CHAPITRE XIX
Des deulx bastards de Bourgoingne quy revindremt; et de l'ambassade que le duc avoit cuvoyée devers le roy, quy revint; et aultres choses.
Environ la fin de febvrier, Anthoine et Batlduin, bastards de Bourgoingne, revindrent du. voyage qu'ilsavoient cuide faire surles Turcqs, et entrèrent à Bruxelles; avecq eulx messire Simon de Lallaing , chevallier, le seigneur de Cohem et plusieurs aultres seigneurs et chevalliers, de retour du voyage de Turquie, entrèrent à Bruxelles; lesquels s’estoient partis avecq eulx pour aller combattre les Turcqs, ce qu'ils ne feirent; et feut leur voyage de petite value et peu d’efficace car ils ne feirent oncques chose digne de memoire. Combien que en plusiears lieulx par la mer, après eulx partis.de l’Escluse pour aller à Marseille, qu’ils passassent par les
(4) Layetier. (2) Caves.
pays des Turcqs, et passer les y convenoit, ny oltoneques riensfaict, comme il me feut certifié, quy soit digne de louange. Et ains qu’ils venissent à Marseille, plusieurs moururent de maladie. Et eulx arrivés à Marseille, où ils feurent plus de trois ou quatre mois, la mortalité se frappa tellement que de deulx mille qu'ils estoient, il en mourut de quatre à cinq cents. Et puis revindrent, comme dict est, et laisserent à Marseille toute leur artillerie et leurs harnas de guerre; et revindrent par Avignon, et par terre jusques à leurs lieulx.
Environ ce temps aussy, l’évesque de Tournay, le seigneur de Créquy et leur compagnie, que le duc de Bourgoingne avoitenvoyé devers le roy, feurent de retour ; et disoit-on, se ils ne feuissent allés vers lc roy, le roy estoit délibéré, quelque chose qu'il dist, d'entrer atout sa puissance de gents d'armes ès pays du duc de Bourgoingne; et ce pooit bien estre vray,par ceque cy-après apperra et sera dict. Et cuidoit bien le roy que le comte de Sainct-Pol le deubst servir, et cuidoit avoir traictié au duc de Bretaigne; mais les choses allèrent tout aultrement, comme cy-après sera dict.
Audict an aussy,ung compagnon nommé Colinet de la Vergne, natif de Sailly en Ostrevan, feut assailly entre la Rouge-maison etla Tuilerie, en la ville d'Arras, de trois, lung nommé Jehan le Vasseur, dict Faucquemont; le second, Ostevenet, dict Venet, et le tierce, Jehan Roguct ; lesquels se disoient estre à Jehan Longueval, d’avecq lequel ils estoient revenus du voyage de Turquie, environ quinze jours devant. Lequel Colinet fout par eulx tué ; et luy donna ledict Faucquemont le coup de la mort par-derrière ès espaules, que ledict Colinet ne s’en donnast garde, car il se revengea tellement que, se n’eust este le coup de Faucquemont, il s’estoit retiré à saufveté à la maison d’ung cordonnier en la Tuilerie. Icelluy Colinet du coup dessusdict chéit mort sans parler mot. Il estoit de haulte stature et moult bel josne homme. Et la cause pourquoy ils assaillirenticellu y Colinet, auleuns disoient que ce venoit à cause d'une fillette de joie : aultres disoient que c’estoit pour ce que Colinet se disoit aux enfants du seigneur de Neuville, entre lequel seigneur de Neuville et ceulx de Longueval ne avoit pas
(4) Nivelle.
bon amour. Après qu'ils olrent ce faict, ils s’en allérent aux Frères Mineurs à saulfveté : et les acecompagnièrent huictaultres compagnonsquy touts estoient audict Jehan de Longueval, et revenus avecq luy de Turquie; lesquels avoient esté aux desbats, mais ils n’y frappèrent point ; mais au besoing ils y euissent frappé, comme on disoit. Des Cordeliers ils se vindrent rendre à la cour de l’évesque, et feirent admonester la loy, comme illecq, combien que ung ou deulx les plus principaulx facteurs ne feussent pas clercqs, et des aultres aussy ; mais nonobstant l’admonestement, les facteurs feurent bannis et semons sur la teste, touts trois, de la ville d'Arras. Ce venu à leur cognoissance , la propre nuict, environ trois heures après nuict, touts onze ensemble rompirent prison, et s'en allèrent où bon leur sembla. Et disoit-on que l’'évesque n’en estoit pas courroucié, quelle semblance de courroux qu’il en monstroit , et nonobstant qu'il feist mettre les gardes des prisons prisonniers ; car Jehan de Longueval estoit bien son amy, et prochain parent du seigneur de Longueval, quy avoit espouseé la sœur de l’évesque.
