CHAPITRE XVI
De la response que le comte de Charrollnis feil aulx ambassadeurs du roy, et comment les ambassadeurs, par toutes les villes de Picardie, au repasser, excustrent le roy de France des parolles quy couroicnt
Ce jeudy ensuivant, huict de novembre, l’an dessusdict, feurent par le duc de Bourgoingne mandés les ambassadeurs du roy ; et illecq, en sa présence, le comte de Charrollois son fils de sa bouche respondit à touts les poincts et articles que le chancellier avoit proposés, sy haultement et sy sagement, et sans soy troubler, que chascun se donna grand merveille du sens et de la prudence quy estoitenluy; etdit-on que, après l'assemblée despartie, que le duc dit à aulcuns de ses plus privés, que ilne cuidoit pas avoir un fils sy sage. Après la response rendue par le comte de Charrollois, comme dict est, se partirent les ambassadeurs du roy, sans ce que des choses qu’ils euissent requis leur feust rien accordé aultrement que dict est; et allèrent à Tournay, à Douay et en la cité d'Arras, à Dourlens, à Amiens, et ailleurs : en toutes lesquelles villes, en chascune ils assemblérent les trois estats et commune, en la présence desquels ils remonstrèrent : comment le roy estoit troublé et courroucié des parolles que on disoit de luy, touchant le faict du comte de Charrollois, et que oncques ne le pensa et ne l’eust voullu ne daigné faire; et certiffioient-ils avoir ouy dire au roy de sa bouche, et oultre plus leur avoit chargié le roy, comme il apparoit par lettres de crédence que ils monstrèrent, que ils requérissent aulx trois estats des bonnes villes par où ils passeroïent, quy n'estoient pas nucment à luy subjects, etcommandassent aulx subjects du roy: que se ils avoient en leur imagination que le roy eust voullu faire ce dont la renommée couroit, que ils les meis-
sent hors; et que sy aulcunsen parloient contre l'honneur du roy et luven bailliassent charge, que ils les feissent prisonniers et les envoyassent au roy, ou en fissent telle punition que le Cas requéroit. Environ ce temps, estoient revenus puis deulx, trois, dix ou douze, ou plus ou moins, la pluspart de ceulx quy estoient allés sur les Turcqs; et ne les voldrent les Italiens ny ceulx de Rome laisser passer ; ains leur donna le pape pardon de leurs vœulx, et de retourner. Et disoit-on qu'ils estoient allés des parties de chrestienneté et prins la croix, le plus à pied, sans argent et sans cappitaine, comme aultrement, le nombre de trois cents mille hommes; duquel nombre je n’en scay au vray, fors que la renommée en couruit.
