CHAPITRE XXXIIL

De la bataille ou rencontre quy feut faicte sur le Mont-lc-Iléry.

Le roy de France et son ost estant en bataille sur le Mont-le-Héry, et voyant au-dessoubs du mont, en la vallée, en tirant vers Paris, le comte de Charrollois et son ost mis en ordon-

(ti Ficher,

nance, quy les attendoit de pied coy, feut par l’espace de quatre heures ou plus en bataille sans l’assaillir, combien qu’ils feuissent à ung traict d’arcq près l’ung de l’aultre ; durant lequel temps le comte de Charrollois faisoit jetter ses engins sur les gents du roy ; et en tuèrent plusieurs; mais pour ce que le roy ne les siens ne descendirent, ne feirent manière d'assaillir, ains faisoit aussy jetter ses engins à pouldre pareillement ès gents du comte, desquels il n'avoit pas tant que le comte, car touts n'estoient pas encoires venus ( et quand touts euissent esté venus qu’il faisoit venir, sy n’en avoit-il guières au regard de ceulx du comte), durant ce temps, plusieurs des gents du roy commencèrent à touppier ! autour de l’ost du comte, comme pour l'advironner, ou pour luy donner le soleil en l’œuil. Ce appercevant le comte et ses gents, sy prindrent les capitaines conseil ensemble; et combien que le comte n'estoit point venu pour combattre le roy, doubtant que ceulx de Paris ne feuissent advertis que le roy estoit illecq, et ne venissent à grosse puissance en son aide, et ne feuissent assaillis d’ung lez du roy et de l’aultre de ceulx de Paris, conclurent de marcher avant, et issir de leur fort, et assaillir le roy et sa puissance. Lors commanda le comte de Charrollois de marcher avant; et se partirent en deulx aisles , l’une vers le bois, l’aultre du costé du villaige, et la bataille au front emprès le carroy, ayant les bois au dos. Et combien que on ne scait bonnement quy premier assaillit des trois batailles, au commencier, la bataille feut bouttée au villaige, pour empescher que les François ne descendissent par le villaige du Mont-le- Héry. Lors secommença la bataille, en laquelle, de la première empaincte3, plusieurs d’ung costé et d’aultre se meirent en fuite. Du costé du comte de Charrollois s’enffuirent le tiers de ses gents ou plus, entre lesquels s’enffuirent le seigneur d'Emeryes, son premier chambellan , lequel avoit cent lances d'ordonnance, le seigneur de Haplincourt, quy portoit le penon des archiers du comte de Sainct-Pol, le seigneur de Rabodenghues, et aultres sans nombre, touts lesquels s’enfluirent au pont Sainct-Cloud , reservé le seigneur de Rabodenghues, quy n’alla point plus de deux lieues loing qu’il ne re- (1) Tournoyer, comme fait une toupie entre les mains q'un enfant. (2) Attaque. °

CCC te RS