CHAPITRE XXI

Comment le duc de Berry, frère au roy Loys de France, s'en alla en Bretaigne sans le congié du roy.

Eaviron le commencement de mars, l’an dessus, soixante-quatre, en la propre sepmaine que le duc feut troublé à son fils, et que le seigneur de Quievrain se partit de Bruxelles, lequel seigneur de Quievrain avoit esté bailly de Haynault, et estoit reputé pour un josne homme très sage et grand historien, Charles, duc de Berry, seul frère du roy de France, agié de dix-huict ans, que le roy Loys son frère tenoit avecq luy assez simplement et en peu d’estat, ne luy bailliant sy grand estat qu’il avoit accoustumé tenir durant que le feu roy son père vivoit, ainsy comme le roy s’estoit party de Poiticrs et allé en pélerinage assez près dudict Poitiers, feit semblant d’aller à la cachet, luy dixiesme ou environ ; et hastivement, au plustot qu’il peut, faisant rompre les ponts par où il passoit, de doubte que il ne feust suivy, s’enalla devers le duc de Bretaigne, avec lesquels duc de Berry et de Bretaigne, on disoit que les ducs de Bourbon et Calabre, et lecomtede Charrollois et aultresseigneursdusang de France estoient alliés. Icelluy partement du duc de Berry venu à la cognoissance du roy son frère, le roy feut moult dolent et courroucié ; et manda par toute France aulx villes et forteresses, que on feuist sur sa garde, et feist-on bon guet ; et mesmement rescript aulx villes et pays racheptés au due de Bourgoingne : que les deniers que il avoit demandé de nouvel, oultretoutesaultres debtes, et qu’onluy avoit accordé payer, il leur quittoit.