LIVRE V, CHAP. XIX

florins, dont icelluy Jehan avoit bien affaire, car il estoit pauvre, combien qu'il euist esté riche, car il avoit despendu plus de cinq cents francs de rente, et plus d’or et d'argent qu'il ne pesoit.

Audict an, en la cité d'Arras, le cinquiesme jour de febvrier, feut battu de vergues ung josne compagnon de Brabant, de l’age de vingt ans, et banny de la cité, pourtant que lc jour de Nostre-Dame de la Chandelleur, en l'église de Nostre-Dame, en oyant messe, il print en la bourse d’ung homme, huchier* demourant à Arras, certain argent, comme il confessa ; et monstra comment il l’avoit faict.

En cest an milquatre cents soixante-quatre, il gela depuis le dixiesme jour de décembre jusques au quinziesme jour de febvrier ; et gella sy fort, par espécial sept où huict jours entiers, que le vin, le pain et aultres viandes s’engelloient à la table; et feurent plusieurs puits en la ville d'Arras engellés; il gelloit en celier, et en aulcuns lieulx jusques au fond des boves.

Brief il feit sy froid que plusieurs gents par les champs moururent de froid. Et disoient les anciens hommes que puis l’an mil quatre cents et sept, que lors il feut le plus grand hyver dont onavoit oy parler, il ne avoit sy fort gellé; et avecq les gellées feit grandes neiges; la rivière d’Oise et de Senne et aultres feurent engellées, et carioit-on sus comme en pleins camps.