CHAPITRE XIV

Comment le roy manda, des pays ct villes racheptées et aultres pays, aulcuns députés, pour culx remonstrer qu’il estoit déplaisant de la renommée quy couroit du comte de Charrollois, et pour faire le comte de Nevers cappitaine de Picardie.

Le roy venu à Rouen, il rescripvit à ceulx de Tournay, ceulx de la cité d'Arras, Mortaigne, Noyon, Lens, Amiens, Cambray, Abbeville, Montreuil, Sainct-Quentin, et toutes les villes par luy racheptées au duc de Bourgoingne, que ilsenvoyassent devers luy aulcuns députés. Lesquels y envoyèrent touts, réservé Cambray.

Aulxquels, par maistre Pierrede Morvilliers, son chancellier, il feit remonstrer : comment ilavoit entendu que par les pays du duc de Bourgoingne

et par aulcuns lieulx de ses pays, la renommée couroit qu'il avoit envoyé le bastard de Reubempré et ses complices en Hollande, pour cuider prendre le comte de Charrollois et l'amener deversluy,dont il n’en estoit riens. Mais bien estoit vray que, combien que le duc de Bretaigneluy eusist faicthommaige,comme faire debvoit, de sa duché, sy ne obéissoit pas bien à luy et se fortifioit contre luy; et de faict avoit sceu qu’il avoit envoyé maistre Jehan de Renneville, son vis-chancellier, en Angleterre, vers ses anciens ennemis pour y avoir alliance, ce que faire ne debvoit ; car nul prince de France, sans son congié, ne debvoit envoyer ambassade vers ses ennemis. Laquelle chose venue à sa cognoissance, il avoit envoyé ledict bastard vers Hollande pour cuider prendre ledict vischancellier,lequel debvoit revenir par Hollande, et le amener devers luy; mais oncques ne avoit pensé de faire prendre le comte de Charrollois; et ce debvoit-on bien penser, car n’estoit chose à présumer que sy peu de gents euissent pu prendre ung tel prince quy n’est pas sans grande compagnie; et aussy ne l’eust daigné faire, veu les grands biens que le duc son père luy avoit faict; et s’il l'eust voullu faire, sy n’y eust-il jamais envoyé ledict bastard, quy n’estoit accompagnié que de pescheurs d’Abbeville. Dit encoires plus ledict chancellier : que le roy estoit adverty que,enla villede Bruges, ung prescheur avoit preschié publiquement, en laquelle il y a de toute nation du monde, que le roy avoit envoyé le bastard de Reubempré en Hollande pour cuider prendre et occire le comte de Charrollois, dont le roy estoit très mal content; et ne le pensoit pas ainsy laisser couller, sans punition de ceulx quy ce avoient faict dire.

Ces choses feurent ainsy remonstrées, présents les comtes d’Angoulesme, d’'Eu, de Nevers, le duc de Nemours, l’admiral de France et aultres grands seigneurs, avecq tout le conseil du roy. Après ce leur dit le chancelier : que le roy lesavoit mandés aussy pour eulx faire sçavoir, que il avoit ordonné le comte de Nevers son lieutenant et cappitaine général des villes racheptées dessusdictes, jusques à la rivière de Loire, affin que, s’ilse partoit, il demourast pour résister aulx entreprinses que pourroient faire les Anglois ses anciens ennemis; aulxquels il commandoit que au comte de Nevers ils obéissent comme à luy. Ce feut faict la nuict Sainct-

Simon, et le lendemain les députés s’en retournèrent,