LIVRE V, CHAP. XXIX

luy courir sus ; et ne se osoit tenir près d’eulx ; et encoires celluy jour, tantost que les gents du comte le perceurent , ils le cuidèrent enclorre; et luy feut de nécessité qu’il retournast dedans Paris prestement. Quand les gents du comte le veirent rentrer dedans la ville, le comte feit ruer sur la cauchie 1 deulx ou trois serpentines, quy effrayèrent ceulx de la ville, combien qu'ils ne blessèrent personne qu’on sceuist. Le comte s’estoit mis devant toute la bataille et alla jusques à ung mollin, assez près de la ville de Paris, lesquels de Paris se attendoient qu’on les deubst assaillir ; mais non feit, car le comte leur avoit faict remonstrer, tant audict pays et ailleurs , qu’il n’estoit venu que pour le bien du royaulme , et à la prière et requeste dudict duc de Berry, quy avoit mandé qu’il seroit de brief avec luy, et se donnoit de merveilles que jà n’estoit venu ; lequel duc de Berry faisoit ce qu'il faisoit pour le bien du royaulme, leur signifiant qu’ils obéissent à luy comme et au nom du duc. Et à la rentrée que le mareschal feit dedans Paris, il rencontra ung homme d'église, chanoine d’Arras, nomme messire Jacques de Villers, quy avoit eu affaire à Paris et retournoit en Picardie, soy-disant de la ville d'Amiens ; auquel chanoine icelluy mareschal feit jurer qu’il diroit au comte de Charrollois qu’il avoit prestement receu lettres du roy de France, que endedans quatre jours ou environ, il se trouveroit à Paris et iroit où le comte seroit, et verroit quy seroit le plus fort. Lequel chanoine tint sa promesse et dit les parolles au comte, qu’il trouva audict mollin. Aulxquelles parolles le comte respondit qu’il le croyoit, pour ce que paravant luy avoit mandé plusieurs choses quy n’estoient point vraies. Après ce que le comte de Charrollois eut faict sa monstre devant Paris, luy et son ost se retirèrent au Lendy, entre Paris et Sainct-Denys, où encoires estoient les loges et maisons de la feste dudict Lendy ; et illecq, comme il avoit accoustumé de faire partout où il alloit, enclost son ost du carroy quy le suivoit, dont il avoit grand nombre, tant de l'artillerie, comme du carroy desdicts seigneurs. Le comte de Sainct-Pol, quy menoïit l'avant-garde, entre Paris et Sainct - Cloud trouva un bateau chargié de foing, quy estoit moult grand, que on menoit à Paris; lequel basteau il print, et vuida (4) Chaussée,

le foing quy estoit dedans, et, par ce basteau luy et toute l'avant-garde passa oultre la rivière de Saine; et affin de avoir passaige par la rivière, alla prendre et gagner le pont Sainct- Cloud , auquel lieu y avoit plusieurs gents de guerre, lesquels se rendirent, saulf leurs corps et leurs biens, et s’en allèrent à Paris. Ce sceu du comte de Charrollois, luy et toute son armée vindrent au pont de Sainct-Cloud, et passèrent touts la rivière de Saine.

Durant le temps que le comte de Charrollois estoit entre Paris, envovèrent en son ost deux ballades dont la teneur s’ensuit :

D'où venez-vous ? — D'où? voire de la cour.

— Et qu'y faict-on?— Qu'y faict-on? rien quy vaille. — À brief parler, quel est bruict de la cour ? Mauvais; Oy ? — Ov certainement.

— Aurons-nous pis ? — Oy certainement.

— Comment cela ?— On en voit l'apparence.

— Quy portera ce faix entièrement ?

— Quy? voire quy ? les trois eslats de France.

Dont vient cecy ? de quoy sy gricf mal sourd? — Dont voir déa? — Dictes le hardement.

Je crieus pensant qu'il tient l'argent sy court. — Diray-je oy? — Dictes-le baudement.

Et quy sont-ils? — Je ne parie aultrement.

— En ont-ils eu? — S'ls en ont à puissance !

— Quy leur en baille, sy très abbondamment ?

— Quy? voire quy ? les trois estals de France.

Que dict Paris? est-il muet et sourd?

N'ose-il parler ? — Nenny, ne parlement.

— Et le clergié, le vous ticnt-on bien court ? — Par vostre foy, oy, publiquement.

— Noblesse quoy ? — Va moitié pirement ; Tout se péril saus avoir espérance.

— Quy peut pourvoir à cecy bonnement ?

— Quy? voire quy ? les trois estats de France.

Prince, quy veull leur donner allégeance ?

— A quy ?— A eux ; je vous prie humblement

— De quoy?—Que vous ayez leur règne en remenbrauce. — Quy peut donner bou conseil prestement ?

— Quy? voire quy ? les trois estals de France.