LIVRE V, CHAP. XXIIL
chié contre nature, nommé bougrerie, lequel peschié il confessa avoir commis et continué l'espace de trente-six ans; et sy estoit marrié, ayant femme et plusieurs enfants.
Copie de une letire que Loys, roy de France, envoya au duc de Bourbon, quy avoit cspuusé sa sœur.
« Mon frère, lundy je partis matin pour aller faire mon voyage à Nostre-Dame-du-Pont; et dès que je feus party, demie heure après, mon frère de Berry se partit sans mon sceu, et [uy emmena Odet d’Aydie, et est allé en Bretaigne. Ne say quy l’a meu à cecy ; et s’il a bien faict il le trouvera. Je vous prie que, sur tout le plaisir et service que jamais me volez, que, incontinent ces lettres veucs, montez à cheval et venez vers moy, et que ne veuilliez faillir. Et vous prie que faictes mettre cent lances de vostre pays sus, et laisserez le bastard pour ce faire, et vous en venez incontinent ; et quand vos gents seront prests, je vous feray payer. Et adieu. Escripte de ma main, et croyez Josselin de ce qu’il vous dira de ma part. Ainsy signé, Loys. »
Copie des lettres que le duc de Bourbon rescript au roy eu response à ses lettres.
« Mon très redoubté et souverain seigneur, je me recommande humblement en vostre bonne grasce. Et vous plaise scavoir, montrès redoubté et souverain seigneur, que j'ay receu vos lettres, qu’il vous a pleu moy rescripre de vostre main, par Josselin du Bois, porteur de ceste ; et oys bien au long la créance que sur icelles il m'a dict,contenant en effet comme n’a guières, en allant en vostre voyage de Nostre- Dame-du-Pont, avez sceu comme monseigneur de Berry, vostre frère, s’en estoit allé avecq Odet d'A ydie, en Bretaigne, sans vostre sceu ; et pour Ce que avez grande et singulière confiance en moy, requérez que incontinent volsisse partir pour aller devers vous, et laisser mon frère le bastard de Bourbon, pour mettre sus cent lances en mon pays, pour tirer après, et faire ce qu’il seroit advisé. Donc, mon très redoubté et souverain seigneur, du bon voulloir et fiance que avez en moy, je vous remercie tant et sy humblement que faire je puisse. Et pour vous advertir et faire scavoir tout à plein, mon très redoubté et souverain seigneur, les motifs, causes et raisons, tant de l'allée in-
cognue de mondict seigneur de Berry, comme des aultres choses présentes quy sont à ceste heure , comme je crois, divulguées, tant en plusicurs parties de vostre royaulme comme dehors: par loing temps ont esté considérées et pesées, et généralement par touts les seigneurs, princes de vostre sang et lignaige quy ont terres et seigneuries ès pays de vostredict royaulme , auquel ils ont bonne part chaseun en son endroict , les facons quy ont esté trouvées, tant au faict de la justice, police et gouvernement d’icelluv, que aulx grandes extrémités et excessives charges du povre peuple ; lequel oultre, nous princes et seigneurs dessusdicts, chascun en droit soy, avons veu et cognu plaindre, douloir et souffrir, et soustenir charges, vexations et molestes importables, et par sus toute ordre et facon deue et accoustumée. Dont plusieurs fois, despuis vostre advénement à la couronne, par plusieurs d'entre nous et nos subjects , tant en géneral que en particulier, vous ont esté faites des remonstrances, et à ceulx qu’il vous a pleu élever et approcher entre vous, ayants le maniement ct conduicte desdictes choses; lesquelles remonstrances, requestes et complainctes estoient, ont esté et sont dignes d’estre ouyes, et que provision y feust donnée, pour le bien, Putilité et conservation de la chose publicque de vostre royaulme, et aussy pour l’estat desdicts seigneurs et princes de vostre sang ; aulxquelles choses, jusques à présent, n’a este vostre plaisir aulcunement entendre, donner oreille ny provision, ordre ny police raisonnable, comme ce et aultres choses, lesquelles ont esté par cydevant faictes et conduictes par vostre plaisir, vollonté et tolérance, au moyen d’aulcuns quy sont entour vous, quy, par cy-devant, ne ont guières cognu, comme il appert, le faict et l’estat de vostredict royaulme, lequel a esté sy longuement prospérant en bonne justice, tranquillité et police ordinaire, quy ont esté toutes claires et manifestes, tant en vostre royaulme que ailleurs. Pourquoy, mon très redoubté seigneur, lesdicts princes et seigneurs touts ensemble, d’une voix commune et consentement, de pitié et compassion du povre peuple à eulx subject, la clameur et oppression duquel, en touts les estats, est parvenue à leurs oreilles : après ce que ont veu etcogneu que, par remons-
. ait sur ce faictes, n’avez voullu donner ordre,
remède ne provision convenable, ont conclud,
délibéré, et par seing et scellés authentiques, : tels qu’il appartient en tels cas, de eulx trouver
et mettre ensemble, pour vous remonstrer et
| donner à cognoistre par une voix, telle que
Dieu, raison et équité leur enseigne, les choses dessusdictes, pour y donner doresnavant bonne ordreet provision, aultre qu’il n’y a eu despuis que la couronne de France est en vos mains; et en quoy espérons touts, à l’aide de Dieu nostre Créateur, quy cognoist et scait toutes intentions , faire œuvre quy à vous, à vostredicte couronne, et à toute la chose publicque de vostredict royaulme, sera prouflitable et utile, et aulx princes et seigneurs de vostre sang honnorable et digne de recommandation et mémoire perpétuelle. Et quant à ce, mon très redoubté et souverain seigneur, que m’escripvez, que j'aille vers vous, en quoy me semble, par la face de vos lettres, que estes non adverty de ces choses que vous escrips, le cas à présent ne le requiert, ne ne le puis; et desplait à touts les seigneurs et princes de vostre sang, qu’il faille que , par faulte de donner ordre de bonne heure aulxdictes choses, le faict de vostre royaulme vienne à telle commotion et nécessité, laquelle se polroit légièrement appaiser, quand il vous plaira, par considérant en vousmesme l’estat et prospérité en quoy vous avez trouvé vostredict royaulme, et quel il est de présent. Mais il peut estre, mon très redoubté et souverain seigneur, que n’estes point du tout adverty, et que plusieurs choses sont mal faictes par cy-devant, tant entour vous que vostredict royaulme, par puissance, force et violence, et aultres voies non accoustumées, quy ne sont pas venues à vostre notice et cognoissance, et dont on vous informera tellement et sy duement, que vous polriez et debvriez dire que Ce quy se faict par lesdicts princes et seigneurs, se faict à bonne et juste cause , et en quoy nul quy s’en mesle ne peut avoir blasme ne reproche envers Dieu, vostre couronne, ne justice. Pourquoy je vous supplie, mon très honnoré et souverain seigneur, très humblement, que, attendu et considéré ce que dict est, et aultres choses que scaurez bien considérer, et que ne puis rescripre, dont plainement ay parlé audict Josselin, vous plaise m'avoir pour
trances particulières ne requestes que on vous : excusé de ce que ne voys devers vous, Car Jé
suis délibéré, avec les aultres princes et seigneurs de ceste alliance et vollonté, pour le bien de vous et de vostredict royaulme, d’entendre à vous faire lesdictes remonstrances, et y donner ordre, vous suppliant très humblement, mon très redoubté et souverain seigneur, pour l’amour de Dieu, qu'il vous plaise à y avoir advis, et y donner de bonne heure provision , telle que on ne puist dire que de vostre temps sont advenus inconvénients en vostre royaulme, par faulte de y vouloir remédier, comme il appartient par raison ; en vous assurant, mon très redoubté et souverain seigneur, que ceste besoingne n'est pas emprinse, ne ne se conduict contre vostre personne ne le bien de vostre royaulme, mais seulement pour remectre les choses en ordre et à vostre honneur, et au bien de vous et de vos subjects, relefvement et confort du pauvre, quy sont, de toute droicte et de bonne raison, dignes de préférence et de recommandation , et, où y eschiet prompte etconvenable provision, comme vostre bonne discrétion, comme envers laquelle (tant je puisse et doibs, m'en acquitte par cestes lettres) pourvoiera pour le mieux s’il luy plaist adviser. Mon très redoubté et souverain seigneur, je supplie le benoist Fils de Dieu, qu’il vous donne bonne vie et longue. Escript à Molins, le treiziesme jour de mars. »
Copie d'unes lettres que Loys, roy de France, par tout son royaulme envoya pour publier aux lieux accoustumés ‘de faire publications.
« Loys, par la grace de Dieu, roy de France, à touts ceulx quy ces présentes lettres verront, salut. Comme aulcuns, meus de maulvais espoir et dampnable propos, non ayants regard à Dieu, honneur et conscience, à la loyaulté qu’ils nous doibvent, et à quoy par serment ou aultrement sont tenus envers nous et à la couronne de France, ayent faict, conspiré, machiné et pourchassié plusieurs choses préjudiciables à nous, nos subjects et à la chose publicque, eulx efforçants par ce et aultrement troubler et empescher le bon estat du royaulme, quy estoit sy paisible et tranquille que marchandise courroit franchement partout , chascun vivoit paisiblement en sa maison, feuissent gents d'église, nobles, bourgeois, marchands, laboureurs, toutes sortes de gents, estrangers ou du royaulme, pooient entrer et issir par toutes les
J. Du Czerco er Sr. Remy.
