LIVRE V, CHAP. XXII
blablement ont accoustumé, ou sont puissants eulx armer et fréquenter les guerres, se préparent en toute diligence au mieulx que possible leur sera, et se tiennent prests en leurs hostels, garnis et pourveus de chevaulx et d’aultres accoustrements de guerre, pour eulx partir et mectre sur les champs prestement qu'il plaira à mondict seigneur le roy ordonner, ou que de par luy le feroit scavoir; et au cas que aulcuns desdictes marches se seroient mis ou vouldroient mectre sus en armes, sans ordonnance de mondict seigneur le roy ou de nous, les constraigniez ou faictes constraindre de eulx en cesser, ou départir et retourner en leurs maisons et hostels, par prinse de leurs corps, biens et héritaiges, seigneuries et possessions, et soubs la main de mondict seigneur le roy les faire régir et gouverner, en y commectant par icelluy seigneur roy, baillys, recepveurs et aultres officiers solvents et resseants, quy des frais et levées desdicts héritaiges et seigneuries puissent et scachent tendre bon reliqua, quand et où il appartiendra, sans en compte, et faire la main levée ou deslivrance sinon par l'ordonnance et commandement de mondict seigneur le roy ou de nous. De ce faire vous donnons pouvoir de par mondict seigneur le roy ; et mandons et commandons à vous, et à chascun de vous et vos commis, et députés en ceste partie, en ce faisants, diligemment obéir. Donné en nostre ville de Mezières, le seiziesme jour de mars mil quatre cents soixante-quatre. Ainsy signé par M. le comte, lieutenant-gouverneur et capitaine-général, Berthaut. »
De la teneur d'unes lettres que le comte de Charrollois envoya en la ville d'Arras ct en plusieurs aultres villes de ses pays.
« Très chier et bient amés, le gouverneur, son lieutenant, mayeur et eschevins d'Arras. Pour ce qu'il est venu à nostre cognoissance que le seigneur de Croy et les siens font assembler des gents , et entendent de tirer à eulx grand nombre de compagnons de guerre des pays de mon très redoubté seigneur et père, et mesmement ès pays d'Artois, Boullenois, villes, chastellenies de Lille, Douay, Orchies ; et pareillement le comte de Nevers, nostre cousin ; avecq quy se sont alliés pour eulx servir desdicts compagnons allencontre de nous, pour fouller et dommaiger lesdicts pays de mondict seigneur et père ; nous quy voullons, désirons
et entendons de tout nostre cœur obvier, remédier et pourvcoir à telles choses, mesmement à ce que, à cause et par le moyen de ce que dict est, aulcun dommaige et inconvénient ne advienne aulxdicts pays et subjects de mondict seigneur et père, escripvons seulement devers vous et vous prions et requérons très acertes que, incontinent ceste veue, vous faictes ou faictes faire deffense et exprès commandement de par mondict seigneur et père, et de par nous, en la ville d'Arras et ailleurs, ès mectes et termes de vos offices et jurisdictions, que nul quel qu’il soit ne se mecte sus en armes ne aultrement pour aller servir ledict comte de Nevers nostre cousin, lesdicts de Croy nos ennemis, et aultres, sans nostre sceu et licence ou congié, et que ce ne soit par l'ordonnance de nous ou de ceulx quy ont ou polroient eyaprès avoir charge de par nous de cœuillir et lever gents d’armes pour nous servir à la garde, deffense et préservation desdicts pays et subjects de mondict seigneur et père, à peine de confiscations de corps et de biens. Et au cas que vous trouverez aulcuns faisants ou allants contre lesdictes deffenses, les prendrez ou ferez prendre au corps et procéder allencontre d’eulx par la manière dessusdicte, sans deport ou dissimulation quelconque, affin que aultres y prendent exemple et se gardent de faire le semblable; et en ce faire tel et sy bon devoir et acquit que la chose le requiert et que y avons nostre fiance. Très chiers et bien amés, nostre seigneur soit garde de vous. Escriptes à Bruxelles, le vingt-cinquiesme jour de mars mil quatre cents soixante-quatre. Ainsy signé, CHARLES TROTIN, se crétaire ; et la souscription estoit : le comte de Charrollois, scigneur de Chasteau-Bellin et de Bethune. »
Le cinquiesme jour d’apvril ensuivant, en la ville de Lille, maistre Thomas Mallet, maistre de la chambre des comptes où il besoignoit, ne se donnant garde du duc de Bourgoingne, par le prévost de Lille, par le command du comte de Charrollois, feut prins en la propre chambre des comptes, où il besoignoïit ne s’en donnant garde ; lequel prévost le livra prestement à quatorze archicrs dudict comte, lesquels prestement le feirent monter à cheval, et le menèrent en ung chastel nommé Beaurevoir : et pour requeste que ledict maistre Thomas
feist, ne le voullurent laisser aller jusques à sa maison, en icelle ville de Lille. Icelluy maistre Thomasavoit esté clercq à Guy Guillebault, pauvre enfant; mais pour ce jour il estoit tant riche que à merveilles, et avoit marié plusieurs de ses filles très grandement à plusieurs chevalliers. Il avoit esté élevé soubs le seigneur de Croy, et estoit convoiteulx merveilleusement et riche. Assez tost après que icelluy maistre Thomas feut prisonnier, feust prins en ladicte ville de Lille Hutin Mallet son frère, et mené au chastel de Lille ; et le huictiesme jour de juing ensuivant feut descapité icelluy Hutin, lequel Hutin cstoit renommé d’estre hocqueleur‘, faulx, plain de procès et questions, et avoit eu deulx femmes; la première, quy estoit belle et bonne, il avoit tant battue par sa jalousie qu’elle en mourut ; la seconde, qu’il print riche et agiée de soixante ans ou plus, il luy avoit mené sy malle vie par battre et fourmener qu'elle en mourut aussy; mais par l'audience que son frère avoit, ses parties contraires ne pooient avoir raison. Toutesfois toutes ces choses ne feurent point la cause de sa prinse, mais aulcunes injurieuses parolles qu’il avoit diet du comte de Charollois, après qu’il sceut que son frère estoit prisonnier. Et luy prins, vindrent ces plaintes en grand nombre, quy feurent cause de sa mort; et quatre ou cinq mois après, ledict Thomas Mallet, son frère, par le grand pourchas qu'il olt, feut délivré de prison et restitué en son office.
