CHAPITRE XXIX

Comment le comte de Charrollois se partist de Pont et entra dedans Sainct-Denys, puis alla eu la bataille dedans Paris; et comment le comte de Sainct-Pol gagna Sainct-Cloud-sur- Saine et cut passaige sur Saine ; et plusieurs aultres choses.

Après quele comtede Charrollois olt esté aulcuns jours à Pont, il et tout son ost se partist d'illecq; et s’en allèrent à Sainct-Denys en France ; en laquelle ville, pour et au nom du duc de Berry, on luy feit ouverture, et aussy que ils véoient bien que par force ils ne pooient contre luy. Et illecq, entre Paris et Sainct-Denis, luy et touts ses gents se tindrent tout le mois de juing, attendants illecqles ducs de Berry, de Bretaigne, de Callabre et de Bourbon et les aultres princes quy avoient scellé

ensemble et promis d’estre audict Sainct-Denys,

endedans le jour de Sainct-Jehan-Baptiste. Le jour de Sainct-Jehan-Baptiste passé et tout le mois de juing, le comte de Charrollois véant que nuls des princes dessusdicts n’estoient venus, et mesmement le mareschal de Bourgoingne, ne nuls Bourgoingnons, mais luy feut rapporté qu’ils ne pooient passer pour illecq venir, pour l’armée du roy de France quy les costoyoit de touts lez, le huictiesme jour de juillet , icelluy comte et ses gents, touts mis en bataille, s’en alla devant Paris, et sy près que ceulx de la ville les pooient veoir tout a plein. C'estoit la plus belle armée que de mémoire d'homme on euist veu en France de peu de gents. Joachim Rohault, mareschal de France, vuida de Paris pour veoir l’armée, jà l’euist-il paravant costoyé, tant à Beaulieu que ailleurs, par plusieurs fois, pour faire sur eulx aulcune emprinse s’il euist peu, mais il n’y trouva oncques avantage ; ains, tantost que on scavoit où il estoit, les gents du comte tournoient celle part pour