LIVRE V, CHAP. XIV

iln’y avoit voullu venir jusques lors, et que encoiresn’v estoit point venu sans saulf-conduict. Et couroit la renommée que luy, le duc de Bretaigne et le comte de Charrollois avoient alliance ensemble, telles que sy on vouloit mal a lung les aultres l'aideroient.

Le neufviesme jour d'octobre milquatrecents soixante-quatre, le duc de Bourgoingne receupt lettres du roy, contenants qu’il le venroit veoir à Hesdin le lendemain. On disoit aussy que, ce propre jour, le duc receupt, luy estant à son disner, deulx lettres venant de Hollande, de par son fils, par lesquelles il luy rescripvoit qu'il n’estoit pas bien à Hesdin. Pour lesquelles choses, cestuy propre jour, prestement que le duc olt disné, il monta à cheval, et assez à petite compagnie et soudainement il se partist de Hesdin et s’en alla au giste à Sainct-Pol; et tantost tout chascun de sa cour alla après luy; et commanda aussy que on amenast tout son carroy. De Sainct-Pol il alla à Lille; et laissa à Hesdin, pour garder la ville et le chastel, son nepveu Adolphe de Clefves et le seigneur de Créquy, aulxquels il chargea que, sy le roy y venoit, que on luy fcist ouverture par toute la ville et au chastel. Icelluy partement du duc venu à la cognoissance du roy, assez tost après il se partit d'Abbeville et s’en alla en la ville de Rouen en Normandie; le duc de Bourhon aussy, tantost qu'ilsceust le partement de son oncle à Lille, où le duc le festoya haultement; et d’illecq alla le duc de Bourbon à Gand, où le comte de Charrollois estoit, quy luy feit grande chière, et là feut aussy grandement festoyé.