyés par tempeste d'orage; et mourut icelluy pape, comme on disoit, de mort diverse, et en grand dangier pour son ame, et en parloit-on en maulvaise manière. Et aussy au vray dire, au temps dudict pape Pius et devant, tout alloit très mal en l'Eglise, car les bénéfices estoient donnés à la requeste des princes et seigneurs ou par force d'argent; et avoit ung cardinal ou ung évesque plusieurs bénéfices. Par espécial les cardinaulx tenoient en commanderie vingt ou trente que évesquiés, que abbayes, que priorés conventueulx, et n’y avoit nul prélat esleu par les colléges ou couvents; plusieurs fils de prince on faisoit archevesques ou évesques sans estre prestres, et tenoient abbayes en commanderie, Et en ce temps le plus des gents d’Eglise, des grands jusques aux moindres, mendiants et aultres, estoient sy abandonnés et oultrageulx en orgueil, luxure et convoitise, qu’on ne polroit plus dire; en ce passoient oultre mesure toutes gents séculiers. Après la mort du pape Pius, feut pape Paulus second.

Environ ce temps, en la ville de Paris, feurent bannis à son de trompe, duroyaulme de France, Jehan, seigneur de Haplincourt, chevalier, et messire Raoul de Flavy,chevallier ; et ledict seigneur de Haplincourt estoit de l’hostel du comte de Sainct-Pol, et se tenoit avecq le comte de Charrollois.

L'an dessusdict, au mois de septembre, le roy cstant à Abbeville en Ponthieu, et le duc de Bourgoingne à Hesdin, d’ung port de mer quy s’appellele Crotoy, en unegallée avantageuse se partit le bastard de Reubempré, avecq luy environ cinquante hommes, lesquels allèrent en Hollande en une ville quy s’appelle la Haye, en laquelle estoit le comte de Charrollois. Et comme ils y feuissent, ou assez près d’illecq, ils se tenoient en secrets lieulx sanseulx monstrer, excepté le bastard quy estoit bien cognu à la cour du comte, car il y avoit esté nourry. Lequel bastard illecq estant, enquesta moult de l’estat du comte, et s’il n’alloit pas esbattre du vespres, et quand il alloit à la chasse s’il y failloit grande compagnie. Et tant en demanda que par soupcon feut prins et mené devers le comte, auquel il confessa ce qu’il avoit intention de faire. De laquelle confession on ne peut rien scavoir au vray, car le comte ne volt pas que on le sceust ; et feit mectre le bastard en forte prison et bien

garder. Toutesfois la commune renommée feut partout, et disoit-on publicquement, que le bastard estoit allé en Hollande pour cuider prendre le comte de Charrollois et le mener devers le roy de France; mesme disoit-on que, s’il ne l’eust peu prendre, il le debvoit occire s’il pooit.

Après la confession du bastard, le comte feit prendre touts ceulx quy estoient venus avecq le bastard, lesquels assez tost après il feit délivrer, reservés deulx, avecq basteau ct maronnier{, lequel, comme on disoit, scavoit la cause de leur venue. Le comte de Charrollois envoya prestement au duc son père dire ces nouvelles, avecq la déposition du bastard, dont le duc feut moult esbahy et troublé; aussy feurent touts ceulx de sespayset mesmeen France, et doubtoit-on fort la guerre. Le duc pour ce ne sc partit encoires de Hesdin, ny le roy d’Abbeville, où il s’estoit tenu bien longuement.

Et durant le temps que le roy estoit illecq et environ, et le duc à Hesdin, à peu scavoit-on comment aller parles champs sans grande compagnie, au pays de Picardie ne environ Hesdin, pour les meurdres et larcins que on y faisoit, et sy n'en faisoit-on nulle justice. Environ ce temps, environ Bonnières, ung villaige autour de Hesdin, ung bon labourier feut trouvé de trois compagnons, lesquels le desrobbérent ; ct ainsy qu'il s’estoit mis à genoulx pour leur crier mercy, l'ung d’eulx par derrière d'ung bracquemart luy coppa la teste toute jus des espaules. En ce temps aussy, en la forest de Senlis, deulx josnes escoliers de la ville de Roye feurent meurdris et desrobbés par trois compagnons, dont les deulx feurent prins et pendus; le tierce eschappa et s’en alla à Cambray, dont il estoit ; auquel lieu assez tost après il feut pendu.