LIVRE V, CHAP,. XV

mainte fois avoit doubté et le mescreu, que il n’allast à aultres femmes que à elle. Et touchant cequ'ils avoient requis le bastard de Reubempré à ravoir, il leur dit : que il ne le rendroit pas, pourtant que il avoit csté prins au pays de Hollande, dont il estoit seigneur de la terre et de la mer, sans en recognoistre nul à gouverain que Dieu; et illecq ne avoit le roy que veoir ne que cognoistre, car c'estoit hurs de sa seigneurie. Et illecq estoit le bastard en justice, laquelle on luy feroit selon ses desmérites ou selon son innocence ; combien que c’estoit chose toute notoire, cognue par toutsses pays, èsquels le bastard avoit esté nourry, que ledict bastard ne valoit rien et estoit homme de male renommée, homicide et maulvais garçon. Et quant à ce que le roy requéroit l’escuyer quy rapporta les nouvelles, et les prescheurs quy avoient preschié, il respondit, quant aux prescheurs : que il estoit prince terrien et avoit à cognoistre des hommes séculiers et non de ceulx de l'Eglise, aulxquels il ne vouloit touchier ; et aussy c'est chose certaine, que plusieurs prescheurs sont peu sages et disent souvent des choses sans advis et sans commandement, et puis se partent des lieulx et s’en vont où bon leur semble, et ne scait-on qu’ils deviennent ; et sy, ne croit point queon l’eust oncques preschié. Au regard de l’escuyer : il dit qu'il estoit de l’hostel de son fils, et ne pensoit point qu'il eust fait chose que il ne deubst faire ne dire; et se aultre chose avoit faict, il s’en informeroit, et en feroit telle justice que il appartiendroit. Et quand vint a respondre à ce que le roy luy mandoit que il ne avoit pas tenu sa promesse, il se troubla ung petit , et dit oyants touts,assezhauliement : «Je veulx bien que chas- « cun sçache que je ne promis oncques chose de « ma bouche à homme quy vive, quejen’ay tenu « à ma possibilité. » Et, luy ung peu réparé, en riant dit :« Je ne feis oncques faulte, fors aulx « dames. Et veulx bien que vous sçachiez, et « vous prie que vous disiez à monseigneurleroy, « quequand je pris dernièrement congié à luy, je a luy dis voirement que, se ilne me survenoit au- «tres nouvelles nécessaires , que je avois pour « lors, ou que j'eusse aulcunes affaires quy requé- «rissent mon retour, jene me partirois point de « Hesdin sans prendre congié ou parler à luy #il « [uy plaisoit ; et aultres choses ne luy promis. « Or, advint-il que, à l’heurequejem’en partis, il

« m’estoit nécessité partir, tant pour certaines « grosses affaires quy me survindrent à coulp, «comme pour le faict du bastarddessusdict.» Ces parollesetault resdictes par le duc, lechancellier dit derechief au duc : que eulx touts ambassadeurs ne croyoient et ne cuidoient pas que, veu le grand konneur que il avoit tousjours porté au roy et à la couronne de France, etaussy l’ambassade que le roy luy avoit envoyée, telle que ses propresparentsle comted’Luet l’archevesquede Narbonne, aveceulx son chancellier, quyestoit la plus excellente que on peust envoyer, que ils s'en partissent sans ravoir du moins ledict bastard, considérés les biens et honneur que le roy luy avoit faict et monstré, et que sur ce se volsist conseiller. Le duc encoires sur ce leur respondit : que tout le bien, honneur et service que il avoit peu faire ne pourchasser au roy, il le avoit faict volontiers; mais de chose que au roy il euist requis oncques rien ne accorda, ne des choses que luy promist oncques il s’en estoit peu apperceu; et mesme quandil rachepta les terres de Picardie, le duc debvoit joyr desdictes terres sa vie durante; mais prestement qu’il olt receu les deniers, on luy cloist le pas de la jouissance; dont il ne luy challoit guières. À ces mots,ung très noble clercq natif de Bourvoingne,chevallier,;nommémaistrePierre Goux, ung des principaulx du conseil du duc commença à parler à ladicte ambassade, et dit en telle manière : « Messieurs, affin que chascun l’entende, « monseigneur le ducquy la est, netient pas tout « ce qu’ila du roy de France. Bien est vray qu’il « en tient la duché de Bourgoingne, la comté de “ Flandres et la comté d'Artois; mais a hors du « royaulme moult d’aultres belles seigneuries, « telles que les duchés de Brabant, de Luxem- « bourg, de Lembourg et de Loctriquet, avecq « les comtés de Bourgoingne, de Haynault, de « Hollande, de Namur et plusieurs aultres pays, « desquelles la pluspartil tient de Dieu tant seu- « lement.» Etlorsditlechancellier : que combien que il feust le seigneur de touts ces pays, sy n’estoit-ilpas roy. Quand le duc luy oyt dire, il respondit desa bouche, présents touts : «Je veulx « bien que chascun scache que,sy j’euisse voullu, « je feuisse roy.» Mais il ne dit pas de quel royaulme. Et aultre response ne leur respondit pour ce jour; mais il leur dit que plus ample

M“) Lothicrs,

response leur feroit rendre ains trois jours passés, et ainsy se despartirent. Et prestement cedict jour le duc envoya devers le roy Loys, par ung sien poursuivant, une lettre close adressant à la personne du roy, lequel estoit à Nogent emprès Chartres; lequel poursuivant ne mit que dix jours d’aller et revenir, et sy parla au roy ; et leut le roy les lettres; et par le poursuivant rescripvit au duc ; mais ce qu’il y avoit ès lettres de l’une partie ne de l’aultre, je ne SCaY.