CHAPITRE XX
Comment le bastard retourna du voyage qu'il avoit entreprins,; et comment le duc de Bourgoingne feut malade à Bruxelles; el comment le scigneur de Croy, son frère Jchau de Croy, leurs enfants, et le seigneur de Lannoy, feurcnt débouttés de la cour et des pays du duc de Bourgoingne.
L'an de grasce mil quatre cents soixantequatre, jour de Quaresimaux, Anthoine et Baulduin, bastards de Bourgoingne, avecq eulx le seigneur de Cohem, messire Simon de Lallaing et plusieurs aultres, de retour du voyage de Turquie , entrérent en la ville de Bruxelles. Lesquels, comme dessus ay dict, s’estoient partis pour aller combattre les Infideles ; mais ils ne s’y comhattirent oncques; et feut leur voyage de petite efficace ; car combien que par la mer qu'ils passèrent, ils passèrent par moult de pays sarrazins et infideles, il n’y olt oncques faict valliance de guerre dont il doibve estre memoire ; et ne feirent que passer la mer et venir à Marseille, où ils séjournèrent plus de quatre mois, attendants se le pape venroit ou envoyeroit Ce que il avoit promis. Durant lequel temps mourut de quatre à cinq cents que nobles hommes, que aultres de leur com-
pagnie, par impédimie! et aultrement, de la maladie ; et ne voldrent les Italiens laisser passer les piétons croisiés oultre pays, pour la multitude quy estoit sans chief, sans cappitaine et sans argent le plus ; et mesmement donna le pape pardon et absolution des serments qu’ils avoient faicts, et congié de retourner en leurs pays; et feut du tout le voyage rompu.
Environ ce temps, le deuxiesme jour de mars, en la ville de Bruxelles, print au duc de Bourgoingne une maladie sy griefve que on espéroit mieulx sa mort quesa vie; en laquelle ville estoit le comte de Charrollois son fils; et n’y estoit pas le seigneur de Croy, ains s’estoit party environ trois semaines auparavant sa maladie. Icelluv comte, doubtant la mort de son père, etscachant que le seigneur de Croy, ses amisetalliés avoient le gouvernement du pays du duc son père, et par espécial de la ville et pays de Luxembourg, de Namur, de Boullenois, de Beaumont en Haynault et ailleurs, sans le sceu du seigneur de Croy, envoya renouveler les cappitaines des chasteaulx dudict Luxembourg, de Namur, de Bouloingne et Beaumont. Et par subtile manière, ce faict et sondict père retourné en santé, feit tant, quele huictiesme jour dudict moisde mars, par l’enhort d’aulcuns de son conseil et plusieurs nobles, feut content que sondict fils eust soubs luy le gouvernement de touts ses pays, dont le seigneur de Quievrain, fils aisné de messire Jehan de Croy, chambellan du duc, feut moult couroucié; et par son conseil le neufviesme jour dudict mois, le duc rassembla son conseil et révoqua ce qu’il avoit faictle jour de devant. Ce sçachant, son fils assembla son conseil, tel comme le comte de Sainct-Pol, le bastard de Bourgoingneet aulires, avecq la pluspartdu conseil de son père, et illecq dit : que plus il ne vouloit celler son couraige, ains voloit dire ce que piécà avoit eu volonté de dire; c'estoit que de ce jour en avant il faisoit scavoir à touts ses amis que le seigneur de Croy, les siens et touts ses alliés, il tenoit et réputoit mortels ennemis, en leur disant les causes, lesquelles aulcunes seront cy-après desclarées par lettres que le comte envoya publier par toutes les bonnes villes du pays de son père. Et ce faict, envoya prestement deulxou troischevalliers, et feit scavoir au seigneur de Quievrain, lequel en la sei-
(1) Epidemie.
