CHAPITRE XXIIT
La teneur d'une lettre que Charles, duc de Berry, seul frère du roy Loys de France, envoya au duc de Bourgoingne ; et comment Jacques de Sainct-Pol revint d'Augicterre.
Environ ce temps, Charles, duc de Berry, seul frère du roy Loys de France, envoya au duc de Bourgoingne une letire dont la teneur s'ensuit :
« Très chier et très aimé oncle, je me recommande à vous, tant comme je puisse. Jl vous plaise scavoir, que, puis aulcun temps ença, j'ay ouy souventesfois les clameurs de la pluspart des seigneurs du sang, mes parents et aultres nobles hommes de ce royaulme en touts estats, du désordre et piteulx gouvernement quy par tout icelluy a cours, par le conseil de gents estants autour de monseigneur, plains de toute mauvaiseté et iniquités, lesquels, pour leurs prouffits et affection singulière et désordonnée, ont mis monseigneur en souspecon et haine vers vous, moy et touts les seigneurs dudict royaulme, mesme versles rois de Castille et d’Escoce, alliés despuis sy long-temps à la couronne, que chascun scait. Au regard comment l’auctorité de l'Eglise a esté gardée, et justice faicte et administrée, les nobles maintenus en leurs droits de noblesse et usage, le povre peuple supporté et gardé d’oppression, ne vous en rescrips plusavant, car je scay que assez en estes informé. Et moy desplaisant des choses dictes,ainsy que doibsestre,commeicelluy à quy ce faict touche de sy près que chascun sçait, et désirant y pourveoir par le conseil de vous, desdicts seigneurs et parents et aultres nobles hommes, quy touts ont promis me aider et servir, sans y espargnier corps ne biens aubien du royaulme et de la chose publicque d’icelluy, aussy pour saulver ma personne que je sentois
en dangier, car incessamment et ouvertement mondict seigneur et ceulx d’entour de luy parloient de moy parolles telles, que par raison me debvoient donner cause de moy doubter, je me suis party d’avecq mondictseigneur,et venu vers mon beau cousin de Bretaigne, lequel me feit sy bon et louable recoeuil, que assez ne m'en scaurois louer ; et est résolu de me servir de corps, biens et de toute sa puissance au bien dudictroyaulme et dela chose publicque. Et pour ce, très chier et très aimé oncle, que mon intention est de me employer avecq vous et lesdicts seigneurs mes parents, par le conseil desquels je veuilleuser, et non aultrement, à la rescousse et adresse dudict royaulme désolé, et que jescay que estes des plusgrands de ce royaulme, à quy le bien et le mal touche bien avant, et doyen des pairs de France, prince renommé d'honneur et de justice, ainsy qu’il appert par vos grands faicts, conduictes et entretenement de vos grandes seigneuries, scachant que le désordre dudict royaulme vous a despleu et desplaist, comme raison est, désiré-je de tout mon cœur avecq vous et les aultres seigneurs mes parents et amis nous assembler, affin de pourveoir, par conseil de vous et d’eulx, à tous les faicts quy, par deffault d'ordre, justice et pollice, sont aujourd'huy en tous les estats dudict royaulme, et au soulagement du povre peuple quy tant a porté que plus n’en poeut, et mettre tel ordre en touts endroits qu'elle puist estre à Dieu plaisante , et à l'honneur, félicité et bien dudict royaume, et à rétribution d'honneur et louable mémoire perpétuelle de touts ceulx quy y seront employés. Sy vous prie, très chier et très aimé oncle, que en ceste matière quy est sy grande, et pour sy bonne fin, vous plaise monstrer et assister et vous employer, et aussy faire employer mon beau-frère de Charrollois, vostre fils, en mon aide, comme je me suis toujours confié que ainsy le ferez. Et affin que vous et moy puissions ensemble, quy est chose que plus désirons, pour ceque mon intention est de brief et incontinent entrer en pays et tenir les champs, avecq les aultres princes et seigneurs quy me ont promis me ÿ accompagnier et aider, je vous prie qu’il vous plaise à mettre sus et tirer de vostre pays vers France ; et au cas que faire ne le polriez, y veuilliez faire tirer mondict beau-frère de Charrollois , avecq bonne puissance de gents ; et avecq ce envoyer
et faire venir devers moy aulcuns de vostre conseil féables, pour estre et adsister pour vous à ce que les aultres seigneurs du sang adviseront estre à faire pour le bien dudict royaulme, et par lequel polriez tousjours estre informés de ma bonne et juste intention, laquelle, par vous et lesdicts seigneurs du sang je veulx conduire, et non aultrement. Et ce quy par mondict seigneur beau-frère en vostre absence sera faict et diet pour le bien de la chose publicque et du royaulme et soulagement du povre peuple, je le soutiendray et maintiendray jusques à la mort, et de ce povez estre bien certain. Très chier et très aime oncle, faictes-moi tousjours sçavoir s’il est chose que pour vous puisse, et je le feray, priant Dieu qu’il vous donne bonne vie et ce que vous désirez. Escriptes à Nantes en Bretaigne, le quinziesme jour de mars. Et la subscription estoit : Vostre nepveu, CraRLes. Et l'intitulation : À mon oncle, duc de Bourgoingne. »
Environ ce temps, Jacques de Sainct-Pol, lors frère du comte de Sainct-Pol Loys, retourna d'Angleterre devers le comte de Charrollois à Bruxelles. Et disoit-on que la principale cause pourquoy le comtel’avoit envoyéen Angleterre estoit pour avoir alliance et aide du roy Edouard, sy besoing estoit, contre ses ennemis ; Car le comte estoit adverty que Loys, roy de France, avoit cuidé avoir paix et alliance audict Edouard, pour luy nuire et à aulcuns seigneurs de France. Et ceste paix et alliance avoit cuide faire le seigneur de Lannoy ; lequel, comme cy-dessus est dict, avoit esté envoyé en Angleterre de par le roy Loys et le duc de Bourgoingne. Mais le roy Edouard n’y volt entendre, ains envoya au duc de Bourgoingne les lettres que le roy Loys luy avoit envoyées et escriptes, et ce que le seigneur de Lannoy avoit voullu faire, ainsy que on disoit; dont le duc feut moult esbahy. Le roy Edouard avoit faict grande chière audict Jacques et à sa compagnie; ct disoit-on que ledict roy Edouard luy avoit promis de secourir et aider le comte de Charrollois, sy mestier en avoit, de gents de guerre et aultrement.
Cedict an, vingt-deuxiesme de mars, feut condampné d’estre ards, comme feut , en la ville d'Arras, ung nommé Nicaise, demourant à Remy en Artois, et une genisse avecq luy, avec laquelle il avoit commis le mauldict pes-
