CHAP. XI
qu'il avoit sur Tournay; et plusieurs aultres requestes feit au duc, dont il ne luy baillia quelque response, pour ce qu'elles ne luy plaisoient pas. |
Mais le duc luy requit trois choses :
La première, qu'il olt son fils en sa bonne grasce et pour recommandé, duquel, comme il avoit entendu, il n’estoit pas bien content.
La seconde, qu’il se volsist desporter de constraindre les nobles hommes, quy tenoient mesmement du roy de France aulcunes terres, et sy en avoient tenues de luy, à faire aultre serment que les nobles hommes avoient accoustumé de faire ; desquels il avoit jà voullu constraindre aulcuns de faire serment de non jamais servir aultres que les roys de France.
La tierce, qu’il volsist faire ce qu’il debvoit faire par le traictié d'Arras, comme promis il luy avoit quand il luy rendit les terres de Picardie, dont encoires n'estoit riens faict ny apparence de faire.
Aulxquelles requestes le roy ne respondit riens, comme on disoit, mais se partit dudict Hesdin le lendemain, et tira vers Rouen, où il feut certain temps; le duc le reconvoya bien demy-lieue.
Environ la fin du mois de juillet, le roy revint à ung villaige nommé Nouvion, assez près de Hesdin, auquel estoit encoires lediot duc. Le roy setenoit audict Nouvion sans venir à Hesdin, nyleduc vers luy ; mais le seigneur de Croy alloit souvent parler au roy et revenoit à Hesdin.
Environ ce temps, Jennet d'Ossay, cappitaine du comte de Nevers, par mandement du comte, et accompagnié de ses archiers, en ung villaige nommé D yenast en la comté deSaincet-Pol, print prisonnier ung gentilhomme nommé Jehan de l’'Estoire, fils et héritier du seigneur de Dyenast, et le mena au chastel de Péronne. Icelluy Jehanestoit ung des beaulx hommes qu’on peult voir, grand, fort et hardy, maisil avoit faict plusieurs crimes et maulx en homicides, desbats et aultres meschantes entreprises. Il avoit tué ung sien homme de fief, quy le tenoit pour bon amy, pour cequ il luy avoitrefusé l'argent d’ung cheval ; il avoit esté banny du royaulme, et ses biens confisqués par plusieurs fois ; mais son beau-père, quy avoit espousé sa mère, nommé Guillaulme de Cuincy,luy avoit faict tousjours sa paix et ravoir ses biens et héritages, combien que plusieurs fois icelluv Jehan lavoit
cuidé tuer. Icelluy Jehan tenoit une garce dont il ne se pooit desfaire et n’estoit point marrié. Et comme il avoit accoustumé d'aller souvent au chastel de son beau-père. ung jour après Pasques, l'an soixante-quatre, après disner, vint audict chastel; etcomme Guillaulme son beau-père s’appuyoit à une fenestre, frappa d’ung grand coustel sur ledict Guillaulme, et luy cuida fendre la teste, mais il faillit et frappa sur son espaule. Quand Guillaulme sentit ce, il vuida de la chambre, et en vuidant il le navra en plusieurs lieulx ; et feut constrainct ledict Guillaulme de saillir de son pont en l’eau de ses fossés, ou aultrement il l’euist tué. Icelluy Jehan avoit beaucoup de maulvais garcons dessoubs luy quy faisoient moult de maulx, etluy avecq eulx; et quand il avoit faict quelque grand mail, il fai. soit l’homme comme hors de sens et de raison. Guillaulme feut en grand péril de mort; il ne mourut pas, mais il demoura affole ! comme on disoit.
Icelluy Jehan mené à Péronne, comme dict est, ses amis doubtants que le comte de Nevers ne le feist mourir, feirent tant que le duc de Bourgoingne le feit amener à Hesdin ; lequel y venu, et son information veue, avecq moult de plaintes de luy,etouis cculx quy requéroient justice pour ses desmérites, par le conseil dudict duc feut condampné à mort ; ne pour quelques prières que ses amis feissent au duc, icelluy duc ne voullut différer, ains voullut qu'il feust pendu ; et voult qu’il feust mené par ung dimanche, cinquiesme jour d’aoust, publicquement par la ville au gibhet de Hesdin; et illecq feut pendu et estranglé, ct y pendit environ cinq heures. Durant lequel temps ses amis feirent tant vers le duc, que les Frères Mineurs de Hesdin, avecq plusieurs chevalliers et escuyers , le vindrent quérir au gibbet de Hesdin et le feirent despendre, et l’accompagnèrent jusques à l’église desdicts Frères Mineurs, où il feut enterré.
