LIVRE V, CHAP. XX

pays de mondict seigneur et père, ledictseigneut de Croy a esté, n’a guières de jours, en la ville de Namur, en laquelle et au chastel d'illecq il 4 cuidé boutter et mettre grand nombre de gents d'armes, feignant et prenant couleur que ce estoit contre les Liégeois; à quoy, Dieu mercy! il a failly,car les bonnes gents de ladicte ville, scachantset cognoissants la fin à quoy il tendoit, ne le ont point voullu souffrir. Et quandil a ce veu, il s’en est party et s’en est allé à la ville de Beaumont en Haynault, auquel lieu et au chastel d’illecq il a pareillement voullu mettre gents d'armes; mais ceulx de la ville ne le ont voullu souffrir. Et d’aultre part a, puis peu de temps en cà, faict venir devant la ville de Luxembourg le duc Loys de Bavière, comte de Valence son beau fils, ou aulcuns de parledictduc, atout grand nombre de gentsde guerre, poursoy cuyder faire maistre d’icelle ville et chastel de Luxembourg ; ce qu’il euist faict, se provision n’y euist esté mise avant sa venue. Finablement, ledict seigneur de Croy et ses frères, par toutesles voyes et moyens quy leur ont esté et sont possibles, mescognoissants, comme ingrats, les grands et excessifs biens et honneurs qu’ils ont receus de mondict seigneur et père leur seigneur et prince, ont contendu et contendent journellement à mettre à totalle ruine, au moings en dangier de guerre ou de grands inconvénients, les pays où seigneuries de mondict seigneur et père, et le bon et léal peuple habitants et résidants en iceulx. Toutes lesquelles choses par nous considérées, ayant pitié du pauvre peuple, désirant et voullant de tout nostre cœur, sans plus nulles dissimulations, pourveoir et remédier à ce que, parle moyen et à cause dudict seigneur de Croy et des siens, auleun scandalle, inconvénient ou dangier ne advienne aulxdicts pays et subjects de mondict père, faisons garder soigneusement et seurement lesdicts chasteaulx de Namur, de Luxembourg et de Bouloingne, pour en servir mondict seigneur et père, et tenir ses pays en seureté seurement, et non à aultres fins. Et aussy puis aulcuns jours en-cà, avons supplié et requis en toute humilité mondict seigneur et père, que son plaisir feust de nous donner audience de parler à luy, affin de lay pooir remonstrer et déclarer les choses dessusdictes, avecq nostre bon desir, voulloir et intention sur icelles. Et pour ce que ne avons encoires peu parvenir à ladicte audience avoir,

nous avons despuis faict devers nous assembler ceulx de son sang, avecq touts les chevalliers et escuyers et gents de conseil notables de son hostel et du nostre, estants présentement en ceste ville; aulxquels bien au long avons remonstré et donné à cognoistre les choses avant dictes, et comment nous estions et sommes Concluds de terminer, et délibérés de pourveoir, à l’aide de Dieu, aulx inconvénients apparents à venir, à fin telleque mondict seigneur et père demoure entier en sa seigneurie, et nous après luy. Pour laquelle garder et entretenir nous voullons mettre et exposer corps et biens, et demourer son très humdile et très obéissant fils, sans entreprendre aulcun gouvernement, fors autant et sy avant que son plaisir sera nous en baillier; en leur déclarant que, pour nous mieulx employer à le servir et obéir, comme bon et obéissant fils est tenu de faire, nostre intention est de continuellement nous tenir doresnavant emprèsluy eten son hostel, sans souffrir à nostre pooir que icelluy seigneur de Croy ne les siens, lesquels tenons et réputons pour nos ennemis, ayent plus de gouvernement emprèsluy en sondict hostel ny en ses pays, comme ils ont eu par cy-devant jusqu’à présent; leur déclarant aussy que, au regard des aultres bons et loyaulx officiers, conseillers, serviteurs et subjects de mondict seigneur et père, nous les tenons et réputons touts nos bons amis, et les aimons et chérissons comme les nostres propres, et que se le temps passé ils le ont bien et loyaulment servy, ils veuillent cncoires continuer et persévérer de bien en mieulx au bien de luy et de sesdicts pays, et de nostre part entendrons libéralement, soingneusement et de bon cœur à faire et exécuter tout ce qu’il luy plaira par bon advis et conseil nous commander et ordonner, en leur requérant que touts volsissent avoir regard et considération à nostre bon, loyal et entier voulloir, sans de cy en avant porter, aimer, soustenir ne favoriser en aulcune manière lesdicts seigneurs de Croy, nelessiens, lesquels, comme dict est, nous tenons et réputons nos ennemis; ains nous aident conformément en tout ce que polrions avoir à faire pour la garde, deffense et préservation desdicts pays de mondict seigneur et père. Laquelle nostre requeste touts ceulx quy estoient à l’assemblée dessusdicte ont libéralement accordée et octroyée. Despuis ces choses, le seigneur de Quievrain,nepveu

dudict seigneur de Croy, s’est party de ceste ville ; dont mondict seigneur et père a esté mal content, et s’est à ceste cause aulcunement meu et troublé allencontre de nous. Mais, au plaisir de nostre seigneur et à l’aide de bonne remonstrance de ses bons et léaulx conseilliers, nous espérons tellement faire qu'il se contentera et appaisera. De toutes lesquelles choses, très chiers et bien amés, vous advertissons par ces présentes comme nos bons et léaulx amis, aulxquels nous voulions et désirons plainement ouvrir et manifester le secret de nostre pensée, et affin que scachiez la pure vérité des choses ainsy qu’elles sont advenues, vous priant et requérant très acertes, très affectueusement et de cœur, que vous ne veuilliez recepvoir ne donner faveur aulxdicts de Croy ne à leurs alliés, tenants ne quy tiendront leur partie, ainçois en faictes comme des ennemis de nous et de mondict seigneur et père, et que ne veuilliez ajouster foy aux rapports, lettres ne escriptures que l’on vous polroit faire au contraire des choses dessusdictes:; car nous voullons et désirons de tout nostre cœur aider, servir, honnorer et obéir mon avant dict seigneur et père, et en toutes facons et manières à nous possibles, ainsy quetenus y sommes et avons faict jusques à ores; ne jà ne ferons, à Dieu plaist! chose aulcune dont par raison ait ne doibt avoir cause d’estre mal content de nous; ainçois, sans entreprendre sur sa personne, sur sa seigneurie, ne sur le gouvernement d’icelle, nous employerons de tout nostre pooir en corps et en biens à la bonne garde, seureté et préservation desesdicts pays et subjects, enverset contre touts quy parforcier ou advanchier se voldroient de les grever, fouler, invader ou endommaigier en quelque manière que ce soit. À quoy vous prions et requérons aussy très cordialement nous voulloir servir, aider et assister au mieulx que possible vous sera, se mestier en avons, commenous y avons parfaicte fiance. Trèschiers et bien amés, le Sainct-Esprit vous ait en sa bonne grasce.

Escript à Bruxelles, le vingt-deuxiesme jour de mars mil quatre cents soixante-quatre; signé CHARLES.

Et desseure les lettres avoit escript : de par le comte de Charrollois, leseigneur de Chasteau- Belin et de Béthune. »