LIVRE V, CHAP. XXIIL
parties de nostre rovaulme, avecq leurs denrées et marchandises et argent, et toutes aultres choses quelconques sans dangier, destourbier ou empeschement; néanmoins non ayants iceulx séducteurs considération aulx choses dessusdictes et aulx maulx et inconvénients quy peuvent advenir par leur maulvaise et dampnable conspiration, ont induict, séduict et suborné nostre frère de Berry, josne d’age, et non considérant la maulvaise intention de ceulx quy ces trahisons, rébellions, machinations, conspirations, conduisent, à soy séparer avecq nous, et par leur faulx donné à entendre, soubs ombre et couleur de luy, et plusieurs languaiges controuvés pour le attraire à faire joindre avec eulx, et esmouvoir le peuple allencontre de nous, et soy séparer de nostre obéissance, que ont faict dire, semer et publier par diverses parties de ce dict royaulme que on vouloit nostredict frère emprisonner, et atlenter à sa personne , ce que onCques ne pensasmes ; et quand eussions sceu aulcun quy euist ung tel cas voullu perpétrer, nous eussions faict telle pugnition que ce euist esté exemple aulx aultres ; ainchois, pensions, et entendissions que nostredict frère feust sy content de nous, et nous en tenions pour sy asseuré que possible estoit ; Iuy-mesme de sa bouche avoit debvant nous ainsy dict et affermé avecq tant de belles et honnestes parolles, qu’il estoit vraisemblable que ainsy estoit ; et croyons fermement qu'il avoit ce propos et vollonté, sy ne feussent les faulx et maulvais séduiseurs quy en ce l'ont destourbé et du bon voulloir qu’il avoit en nous destourbé ; et lesquels en oultre ont envoyé en diverses parties du royaulme pour faire adhérer et joindre avec eulx, par leurs faulx donné à entendre, à leur faulse et dampnable séduction, laquelle ils s’efforcent couvrir soubs couleur du bien de chose publicque , plusieurs princes, prélats, gents d’église, barons, chevalliers, escuyers, bourgeois, marchands, et aultres habitants des bonnes villes et des champs, lesquels ignorants la maulvaise et dampnable fin à quoy lesdicts séduiseurs tendent, quy n’est que pour mectre guerre et division en ce royaulme, et troubler et empescher le bon voulloir que nos bons etloyaulx subjects ont envers nous, comme faire doibvent, polroient et poeuvent estre leur avoient donné consentement, cuidants bien faire, et
leur avoient donné quelques promesses de eulx joindre avec eulx et tenir leur partie ou aultrement ; desquelles choses, quand ainsy est tout clair que inconvénients irréparables s’en polroient ensuivir, en l’exemple des choses passées, et dont à ceste cause est à doubter que nos anciens ennemis et adversaires les Anglois, à leur pourchas et aultrement, polroient descendre en ce royaulme, et ÿ faire maulx et dommaiges irréparables, comme aultrefois ils ont faict, dont tant de sang humain chrestien, tant de ceulx de nostre sang, comme des aultres gents nobles de nostre royaulme, a esté espandu, tant d’églises violées, femmes forcées, pucelles déflorées, et aultrespitiéset inhumanités sont ensuivies, que piteuse chose est de les raconter, et de quoy sy lesdicts princes, gents d'église, nobles et aultres, euissent esté advertis, il ne fault faire aulcun doubte que jamais ne l’euissent faict ny consenti; et néanmoins, doubtants que pour l'alliance qu’ils ont faict aulxdicts séduiseurs, trahistres et rebelles à nous et à la couronne de France, nous volsissions prendre vengeance d’eulx, et procéder allencontre d’eulx, ainsy qu’il est aceoustumé contre criminels de crime de lèze-majesté, polroient faire difficulté d’eulx réduire et recognoistre de l'affaire en quoy ils ont esté meus, et que ne leurs volsissions donner et impartir nostre grace : Scavoir faisons, que nous, à l’exemple de nostre Sauveur Jésus-Christ, duquel tenons ce royaulme et la couronne, lequel ne vealt la perdition de son peuple, mais que chascun se réduict pour estre et demourer en sa bonne grasce, nonobstant toutes les faultes et erreurs en quoy lesdicts princes, prélats,
gents d'église et aultres, de quelque estat |
que ce soit, polroient estre encheus et envers nous avoir offensé, à cause et par le moyen desdicts sédüiseurs, trahistres, rebelles et desobéissants versnous, voullant monstrer, comme prince de miséricorde, que ne voullons la destraction et perdition de nostre peuple, avons disposé de faire advertir touts les subjects de nostre royaulme des choses dessusdictes ; et pour les asseurer que nul ne fasse difficulté de venir vers nous, et se réduire et oster hors de l'erreur en quoy ils peuvent estre ou seront escheus, avons ordonné, dictet desclaré, disons, ordonnons et desclarons, par cesdictes présentes : que touts ceulx quy voudront venir et
réduire envers nous dedans ung mois, où six semaines où plus tard, deslaissants et abbandonnants le dampnable party desdicts rebelles et desobéissants, nous les recepverons bénignement, et dès le présent leur impartissons nostre bénigne grasce, sans ce que à ceste cause, ores ne pour le temps advenir, on leur repute aulcun blasme, cause, crime, reproche ou deshonneur, à l’occasion des choses dessusdictes, ne que on leur donne ou fasse aulcun destourbier, dommaige ou empeschement en leur corps ny en leurs biens en manière quelconque ; et voullon que sitost qu’ils se réduiront à nous comme à leur souverain et droicturier seigneur, ils soient restitués en leur bonne fame et renommée, et en touts leurs biens; et que de ces présentes ils s’en puissent aider et leur valloir tout ainsy que s'ils avoient lettres espéciales , au Cas en eulx réduisants et venants par devers nous et nos lieutenants pour faire le serment, et nous servir et obéir comme bons et loyaulx subjects doibvent faire. Et d’abbondant, pour obvier à toutes choses quy polroient préjudicier à nostre présente grace et abbolition générale, donnons en mandement à nos lieutenants, connestables, mareschaulx et chiefs de guerre, séneschaulx, baillys et prévosts , et tous nos aultres justiciers et officiers, et à leurs lieutenants, et à chascun d’eulx, que ces lettres et le contenu en icclles ils fassent garder, entretenir et observer de poinct en poinct, et icelles publier par les auditoires et jurisdictions, et par touts les lieus accoutumés à faire cris et publications ; et que touts ceulx quy s'en voudront aider, ils les en fassent joyr et pleinement user et sans difficulté quelconque ; et imposons silence perpétuel à nostre procureur et à tout ce qu'il voudroit dire et alléguer et proposer au contraire ; et voullons que au vtidimus d’icelles, faictes soubs scel royal ou authentique, foy soit adjouttée comme à l’original. Ën tesmoing de ce, nous avons faict mectre mostre scel à ces présentes. Donné à Tours, le seiziesme jour de mars, l’an de grace mil quatre cents soixante-quatre, et de nostre règne le quatre. Ainsy signé par le roy en son conseil, auquel le comte d’Eu, le comte du Maisne, les comte de Commynes et seigneur du Bois-Menart mareschal de France, le comte de Maulevrier grand-séneschal, le seigneur du Lau et de la Baserle, maistre Jehan Daumon
président de Toulouse, le seigneur de Monstrœul de la Rosade, maistre Étienne, chevallier, Guillaume de Varye, et aultres estoient. »
De la teneur de la lettre que le comte de Nevers et de Rétel fcit publier par les villes dont il estoit licutcnant du roy.
« Jehan, comte de Nevers, de Retel et d’Estampes, baron, doyen et seigneur de Dourdain, lieutenant de monseigneur le roy, et capitaine général du pays de Picardie, Laorinoïs, Soissonnois, Beauvoisis, Tournesis, Cambresis, et aultres marches allenviron, aulx baïllys de Vermandois, Amiens, Tournay, Tournesis, Senlis, Sainct- Quentin, Péronne, Montdidier, Roye, séneschal de Ponthieu, et aultres justiciers et officiers de mondict seigneur le roy, ou à leurs lieutenants, salut. Aujourd’huy, date de ces présentes , avons receu lettres de mondict seigneur le roŸ, par lesquelles, et pour certaines causes et raisons ad ce lé mouvants, il nous escript et mande prestement mectre seure et bonne provision en toutes villes et forteresses situées et assises ès pays et marches dessus desclarés, et dont pour et de par luy avons la charge et gouvernement, en manière que bon compte luy en soit rendu en sa bonne et vraie obéissance, toutesfois qu’il luy plaira et que mestier sera ; et que pour le suivir, sy mestier estoit, faisons préparer touts ses nobles vassaulx , féaulx et aultres, ayants accoustumé servir et fréquenter les armes, et iceulx tenir prests en leurs hostels sans en partir, ne eulx mectre sur les champs sans l’ordonnance ou mandement de - monseigneur le roy, ou de par nous ; pourquoy nous.veuillant etdésirant,comme raison, obéir à monseigneur le roy, et accomplir son bon voulloir et plaisir, vous mandons et enjoignons de par luy,l’en commectant se mestier est, et par ces présentes, que en ce et par touts les lieulx accoustumés à faire cris et publications ès termes de vos offices, vous et chascun de vous en droict soy faictes crier et publier, en faisant commandement exprès de par monseigneur le roy, Sur certaines et grosses peines: que touts capitaines et chiefs, quy par cy-devant ont accoustumé avoir charge et conduicte de gens de guerre, se préparent ou fassent préparer le plus desdictes genis de guerre que recouvrer polront, et aussy que touts aultres vassaulx et féaulx de mondict seigneur le roy, quy sem-
